Multimedia

Avto dayanacaqlardan yığılan pullar hara gedir?

Nuray Kamal
9 Sentyabr, 2022
189

Bakıda dövlətə məxsus olan parking ərazilərində parklama ödənişsizdir. Bəzi yerlərdə parklamanın ödənişsiz olduğunu göstərən lövhələr də qoyulub. Buna baxmayaraq sarı jiletli şəxslər yolların kənarında duraraq sürücülərdən parklama üçün pul tələb edir. Sürücülər parklanma üçün onlardan pul tələb edildiyini desə də, parkinq nəzarətçisi bildirir ki, bu könüllüdür, kim istəsə pul verir. 

Nəqliyyat məsələləri üzrə ekspert Eldəniz Cəfərov parklanmada olan nizamsızlığın səbəbini dövlətə məxsus olan parklanma ərazilərinin dəqiq ünvanlarının açıqlanmamasında görür. O deyir,parklanmanın ödənişsiz olduğunu göstərən lövhələr sürücüdən pul tələb edilməsinin qarşısını ala bilmir.Eldəniz Cəfərov deyir, market və ticarət mərkəzlərinin ərazisində olan parklanma yerləri də dövlətə məxsusdur. 

Həmin ərazilərdə də sürücüdən heç kəs pul tələb etməməlidir. Parklanma pulsuz olsa da, hər maşından 50 qəpik, 1 manat alınır. Sürücülər bu pulların hara getdiyini sual edir. Eldəniz Cəfərov da deyir ki, yığılan pullar dövlət tərəfindən nizamlansaydı, nəqliyyat sahəsindəki bir çox problemi həll etmək olardı.

Multimedia

Veteran: Məcbur edirlər ölkədən gedək

Samirə Əli
4 Oktyabr 2022
Birinci Qarabağ müharibəsi veteranı Xaqani Əliyev Əmək və əhalinin sosial müdafiəsi nazirliyi önündə etiraz edib. Müharibə iştirakısı oktyabrın 4-ü keçirdiyi aksiyada əlilliklə bağlı aldığı pensiyasının kəsilməsindən şikayət edib.   Şikayətçi söyləyir ki, illərdir aldığı 130 manatın kəsilməsi, onun həyatını çətinləşdirib.   Nazirliyin əməkdaşı Malik Şərbətov vətəndaşı qəbul şöbəsinə salıb. Xaqani Əliyevin müraciətinə 1 həftə ərzində cavab veriləcəyi bildirilib.
Multimedia

Heyvansevərlər etiraz etdi, polislər güc tətbiq etdi

Samirə Əli
4 Oktyabr 2022
Bir neçə heyvansevər aktivist bugün Bakının Nizami küçəsində aksiya keçirib. Etirazçılar sahibsiz itlərin küçələrdə güllələnməsinə diqqət çəkmək istəyiblər. Aksiya başlayan andan etibarən çevik polis alayının əməkdaşları aktivistləri xidməti maşınlara mindirib ərazidən uzaqlaşdırıblar. Ərazidə polis əməkdaşı Orxan Axundzadə deyir ki, iştirakçıların keçirdikləri aksiya qanunsuzdur. Daxili işlər nazirliyindən "Toplum TV"yə verilən məlumata görə, aksiyada saxlanılan olmayıb. Heyvansevərlər bundan öncə də dəfələrlə "Toplan" sahibsiz itlərə qayğı mərkəzi önündə aksiyalar keçiriblər. Onlar qayğı mərkəzinin qapılarının ictimaiyyətə bağlı olması, küçə itlərinin kütləvi öldürülməsi iddiaları ilə çıxış ediblər. Mərkəzin əməkdaşları ötən il dörd aktivistə cinayət işi açmışdı. Bu ilin sentyabrında məhkəmənin verdiyi hökmə əsasən aktivistlər 1000...

Seçilmiş Videolar

Toplum TV loqo