Məhkəmə

Sənay Yağmur işi: Əsgər Ağazadəyə hökm oxundu

Toplum TV
12 Oktyabr, 2022
869

Açıq mənbələrdən götürülüb

İctimai fəal Sənay Yağmura təcavüzdə ittiham olunan Əsgər Ağazadəyə hökm oxunub. 

Bu gün, oktyabrın 12-də Bakı Ağır Cinayətlər Məhkəməsində Sənay Yağmurun işi ilə bağlı sonuncu məhkəmə prosesi baş tutub. 9 ay davam edən və hakim Novruz Kərimovun sədrliyilə keçirilən iclasda Əsgər Ağazadəyə 5 il həbs cəzası verilib. 

Məhkəmədə son söz deyən Əsgər Ağazadə ona qarşı ittihamı təsdiqləyən heç bir sübutun olmadığını bildirib. Ağazadə ona qarşı bu cinayətin qurama olduğunu deyib. 

https://toplum.tv/mehkeme/kecmis-vekile-8-il-ceza-verildi

Zərərçəkmiş tərəf də hökmdən narazı qalıb, belə ki, Sənay Yağmurun nümayəndəsi Zümrüd Yağmur verilən cəzanı yüngül hesab edib və apellyasiya şikayəti verəcəklərini bildirib. 

Sənay Yağmura qarşı təcavüzdə təqsirləndirilən Əsgər Ağazadə onun xalası oğludur. Əsgər Ağazadəyə qarşı Cinayət Məcəlləsinin 149.2.3 maddəsi ilə ittiham irəli sürülüb. Bu cinayət işi üzrə istintaq təxminən bir il Yasamal rayon Prokurorluğunda aparılıb. Sənay Yağmur şikayətçi olsa da, Əsgər Ağazadə əvvəlcə məsuliyyətə cəlb edilməyib.

Ötən il məsələ ictimailəşəndən sonra cinayət işini Baş Prokurorluğun rəhbərliyi nəzarətə götürüb. Araşdırmaların davam etdirilməsi isə Baş Prokurorluğun İstintaq İdarəsinə həvalə olunub. Ardınca Əsgər Ağazadə həbs edilib. Əsgər Ağazadə nə ibtidai istintaqda, nə də məhkəmədə özünü təqsirli bilib, xalası qızına cinsi təcavüz etməsi barədə iddiaları rədd edib.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Məhkəmə

Mənimsəmədə ittiham olunan bələdiyyə sədrləri məhkəmə qarşısına çıxarılır  

Esmira Cavadova
31 May 2023

Açıq mənbələrdən götürülüb

Ağstafanın Dağkəsəmən bələdiyyəsinin keçmiş sədri Ariz Bayramov və Neftçalanın keçmiş bələdiyyə sədri Rövşən Quliyev məhkəmə qarşısına çıxarılır. Onlar ötən il həbs olunublar. Hər ikisi vəzifə saxtakarlığında, vəzifə səlahiyyətlərindən sui-istifadə etməkdə təqsirləndirilir.     Məsələn, Ariz Bayramova qarşı irəli sürülmüş ittihama görə o, 2019-2022-ci illər ərzində bələdiyyə sədri vəzifəsində işləyərkən kənd yollarının təmiri üçün xərcləri sənədlərdə şişirdib. Bundan başqa, bələdiyyə vəsaitləri hesabına kənd sakinlərinə maddi yardım verilməsi barədə sənədlərə yalan məlumatlar daxil edib. Ariz Bayramov Ağstafa rayon Məhkəməsi tərəfindən mühakimə olunacaq.   https://toplum.tv/mehkeme/pnarkotik-ticaretinde-ittiham-olunan-ilahiyyatccedilinin-isi-agir-cinayetlere-goumlnderilibp   Rövşən Quliyev də oxşar maddələrlə ittiham olunur. Belə ki, ötən ilin oktyabrında Neftçala rayon Prokurorluğunda Neftçala bələdiyyəsində...
Məhkəmə

“Müsəlman Birliyi”nin fəalı 1 il qapalı həbsxanada qalacaq  

Esmira Cavadova
31 May 2023

Açıq mənbələrdən götürülüb

Bakı Apellyasiya Məhkəməsində hakim İlqar Murquzovun sədrliyi ilə siyasi məhbus Abbas Hüseynin məhkəmə prosesi keçirilib. Məhkəmə Abbas Hüseynin 1 illik Qobustan həbsxanasına köçürülməsi ilə bağlı Nizami rayon Məhkəməsinin qərarını qüvvədə saxlayıb.      Bu il aprelin 27-də 1 saylı Cəzaçəkmə müəssisəsinin rəhbərinin təqdimatı əsasında Bakının Nizami Rayon Məhkəməsi Abbas Hüseynin 1 il müddətinə Qobustan qapalı həbsxanasına köçürülməsi barədə qərar qəbul edib. Abbas Hüseynin müdafiəçiləri məhkəmənin bu qərarından apellyasiya şikayəti verdiyi üçün o, mayın 18-də 1 saylı Bakı İstintaq Təcridxansına köçürülüb.   https://toplum.tv/mehkeme/pquotmuumlselman-birliyiquot-herekatinin-uumlzvuuml-isgenceye-meruz-qaldigini-bildirirp   Bir neçə gün əvvəl Abbas Hüseynin sosial şəbəkələrdə audio müraciəti yayılmışdı. O, saxlanıldığı Cəzaçəkmə Müəssisəsində həyatına hər...

Seçilmiş Videolar

Toplum TV loqo