Multimedia

Cəzasız cinayətlər: Müharibədə və evinin qapısı önündə öldürülən jurnalistlər

Aytac Məmmədli
2 Noyabr, 2022
260

2 noyabr jurnalistlərə qarşı cinayətlərdə cəzasızlıqla mübarizə günüdür. Bununla bağlı beynəlxalq təşkilatlar #cəzasızlığason həştəqi ilə kampaniyaya başlayıblar. 

Eyni həştəqlə “Tvitter” hesabından post paylaşanlardan biri də Azərbaycan Xarici İşlər Nazirliyidir. 

Ermənistan-Azərbaycan münaqişəsində 9 azərbaycanlı jurnalistin öldürüldüyünü bildirən Xarici İşlər Nazirliyi dünya ictimaiyyətini bu cinayətlərə səssiz qalmamağa çağırıb və hər bir jurnalist barədə məlumat verib.

Salatın Əsgərova 1991-ci il Şuşa yaxınlığında öldürülüb. 

1991-ci ilin 20 noyabrında Qarakənd yaxınlığında erməni silahlı qüvvələrinin vurduğu helikopterdə 4 jurnalist - Alı Mustafayev, Fəxrəddin Şahbazov, Arif Hüseynzadə və Osman Mirzəyev həlak olublar. 

1992-ci ilin mayında Xocalı yaxınlığında Çingiz Mustafayev öldürülüb.

2020-ci ildə 44 günlük müharibədən sonra 3 jurnalist həyatını itirib. Qayıdış qəzetinin redaktoru Zibeydə Adilzadə 2020-ci ilin noyabrında Fizulinin Seyidəhmədli kəndində, AzTV müxbirləri Sirac Abışov və Məhərrəm İbrahimov isə 2021-ci ilin iyununda Kəlbəcərdə minaya düşərək həyatlarını itiriblər. 

Amma Azərbaycanda jurnalist ölümləri yalnız müharibə ilə bağlı deyil. 2005-ci ilin martında evinin qapısı qarşısında öldürülən jurnalist Elmar Hüseynovun da qətlinə görə heç kim cəzalandırılmayıb. 

Media eksperti Ələsgər Məmmədli də öldürən bəzi jurnalistlərin adını çəkir. O jurnalistlər ki, qatilləri hələ də cəzalandırılmayıb.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Multimedia

Rəsulzadənin doğum günü: "Hakimiyyət iyrənc mübarizə aparır"

Fərid İsmayılov
31 Yanvar 2023
Yanvarın 31-də Azərbaycan Xalq Cümhuriyyətinin qurucularından olan Məmməd Əmin Rəsulzadənin anadan olmasının 139-cu ili qeyd edilib. Bu münasibətlə müxalif partiya və təşkilatlar onun Novxanı kəndindəki abidəsini ziyarət edib.  "Müsavat" Partiyası başqanı Arif Hacılı Toplum TV-yə açıqlamasında Azərbaycan hökumətinin Rəsulzadə irsinə münasibətini tənqid edib. "Rəsulzadə irsinə qarşı hökümətin qısqanclığı var. Amma nə qədər çalışsalar da, xalqın Rəsulzadəyə olan sevgisini dəyişə bilməyəcəklər". Milli Şuranın sədri Cəmil Həsənli Rəsulzadəyə indiki münasibəti SSRİ dövründəki ilə müqayisə edib: "Bu gün hökümət ən iyrənc formada Rəsulzadə ideyası daşıyanlarla mübarizə aparır. SSRİ dövründə heç belə deyildi". Ziyarət zamanı polislə iştirakçılar arasında hansısa münaqişə baş verməyib.
Multimedia

Orxan Əsgərovun dəfni - Deputatlar: İran üzr istəsin

Fərid İsmayılov
30 Yanvar 2023
Yanvarın 27-də Azərbaycanın İrandakı səfirliyinə silahlı hücum nəticəsində həlak olan mühafizə rəisi Orxan Əsgərov bu gün, yanvarın 30-da II Fəxri Xiyabanda dəfn edilib.  Dəfn mərasimində hökümət rəsmiləriylə yanaşı Türkiyə və İranın Azərbaycandakı səfirliyinin nümayəndələri də iştirak ediblər. Milli Məclisin deputatı Aydın Mirzəzadə Toplum TV-yə açıqlamasında bildirib ki, səfirliyə edilən hücum terror hadisəsidir: "Bu gün dəfn etdiyimiz Orxan ƏSgərovun qanı İran dövlətinin üzərindədir. İran dövləti bu məsələyə aydınlıq gətirməlidir". Milli Məclisin digər deputatı Naqif Həmzəyev isə deyib ki, proseslərin gərginləşməsinin səbəbi İran dövlətidir: "İran tərəfi məsuliyyəti öz üzərinə götürməlidir. Cəsarət tapıb Azərbaycan xalqından, dövlətindən, hökümətindən üzr istəməlidir" Baş vermiş hadisədən sonra...

Seçilmiş Videolar

Toplum TV loqo