Məhkəmə

Tərtər işi: Məhkəmələr “Cinayət işi” qovluqlarını ibtidai istintaqa qaytarır

Leyli Cəfərova
10 Noyabr, 2022
1476

Açıq mənbələrdən götürülüb

Noyabrın 10-da Gəncə Hərbi Məhkəməsində “Tərtər işi” üzrə daha 7 nəfərin məhkəməsi başlayıb. Qısa çəkən məhkəmədə hakimin çıxardığı qərarla Babayev Orxan Nəriman oğlunun, Aibov Emin Hörmət oğlunun, Abdullayev Zaur Akif oğlunun, Xəlilov Vəli Savxoz oğlunun, Rzayev Nicat Qabil oğlunun, Quluzadə Natiq Altay oğlunun, Tanrıverdizadə Yalçın Əmir oğlunun “Cinayət işi” təkrar baxılması üçün icraatı yenilənmiş istintaqa qaytarılıb.

Daha bir “Tərtər məhbusu”yla bağlı isə Gəncə Apellyasiya Məhkəməsi qərar verib. Məhkəmə 5 ildir ki, həbsdə olan Emil Əliyevin barəsində çıxarılmış hökmü ləğv edib, iş materiallarını təkrar araşdırılması üçün birinci instansiya məhkəməsinə qaytarıb.   

https://toplum.tv/mehkeme/semkirin-kecmis-icra-bascisi-mehkeme-qarsisinda

Bu ayın əvvəli Gəncə Apellyasiya Məhkəməsi daha 11 nəfərin hökmünü ləğv edərək birinci instansiya məhkəməsinə göndərib. Hökmləri ləğv olunmuş məhbuslar Orucov Rauf Rəşad oğlu, Zeydullayev Sultan Ramazanoviç, Əhmədov Faiq Əlibəy oğlu, Rəhimov Atabəy Müqabil oğlu, Əliyev Nasif Mehman oğlu, Əhmədli Müşviq Seymur oğlu, Qasımov Məcid Kamal oğlu, İbrahimli Turan Maarif oğlu, Mehdiyev Mirpaşa Zahid oğlu, Quliyev Əlizamin Ələmdar oğlu, Adilzadə Emin Qədir oğludur. Ancaq bu dəfə onların işinə Tərtər Hərbi Məhkəməsində yox, Gəncə Hərbi Məhkəməsində baxılacaq. 

Yuxarıda adları qeyd olunan və dövlətə xəyanətdə təqsirləndirilərək məhkum edilmiş şəxslər keçmiş hərbçilərdir. Onların barəsindəki hökm və qərarlar hələ bir neçə il əvvəl Ali Məhkəmədə qüvvədə saxlanmışdı. Lakin icraat yenilənəndən sonra Baş prokuror Ali Məhkəmənin Plenumuna məktub göndərib. Yeni açılmış hallar əsasıyla sentyabrın 30-da Ali Məhkəmənin qərarı ləğv edilib və işlər yenidən baxılması üçün apellyasiya instansiyasına qaytarılıb.

2021-ci ilin dekabrında “Tərtər işi” üzrə icraat yenilənəndən sonra həmin hadisələr zamanı həbs olunan şəxslərdən 26 nəfərə bəraət verilib. Aralarında general və polkovniklər də olmaqla, 12-dən çox şəxssə “Tərtər işi”ndə tutulanlara işgəncə vermək ittihamıyla həbs edilib.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Məhkəmə

Erməni diversanta 18 il həbs cəzası verildi - YENİLƏNİB

7 Dekabr 2023

AzərTac

Kəlbəcərdə saxlanılan erməni diversant Voskanyan Qaqik Aşotoviçin cinayət işi üzrə məhkəmə prosesi başa çatıb. Toplum TV xəbər verir ki, Sabunçu rayon Məhkəməsində keçirilən prosesdə hakim Abdulla Məmmədov hökm oxuyub. Təqsirləndirilən şəxs 18 il müddətə azadlıqdan məhrum edilib. Voskanyan cəzasının ilk 5 ilini həbsxanada, qalanını isə ciddi rejimli cəzaçəkmə müəssisəsində çəkməlidir. ​​​​​*** 15:53 Dekabrın 7-də Sabunçu rayon Məhkəməsinin inzibati binasında Kəlbəcərdə saxlanılan erməni diversant Qagik Voskanyanın cinayət işi üzrə məhkəmə prosesi keçirilib.  Bu iş Gəncə Ağır Cinayətlər Məhkəməsinin hakimi Abdulla Məmmədovun icraatında olsa da, məhkəmə prosesi Bakıda keçirilir.  Səhər saatlarında başlayan məhkəmə iclasında dövlət ittihamçısı Müşfiq Rəhimov ittiham aktını elan edib. ...
Məhkəmə

Söyüdlü sakininin məhkəməsi: “Plakatları hazırladığım üçün narkotiklə şərlədilər” 

Esmira Cavadova
7 Dekabr 2023

Açıq mənbələrdən götürülüb

Bu gün Bakı Ağır Cinayətlər Məhkəməsində Gədəbəyin Söyüdlü kənd sakini olan Coşğun Musayevin məhkəməsi başlayıb.  Məhkəmə iclasına hakim Eldar İsmayılov sədrlik edir. Coşğun Musayev narkotikə görə ittiham olunsa da, o, həbsinin birbaşa Söyüdlü hadisələriylə əlaqəli olduğunu deyir.  Xatırlatma  Bu il iyunun 20-də və 21-də Gədəbəy rayonunun Söyüdlü kənd sakinləri kəndin ərazisindəki qızıl mədəninin kimyəvi təmizləmədən sonra axıdılan turşu qalıqlarının toplandlığı gölməçə dolduğundan başqa yerdə yeni gölməçə qurulmasına etiraz ediblər. Bu zaman əraziyə polis qüvvələri yeridilib. İyunun 20-də polislə etirazçılar arasında qarşıdurma yaranıb və polis gözyaşardıcı qazdan istifadə edib. Kənd sakinlərindən onadək insan xəsarət alıb. 5 nəfər etirazçı inzibati qaydada 20...

Seçilmiş Videolar

Toplum TV loqo