Multimedia

Ekoaktivist: Prezidentin sərəncamı göydə qalıb

Fərid İsmayılov
6 Sentyabr, 2022
156

Zaqatalada məişət tullantıları poliqonu hər gün yanır. 

Zaqatala rayonun mərkəzindən 8 km uzaqlıq yerləşən "Şimal-şərq" massivində böyük bir ərazi zibil poliqonu kimi istifadə olunur. 

Ekoaktivist Kənan Xəlilzadə Toplum TV-yə bildirib ki, bu problemlə bağlı prezidentin də sərəncamı var: 

"Azərbaycan Respublikası Prezidentinin 2018-ci il 1 noyabr tarixli 637 nömrəli Sərəncamında bərk məişət tullantılarının idarə edilməsinin təkmilləşdirilməsinə dair proqram hazırlanmışdı. Bu problem 2022-ci ildə öz həllini tapmalı idi. Lakin bu problem hələ də qalmaqdadır." 

İstehsalat və məişət tullantıları haqqında qanunun 12-ci maddəsində deyilir: 

"Atmosferə zərərli təsir göstərən istehsal və məişət tullantılarının xüsusi qurğular olmadan yandırılmasını qadağan edir". 

Lakin bu poliqonda tullantılar çeşidlənmədən yandırlır.  

Ekoaktivist bildirir ki, prezidentin sərəncamı icra olunmayıb, göydə qalıb: 

"Başqa rayonlarda da vəziyyət belədir. Tullantılar çeşidlənmədən yandırılır. Prezidentin sərəncamı icra olunmur, göydə qalıb. Niyə icra olunmur? Bilmirəm".

Multimedia

Veteran: Məcbur edirlər ölkədən gedək

Samirə Əli
4 Oktyabr 2022
Birinci Qarabağ müharibəsi veteranı Xaqani Əliyev Əmək və əhalinin sosial müdafiəsi nazirliyi önündə etiraz edib. Müharibə iştirakısı oktyabrın 4-ü keçirdiyi aksiyada əlilliklə bağlı aldığı pensiyasının kəsilməsindən şikayət edib.   Şikayətçi söyləyir ki, illərdir aldığı 130 manatın kəsilməsi, onun həyatını çətinləşdirib.   Nazirliyin əməkdaşı Malik Şərbətov vətəndaşı qəbul şöbəsinə salıb. Xaqani Əliyevin müraciətinə 1 həftə ərzində cavab veriləcəyi bildirilib.
Multimedia

Heyvansevərlər etiraz etdi, polislər güc tətbiq etdi

Samirə Əli
4 Oktyabr 2022
Bir neçə heyvansevər aktivist bugün Bakının Nizami küçəsində aksiya keçirib. Etirazçılar sahibsiz itlərin küçələrdə güllələnməsinə diqqət çəkmək istəyiblər. Aksiya başlayan andan etibarən çevik polis alayının əməkdaşları aktivistləri xidməti maşınlara mindirib ərazidən uzaqlaşdırıblar. Ərazidə polis əməkdaşı Orxan Axundzadə deyir ki, iştirakçıların keçirdikləri aksiya qanunsuzdur. Daxili işlər nazirliyindən "Toplum TV"yə verilən məlumata görə, aksiyada saxlanılan olmayıb. Heyvansevərlər bundan öncə də dəfələrlə "Toplan" sahibsiz itlərə qayğı mərkəzi önündə aksiyalar keçiriblər. Onlar qayğı mərkəzinin qapılarının ictimaiyyətə bağlı olması, küçə itlərinin kütləvi öldürülməsi iddiaları ilə çıxış ediblər. Mərkəzin əməkdaşları ötən il dörd aktivistə cinayət işi açmışdı. Bu ilin sentyabrında məhkəmənin verdiyi hökmə əsasən aktivistlər 1000...

Seçilmiş Videolar

Toplum TV loqo