Büdcə hesabına tikilən, 30 il xidmət edəcəyi vəd olunan yol 14 il sonra yenidən salınır, cinayət işindən xəbər yoxdur
Bu il Azərbaycan Avtomobil Yolları Dövlət Agentliyi Bakı-Quba-Rusiya Federasiyası ilə dövlət sərhədi avtomobil yolunda təmir-bərpa işlərinə başlayıb.
Bakının “Şamaxinka” deyilən ərazisində dayanan taksi sürücüləri də yolun adını eşidən kimi şikayətlənməyə başlayırlar.
Sürücülərin dediyinə görə, söküntülər səbəbindən yolda hərəkət çətinləşib.
Bakı-Quba yolunda sürücü işləyən Asim Məhərrəmovun sözlərinə görə, son zamanlar bu yolda qəzaların da sayı çoxalıb:
"Tək xətdir deyə yük maşınlarının arxasına düşüb uzun müddət getməli olursan. Qəza şəraiti yaranır."
https://toplum.tv/multimedia/isiqsiz-qazsiz-susuz-qalan-seki-ziyalisi
30 ildən çoxdur sürücü işləyən Yaşar Şirinov isə hesab edir ki, yolların tez-tez dağılmasının səbəbi keyfiyyətsiz salınmasıdır:
"Keyfiyyətsiz çəkilib. Yolun altına torpaq yox, çınqıl tökmək lazımdır. Ona görə də dağılıb gedir".
Xatırladaq ki, yolun tikintisinə ilk dəfə "Akkord" şirkəti tərəfindən 2008-ci ildə başlanılıb. Rəsmi məlumata görə, birinci layihəyə ümumilikdə 550 milyona yaxın vəsait xərclənib.
İqtisadçı Rəşad Həsənovun qənaətinə görə, bu tip problemlərin kökündə cəzasızlıq dayanır.
«Burada dövlət vəsaitinin qeyri-səmərəli xərclənməsinin kifayət qədər böyük simptomları görünür. Bu ölkədə heç bir halda məmurlar yeyintilərinə, icmaların iqtisadiyyatına, sosial həyatına, rifahına vurduğu zərərə görə cəzalandırılmırlar».
Azərbaycan Avtomobil Yolları Dövlət Agentliyinin sədri Saleh Məmmədov da ötən il keçirdiyi mətbuat konfransı zamanı bildirib ki, yolun çəkilişində müəyyən qüsurlara yol verilib.
«Azərbaycanda çəkilən ilk beton yol olduğu üçün ola bilsin ki, tikinti zamanı müəyyən qüsurlara yol verilib.»
Bakı-Quba yolunun tikintisində yol verilən qüsurlara görə hər hansı cinayət işinin başlandığı barədə heç bir məlumat yoxdur.
Bu arada Akkordun keçmiş rəhbəri İlqar Hacıyev mediaya müsahibələrində keçmiş baş prokuror Zakir Qaralovun şirkətin faktiki ortaqlarından biri olduğunu və əsas sifarişləri məhz onun əlaqələri hesabına aldıqlarını demişdi. Qaralov 2020-ci ildən bəri daha baş prokuror deyil. Yol tikintisində göyə sovrulan büdcə vəsaitləri ilə bağlı hər hansı cinayət araşdırmasından isə hələ də söhbət getmir.
Baş Prokurorluqdan mövzu ilə bağlı sorğumuza cavab vermədilər.
Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.
Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.
Ən doğru xəbərləri izləmək üçün Toplum TV-yə abunə olun.
Youtube: https://www.youtube.com/channel/UCztIohlYx63yMJzcRTF18IA
WebSite: https://toplum.tv
Facebook: https://www.facebook.com/toplumtv
İnstagram: https://www.instagram.com/toplumtv/
Telegram: https://t.me/Tvtoplum
Şikayətlərinizi Whatsapp-da Qaynar Xəttimizə göndərin: +99450 247 55 06
Neft gəlirləri ədalətli bölünürmü? - SORĞU
Makron Avropadakı müttəfiqləri qorxaq olmamağa çağırıb
"Arxa cəbhədə olmuşuq deyə veteranlıq vermirlər"
İranla münasibətlər bərpa olunur, azərbaycanlı diplomatlar qayıdacaq
Neft gəlirləri doğrudanmı ədalətli bölüşdürülüb? - Natiq Cəfərliylə müzakirə