Məhkəmə

Vətənə xəyanət məhkəməsində dövlətə etibar mübahisəsi

Leyli Cəfərova
20 Sentyabr, 2022
288

Sosial media

Prokuror: - İstintaqa verdiyiniz ifadəni imzalamamışdan əvvəl oxumuşdunuz?

Şahid: - Xeyr.

Prokuror: - Niyə?

Şahid: - Həm gözüm görmür, həm də dövlətə etibar edirəm.

Prokuror: - İfadənizdə bildirmisiniz ki, İslam Partiyasını İranın Xüsusi Xidmət Orqanları maliyyələşdirib, Səbuhi Səlimov da o partiyadan maaş alıb.

Bu sorğu-sual sentyabrın 20-də dövlətə xəyanətdə təqsirləndirilən Səbuhi Səlimovun məhkəməsində şahid kimi dindirilən İnqilab Əhədovla dövlət ittihamçısı arasında olub.

Bir aydan çoxdur ki, Bakı Ağır Cinayətlər Məhkəməsində Səbuhi Səlimovun məhkəməsi davam edir. O, bir neçə il əvvəl İslam Partiyasının sədrinin sürücüsü işləyərkən İranın Xüsusi Xidmət orqanını əməkdaşlarıyla əlaqə qurmaqda, pul müqabilində İsrailin bayrağını yandıraraq, videogörüntülərini onlara göndərməkdə, İsrail əleyhinə təşkil olunmuş aksiyalarda fəal iştirak etməkdə, İran Xüsusi Xidmət orqanından aldığı başqa tapşırıqları yerinə yetirməkdə təqsirləndirilir. Özü bu ittihamları qəbul etmir.

Bu gün məhkəmə iclasında şahid kimi dindirilən İnqilab Əhədov da əvvəllər eyni maddəylə (dövlətə xəyanət) təqsirli bilinib və 5 illik həbsə məhkum olunub. İki ilə yaxındır ki, cəzasını çəkərək azadlığa buraxılıb. Bu günsə o, məhkəmə ifadəsində göstərib ki, Səbuhi Səlimovla uzun illər əvvəl İslam Partiyasında tanış olub. 2016-cı ildə həbsə düşəndən sonra Səbuhi Səlimov onun ailəsinə ərzaqla köməklik edib. Bir neçə dəfə həbsxanaya yanına da gəlib. Bir sözlə, onu yaxşı bir insan kimi tanıyıb. Prokuror məhkəmənin nəzərinə çatdırıb ki, şahidin hazırda verdiyi ifadəsiylə ibtidai istintaqa verdiyi ifadəsi uyğun gəlmir. Sonra şahiddən ibtidai istintaqa ifadə verərkən təzyiqlə üzləşib-üzləşmədiyini soruşub. Şahid hər hansı təzyiq olmadığını deyəndə, prokuror “ifadənizi imzalayarkən oxumuşdunuzmu” sualını verib. Şahid oxumadığını deyib.

Prokuror şahidin ibtidai istintaqa verdiyi ifadəsini elan edəndə şahidin gözləri necə deyərlər, kəlləsinə çıxıb. Həmin ifadədə qeyd edilib ki, İslam Partiyasını İranın Xüsusi Xidmət Orqanları maliyyələşdirib, Səbuhi Səlimov da o partiyadan maaş alıb. Şahid belə ifadə vermədiyini deyib.

Köməkçi hakim: - Siz özünüz də eyni maddəylə əvvəllər məhkum edilmisiniz. Sizi düz edib həbs etmişdilər?

Şahid: - Əlbəttə, yox.

Köməkçi hakim: - Əgər düşünürsünüzsə həbsiniz düzgün olmayıb, demək ki, istintaqınızda nəsə düz getməyib, elə deyil?

Şahid: - Bəli.

Köməkçi hakim: - O zaman necə oldu ki, siz növbəti dəfə dövlətə etibar edib istintaqa verdiyiniz ifadəni oxumadan imzaladınız?

