Multimedia

"Azərsu" Şəkidəki köçkünlərin içdiyi su ilə bağlı açıqlama verdi

Aytac Məmmədli
20 İyul, 2022
311

Açıq mənbələrdən götürülüb

“Azərsu” QSC-nin sözçüsü Anar Cəbrayıllı "Toplum TV"-yə söyləyib ki, Şəkinin Çələbixan qəsəbəsində məcburi köçkünlərin istifadə etdiyi sudan götürülmüş nümunələrin fiziki-kimyəvi göstəriciləri artıq məlumdur. 

"Bütün göstəricilər standartlar çərçivəsindədir. İndi isə bakterioloji nəticələri gözləyirik. Bu gün, ya sabah nəticələr bəlli olacaq". 

Daxili İşlər Nazirliyi Mətbuat Xidmətinin Şəki regional qrupunun baş inspektoru Mahir Mənsimov isə deyib ki, su nümunələrinin cavabları 5 gün sonra bilinəcək. 

İyulun 19-da xəbər yayılıb ki, Şəkidə məcburi köçkünlərin məskunlaşdığı Yeni Çələbixan qəsəbəsində kütləvi zəhərlənmə baş verib. Eyni gündə qəsəbədə 41 nəfəri yetkinlik yaşına çatmayan olmaqla, 58 nəfər sakin qusma, qızdırma və ishal əlamətləri ilə Şəki Rayon Mərkəzi Xəstəxanasının Təcili Yardım Bölməsinə müraciət edib. 

https://toplum.tv/multimedia/isiqsiz-qazsiz-susuz-qalan-seki-ziyalisi

Qəsəbə sakinlərinin "Toplum TV"-yə dediyinə görə, zəhərlənənlərin sayı açıqlanan rəqəmdən daha çoxdur: "Sudan zəhərlənən yüzlərlə xəstə var. Zəhərləndiyi deyilən 58 nəfər qəsəbə xəstəxanasının qəbul edə bilmədiyi xəstələrdir ki, rayon xəstəxanasına göndərilib".

 İlkin olaraq sakinlərin sudan zəhərləndiyi ehtimal edilir. 

Hadisədən sonra Azərsu QSC və Daxili İşlər Nazirliyinin (DİN) Mətbuat Xidmətinin Şəki regional qrupu açıqlama yayıb. Onlar sudan nümunələr götürüldüyünü və məsələnin araşdırılacağını bildiriblər. 

 "Toplum TV" məsələni diqqətdə saxlayacaq.

Multimedia

"Ali baş komandanın qonşuluğunda" sakinlər baxımsızlıqdan şikayətlənir

Aytac Məmmədli
Sənan İsmayıl
14 Avqust 2022
Bura Buzovna qəsəbəsinin "Mədən" kimi tanınan ərazisidir.  Sakinlər deyirlər ki, çoxdandır, özləri öz başlarının çarəsinə baxırlar. Yollarını da özləri düzəldirlər, su xətlərini də özləri çəkirlər.   Amma iş bununla da bitmir, çünki bu küçənin dərdi saymaqla qurtarmır.   "Zibil qabları yoxdur, ictimai nəqliyyat işləmir. Evlərin ünvanları yoxdur deyə, təcili yardım çağırmaqda çətinlik çəkirik. Bütün marketlər, poliklnika yolun o biri tərəfindədir. Bir marşrutumuz olsun ki, gedək xəstəxanaya çata bilək,  uşaqlar məktəbə getsin deyə avtobus tutur hamı",- sakinlər şikayətlənirlər.  Məhəllə sakini İxtiyar Abışov danışır ki, problemlərilə bağlı dəfələrlə bələdiyyəyə müraciət ediblər. Amma bir nəticə yoxdur.   Yeri gəlmişkən, 2006-2007 və 2011-2013-cü illərdə Bakı qəsəbələrinin sosial-iqtisadi...
Multimedia

Azərbaycanın hansı göstərici ilə rekord qırmağını istəyirsiniz?

Lida Abbaslı
Sənan İsmayıl
12 Avqust 2022
Dünyanın ən uzun bayraq dirəyi Azərbaycana gətirilib.  Ən uzun bayraq dirəyinə görə Tacikistandan sonra gələn Azərbaycan yenidən ən uzun bayraq dirəyinə görə Ginnes rekordlar kitabına düşməyi hədəfləyir. "Toplum TV" paytaxt sakinləri ilə  hansı göstəricilərlə ölkənin Ginnes rekordlar kitabına düşməsini istəmələri barədə sorğu keçirib. 

Seçilmiş Videolar

Toplum TV loqo