Məhkəmə

Vilyam Hacıyevin vəkili: “Prokuror çox ağır cəza istədi” 

Leyli Cəfərova
18 İyul, 2022
486

Açıq mənbələrdən götürülüb

İyulun 18-də Bakı Ağır Cinayətlər Məhkəməsində İmişli rayon İcra Hakimiyyətinin keçmiş başçısı Vilyam Hacıyevin məhkəməsi onun vəkili Yusif İsmayılovun çıxışıyla davam etdi. Bundan əvvəlki iclasda keçmiş başçının digər iki vəkili çıxış etmişdi. 

Məhkəmə iclasına hakim Azər Paşayev sədrlik edir. 

Yusif İsmayılov məhkəmədən Vilyam Hacıyev barəsində hökm çıxarılarkən yüngülləşdirici halların nəzərə alınmasını xahiş etdi: “Prokuror çox ağır cəza istədi və bu cəza başadüşülən deyil. Bu adamın Azərbaycan dövlətinə xidmətləri olub və buna görə təltif olunub. Naxçıvan blokadada olduğu vaxtlarda köməyə gedib, bu əməli qiymətləndirilib. Vilyam Hacıyevin beynəlxalq məsələlər üzrə də çox xidmətləri olub. Vilyam Hacıyev bütün etimadları doğruldub. Bütün bu hallara qiymət verilməlidir. Bir səhvə görə bu boyda xidmətlərin üstündən xətt çəkmək olmaz”. 

Vəkil məhkəmənin diqqətini Vilyam Hacıyevin səhhətindəki  problemlərə də çəkdi. 

“Məhkəmə prosesi bir neçə dəfə Vilyam Hacıyevin səhhəti ilə bağlı dayandırılıb. Bununla bağlı məhkəmənin sorğularına verilən cavablarda da onun xəstəlikləri təsdiqlənib”,- Y.İsmayılov əlavə etdi.  

Vəkil çıxışının sonunda keçmiş icra başçısının barəsindəki cinayət işinə bəraətverici əsaslarla xitam verilməsini xahiş etdi. 

Müttəhimin digər vəkili Elmar Kərimov da çıxış edərək bəraət hökmü çıxarılmasını istədi. 

Vilyam Hacıyevsə son sözə hazırlaşmaq üçün hakimdən 10 gün vaxt istədi. Hakim növbəti məhkəmə iclasını iyulun 25-nə təyin etdi. 

Vilyam Hacıyevi DTX tutub. O, mənimsəmə, vəzifə səlahiyyətlərini aşma, vəzifə saxtakarlığı, rüşvətalma və qanunsuz odlu silah saxlama maddələriylə ittiham olunur. 

İmişli rayonunun müxtəlif rəsmi qurumlarının nümayəndələri məhkəmədə çıxış edərək keçmiş başçının dövlətə vurduğu ümumilikdə 7,5 milyon manatı  ödəməsini istəyiblər. 

Onların iddialarına görə, Vilyam Hacıyev başçı vəzifəsində işləyərkən həmin pulları mənimsəyib. Ötən ay məhkəmədə ifadə verən keçmiş başçısa iddia olunan məbləğin 6 milyon manatını imkanlı qohumlarının və dostlarının yardımı ilə ödəməyə hazır olduğunu deyib. 

Vilyam Hacıyev verilmiş ittihamlar üzrə özünü təqsirli bilmir. O, həbs olunarkən evindən aşkar edilmiş 2 milyon 480 min dollar və 450 min avronun həyat yoldaşının babasından qaldığını bildirib.

Dövlət ittihamçısı onun 13 il azadlıqdan məhrum edilməsini istəyib. 

 


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Məhkəmə

Avropa Məhkəməsi Azərbaycanla bağlı qərar verdi

2 Fevral 2023

Rəsmi səhifə

Avropa İnsan Haqları Məhkəməsi (AİHM) bu gün, fevralın 2-də Azərbaycandan göndərilmiş 3 ərizə üzrə yekun qərarlarını elan edib.  Toplum TV xəbər verir ki, bu barədə aihmaz.org saytı məlumat yayıb.  Bildirilib ki, həmin ərizələrdə ifadə azadlığı, ədalətli məhkəmə araşdırması, mülkiyyət və digər hüquqların pozuntuları mübahisələndirilirdi. Sərdar Əlibəyli Azərbaycana qarşı -  məhkəmə işi jurnalist olan ərizəçinin böhtan məzmunlu hesab edilən məqalələrinə görə cinayət məsuliyyətinə cəlb edilməsi ilə bağlı idi. İşin faktlarına görə, ərizəçi Milli Təhlükəsizlik Nazirliyinin iddiası üzrə Nizami rayon məhkəməsinin 22 iyul 2009-cu il tarixli hökmü ilə Cinayət Məcəlləsinin 148-ci maddəsi (təhqir) ilə təqsirli bilinib, üç ay müddətinə azadlıqdan məhrumetmə cəzasına...
Məhkəmə

Keçmiş siyasi mühacir: “Polis çağırdım, cibimə bıçaq qoydular”

Leyli Cəfərova
1 Fevral 2023
Fevralın 1-də Bakı Ağır Cinayətlər Məhkəməsində Samir Aşurovun məhkəməsi nəhayət baş tutub. Aylardır məhkəmə iclasları hər dəfə zərərçəkmiş Elşən Nəbiyevin gəlməməsi üzündən təxirə salınırdı. Söhbət 2021-ci ilin martında Almaniyadan deportasiya ediləndən bir ay sonra Bakıda xəsarət yetirmə maddəsiylə həbs olunan siyasi fəaldan gedir. İttihama görə, Samir Aşurov 2021-ci il aprelin 19-da Nizami rayonu ərazisində yolla gedərkən Elşən Nəbiyev adlı şəxslə çiyin-çiyinə toqquşub. Bundan sonra onların arasında mübahisə yaranıb. Samir Aşurov Elşən Nəbiyevi döyüb, sonra da üstündəki bıçaqla xəsarət yetirib. Bu gün ifadə verən Aşurov məhkəmənin nəzərinə çatdırıb ki, qeyd olunan tarixdə axşam saatlarında metronun "Neftçilər” stansiyasının yaxınlığında bir nəfər qışqıra-qışqıra ona...

Seçilmiş Videolar

Toplum TV loqo