Şahid hakimin sualları qarşısında heç nə deməyib.

Sonra hal şahidləri dindirilib. Rəşad Nəzəri və Elvin Abbasov Xırdalan bələdiyyəsinin işçiləridir. Onlar məhkəməyə tanımadıqları şəxslər tərəfindən maşına mindirilərək tanımadıqları ünvana aparıldıqlarını, maşında təxminən 15 dəqiqə gözlədikdən sonra evə dəvət olunduqlarını, orada təqdim olunan kağızları imzaladıqlarını deyiblər. Rəşad Nəzərinin sözlərinə görə, bir müddətdən sonra DTX-ya çağırılıb, orada da bir neçə sənədi imzalayıb. Ancaq nə getdiyi ünvanla, nə də imzaladığı sənədlərlə bağlı ona heç nə deyilməyib. DTX olduğuna görə özü də necə deyərlər, işin dərinliyinə getməyib.

Şahidlərin dindirilməsindən sonra hakim Eldar İsmayılov növbəti məhkəmə iclasını oktyabrın 11-nə təyin edib.

 

 


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Məhkəmə

“MTN İşi”ndə zərərçəkənlər: Məhkəmənin təxirə salınması səbəbsiz deyil

Leyli Cəfərova
7 Fevral 2023

Açıq mənbələrdən götürülüb

Keçmiş MTN-nin İstintaq Baş İdarəsinə rəhbərlik etmiş general-mayor Mövlam Şıxəliyevin, 2-ci şöbənin rəisi Vüsal Ələkbərovun, İbtidai istintaq idarəsinin rəis müavini Yasin Məmmədovun, şöbə rəisinin müavini Sahib Ələkbərovun məhkəməsi yenə təxirə salınıb. İndiyədək Bakı Apellyasiya Məhkəməsində bu iş üzrə səkkiz məhkəmə iclası təyin olunub, ancaq bunlardan cəmi dördü baş tutub. Bunun səbəbləri isə müxtəlif olub. Vəkillərin prosesə qatılmaması, qar yağması səbəbindən müttəhimlərin Bakı İstintaq Təcridxanasından məhkəməyə gətirilməməsi olub. Fevralın 7-nə təyin olunan proses isə hakimlərdən birinin xəstələnməsi səbəbindən fevralın 13-dək təxirə salınıb. İş üzrə zərərçəkənlər məhkəmənin təxirə salınmasının səbəbsiz olmadığını deyirlər. Bildirirlər ki, müttəhimlər prosesin uzadılması ilə vəziyyətdən çıxa biləcəklərini, hakimiyyət...
Məhkəmə

Suriya işi: “Azəri camaatı”na qoşuldu, döyüşlərdə yaralandı 

Leyli Cəfərova
3 Fevral 2023

Açıq mənbələrdən götürülüb

Suriyada silahlı birləşmələrin tərkibində döyüşməkdə ittiham olunan 45 yaşlı Akif Osmanovun cinayət işi üzrə məhkəmə prosesi keçirilib.   Toplum TV xəbər verir ki, Bakı Ağır Cinayətlər Məhkəməsində hakim Cavid Hüseynovun sədrliyi ilə keçirilən prosesdə dövlət ittihamçısı ittiham aktını elan edib.  İttihama görə, Akif Osmanov 2013-cü ildə iki nəfər tanışı - Elşad Cəfərov və Cavid Ağcəbəyovla birgə Gəncə hava limanından Türkiyəyə, oradan isə Suriyaya gedib. Suriyanın Artma şəhərində xüsusi hazırlıq düşərgəsində təlimlər keçib, odlu silah və partlayıcı maddələrdən istifadə qaydalarını mənimsəyib, radikalizm və dini düşmənçilik zəminində “Azəri Camaatı” adlı qanunsuz silahlı qruplaşmanın fəaliyyətində iştirak edib. Qrup üzvləri ilə birlikdə “Şeyx Süleyman”...

Seçilmiş Videolar

Toplum TV loqo