Məhkəmə

Səlim Müslümovun məhkəməsi: Nazirlik evləri ucuz alıb, baha sənədləşdirib

Leyli Cəfərova
12 Sentyabr, 2022
332

Açıq mənbələrdən götürülüb

“Nazirliyin aparat rəhbəri Əjdər Cəbiyev pulu geri tələb etməməyim üçün zəng vurub məni hədələyirdi. Mən də elə verdikləri 10 min manatla kifayətləndim, 40 min manatı tələb etməyə qorxdum. Sonradan eşidəndə ki, Əjdər Cəbiyev tutulub, DTX-ya gedib ərizə verdim, məni də istintaqa çağırıb zərərçəkmiş kimi tanıdılar”.

Bunu sentyabrın 12-də Bakı Ağır Cinayətlər Məhkəməsində keçmiş nazir Səlim Müslümovun məhkəməsində şahid kimi dindirilmiş Elmar Səmədov deyib. Məhkəmə iclasına hakim Faiq Qəniyev sədrlik edir. Bu şəxs Əmək və Əhalinin Sosial Müdafiəsi Nazirliyinin aparat rəhbəri, bir sıra cinayət əməllərində təqsirləndirilərək bu ilin mayında məhkum edilmiş Əjdər Cəbiyevin işində zərərçəkmiş kimi tanınıb. Əjdər Cəbiyev Azərbaycan ictimaiyyətinə Əjdər Ol təxəllüsü ilə yazan yazıçı kimi də tanışdır.  Elmar Səmədov Səlim Müslümovun işində şahid kimi dindirilir.

https://toplum.tv/mehkeme/rasim-memmedovun-vekilleri-elcin-sadiqovun-ofisinden-senedler-goturulub

Şahidin sözlərinə görə, Əmək və Əhalinin Sosial Müdafiəsi Nazirliyinin balansında olan, Masazırdakı duz gölü ətrafında yerləşən 65 sot torpaq sahəsini üzərindəki tikiliylə almaq üçün qurumun aparat rəhbəri Əjdər Cəbiyevlə danışıb. Əjdər Cəbiyev buna görə ondan 50 min manat alıb. Ərazinin tezliklə onun adına özəlləşdiriləcəyinə söz verib. Sonradan sahəni özəlləşdirmək mümkün olmayıb və o, pulunu geri istəyib:


“Gah dedilər, torpağın üstünü özəlləşdirmək mümkündür, altını yox, gah başqa səbəb gətirdilər. Məhkəməyə də müraciət etdim, Əjdər Cəbiyev çağırıb dedi ki, tut, bu 10 min manatı, get, ərizə yaz ki, şikayətçi deyilsən, bir neçə günə 40 min manatını da qaytaracağıq. Mən də inandım, yazdım. Ancaq sabahı gün nazirliyə gedib Əjdər Cəbiyevlə görüşmək istəyəndə, polislər qapıdan içəri buraxmadı”.

Elmar Səmədov deyib ki, Nazirliyin aparat rəhbəri Əjdər Cəbiyev onu hədələdiyi üçün ikinci dəfə şikayət etməyə qorxub:

“Şahid: - Yol gedirdim, zəng elədi, məni hədələdi ki, yerdə qalan 40 min manatı tələb etməyim.

Hakim: - Sosial Müdafiə Nazirliyidir də, niyə qorxurdunuz ki?

Şahid: - Nə bilim, dedim, vəzifə, səlahiyyət sahibidilər, sabah nə desən olar. Ailəm var, qohumlarım var, qardaşım var... Nəsə, qorxdum.

Hakim: - Sonra qərara gəldiniz ki, şikayət edəsiniz?

Şahid: - Hə, eşitdim ki, DTX tutub, getdim, ərizə verdim, məni dindirdilər.

Şahidin sözlərinə görə, Əjdər Cəbiyev məhkum edilsə də, ona dəymiş 40 min manat zərər ödənilməyib.

Məhkəmə şahid qismində daha bir neçə nəfəri də dindirib. Bu şahidlər müharibə əlilləri və şəhid ailələri üçün Gəncədə və Mingəçevirdə mənzillərin vətəndaşlardan alınması epizodunda adları keçənlərdir. Şahid Taleh Ələkbərov ifadəsində göstərib ki, nazirlik əməkdaşı ilə bağlanmış alqı-satqı müqaviləsində mənzilin 51 min 600 manata alındığı göstərilsə də, ona mənzilə görə cəmi 33 min 500 manat verilib. Şahid Ulduz Verdiyevadansa 3 otaqlı mənzil  sənəd üzərində 52 min manata alınsa da, ona 36 min manat ödənilib.
 
“Bizə maklerlə evi 35 minə danışdıq sonra yekun olaraq 31 min manatla razılaşdıq. Sənədləşməyə gedəndə bizə dedilər ki biz sənəddə 46 min 500 yazırıq, amma sənə 31 min manat verəcəyik. Dedilər ki, bu ev əlillərə veriləcək”, - bunu da şahid Samir İsmayılov deyib.

Daha bir neçə şahid də mənzillərinin sənəd üzərində baha, gerçəkdə ucuz alındığını deyiblər. Hakim şahidlərdən pulun ödənilməyən hissəsini niyə tələb etmədiklərini soruşduqda, şahidlərin cavabı eyni olub: “Nazirlik işçiləri dedilər ki, evləriniz təmirsizdir, qeyd olunan məbləğin sizə verilməyən hissəsi evlərin təmirinə xərclənəcək”.

Şahidlərin dindirilməsi sentyabrın 19-da davam edəcək.

https://toplum.tv/mehkeme/mehkeme-zalinda-dava-dusdu-mtn-isi-texire-salindi

Keçmiş nazir Səlim Müslümovu 2021-ci ilin fevralında Dövlət Təhlükəsizlik Xidməti həbs edib. Mənimsəmə, rüşvətalma, vəzifədən sui-istifadə cinayətlərində təqsirli bilinir. Həbsdə olduğu müddətdə keçmiş nazir vurduğu 27 milyon manatlıq ziyanın 20 milyon manatını Maliyyə Nazirliyinin depozit hesabına qaytarıb. Bundan sonra o, “səhhətindəki problemlərə görə” ev dustaqlığına buraxılıb. Maliyyə Nazirliyi zərərçəkmiş tərəf kimi tanınır və qurum qalan 7 milyon manatın da keçmiş nazir tərəfindən ödənilməsini tələb edir.

Hakim ötən məhkəmə iclasında Səlim Müslümova ifadə verməyi təklif etsə də, sonuncu imtina edib. Deyib ki, özünü təqsirli bilmir, sadəcə səhlənkarlıq edib.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Məhkəmə

“MTN İşi”ndə zərərçəkənlər: Məhkəmənin təxirə salınması səbəbsiz deyil

Leyli Cəfərova
7 Fevral 2023

Açıq mənbələrdən götürülüb

Keçmiş MTN-nin İstintaq Baş İdarəsinə rəhbərlik etmiş general-mayor Mövlam Şıxəliyevin, 2-ci şöbənin rəisi Vüsal Ələkbərovun, İbtidai istintaq idarəsinin rəis müavini Yasin Məmmədovun, şöbə rəisinin müavini Sahib Ələkbərovun məhkəməsi yenə təxirə salınıb. İndiyədək Bakı Apellyasiya Məhkəməsində bu iş üzrə səkkiz məhkəmə iclası təyin olunub, ancaq bunlardan cəmi dördü baş tutub. Bunun səbəbləri isə müxtəlif olub. Vəkillərin prosesə qatılmaması, qar yağması səbəbindən müttəhimlərin Bakı İstintaq Təcridxanasından məhkəməyə gətirilməməsi olub. Fevralın 7-nə təyin olunan proses isə hakimlərdən birinin xəstələnməsi səbəbindən fevralın 13-dək təxirə salınıb. İş üzrə zərərçəkənlər məhkəmənin təxirə salınmasının səbəbsiz olmadığını deyirlər. Bildirirlər ki, müttəhimlər prosesin uzadılması ilə vəziyyətdən çıxa biləcəklərini, hakimiyyət...
Məhkəmə

Suriya işi: “Azəri camaatı”na qoşuldu, döyüşlərdə yaralandı 

Leyli Cəfərova
3 Fevral 2023

Açıq mənbələrdən götürülüb

Suriyada silahlı birləşmələrin tərkibində döyüşməkdə ittiham olunan 45 yaşlı Akif Osmanovun cinayət işi üzrə məhkəmə prosesi keçirilib.   Toplum TV xəbər verir ki, Bakı Ağır Cinayətlər Məhkəməsində hakim Cavid Hüseynovun sədrliyi ilə keçirilən prosesdə dövlət ittihamçısı ittiham aktını elan edib.  İttihama görə, Akif Osmanov 2013-cü ildə iki nəfər tanışı - Elşad Cəfərov və Cavid Ağcəbəyovla birgə Gəncə hava limanından Türkiyəyə, oradan isə Suriyaya gedib. Suriyanın Artma şəhərində xüsusi hazırlıq düşərgəsində təlimlər keçib, odlu silah və partlayıcı maddələrdən istifadə qaydalarını mənimsəyib, radikalizm və dini düşmənçilik zəminində “Azəri Camaatı” adlı qanunsuz silahlı qruplaşmanın fəaliyyətində iştirak edib. Qrup üzvləri ilə birlikdə “Şeyx Süleyman”...

Seçilmiş Videolar

Toplum TV loqo