Multimedia

Əsgər cəmi 13 manat maaş alır, deputat nə deyir?

Fərid İsmayılov
5 Oktyabr, 2022
256

Vurğun Babayev 3 aydır ki, hərbi xidmətdən geri qayıdıb. Hərbi xidmətdə olarkən 32 manat maaş aldığını deyir. Bəs bu məbləğlə o ehtiyaclarını necə qarşılayıb?

"32 manat maaş alırdım. Hər ay bunun 2 qatını da evdən istəyirdim."

Vurğun deyir ki, hərbi hissələrin marketlərində olan bahalıq onların durumunu bir qədər də çətinləşdirib.

"40 qəpiklik üzqırxanı 70 qəpiyə, 25 qəpiklik şirniyyatı 45 qəpiyə alırdıq və s."

Hərbi ekspert Səxavət Məmməd deyir ki, əsgərə verilən aylıq məvacib çox aşağıdır. Bu maaşlarla onların aylıq təmizlik ləvazimatlarını alması belə mümkün deyil.

"Qiymətlərin baha olduğu dövrdə bu məbləğ aşağıdır. İllərdir eyni məbləğ qalıb, amma qiymətlər artıb."

Milli Məclisin Müdafiə, təhlükəsizlik və korrupsiya ilə mübarizə komitəsinin üzvü Arzu Nağıyev ToplumTV-yə açıqlamasında bildirib ki, əsgər üçün verilən aylıq məvacib aşağıdır, bu mövzunu Milli Məclisin iclaslarında müzakirəyə çıxaracaq:

Azərbaycan müddətli hərbi qulluqçuların maaşı son 17 ildə cəmi 2 dəfə artırılıb. 

Azərbaycanda əsgərə verilən məvacib 13-32 manat arası dəyişir...

İcazə verin, mən bildiklərimi deyim. Tək qat maaş 13, dağlıq, yüksək ərazilərdə 26 manatdır. Bu vəsait əsgərin daxili ehtiyatlarını qarşılamaq üçündür. Söhbət geyimdən, qidadan getmir. Mən bu rəqəmin artmasının lehinəyəm.

Sizcə, uzun müddətdir bu rəqəm niyə artmır?

Bu elə-belə artmır. Əsgərin hansı ərazidə xidmət etməsindən asılıdır. Müharibə şəraitində tam şəkildə təminat olduğuna görə düşünürəm ki, ehtiyac olmayıb. Lakin ölkədə qiymət artımına görə bu rəqəmin artmasına ehtiyac var.

Ehtiyat taborda əsgərə 13 manat verilir və deyilir ki, 1 aylıq təmizlik ləvazimatlarını təmin etməlisən. 

Məlum məsələdir ki, 13 manata 1 aylıq ləvazimatı almaq mümkün deyil. Mentalitetimizə uyğun olaraq əsgərin yanına gələn də var, gəlməyən də var, ehtiyacı olanlar da var. Bu problemlər yaşanıb. Uzun müddət bu islahatlar getməyib. Türk ordusu sisteminə keçdikdən sonra, 2017-2018-ci ildən islahatlar gedir və bu da islahatların bir növü olaraq mütləq şəkildə həyata keçirilməlidir. 

Əsgəri dövlət aparırsa, dövlət niyə təmin etməsin?

Dövlət təmin etmək iqtidarındadır, təmin edir də.

12 manatla?

Bilirsiniz, siz mübahisə, reytinq istəyirsinizsə, bu başqa məsələ. Bir-birimizə hörmətlə yanaşaq. Dövlət türk standartlarına keçəndən sonra bu məsələlərə də aydınlıq da gələr. Maliyyə Nazirliyi və Müdafiə Nazirliyi arasında bu məsələlər tənzimlənməlidir.

Siz bu mövzunu parlamentin iclaslarında müzakirə etməyi düşünürsünüz?

İnandırıcı deyil, amma komitənin iclaslarında müzakirəyə çıxaracağam. Ancaq mənə normal bir rəqəm çıxartsalar, bunu deyə bilərəm.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Multimedia

Milli Məclisin önündə etiraz: “Xəstəxanada ölən xəstənin şkafına baxıram ki, bəlkə mənə yarayan dərman olar”

Nuray Kamal
29 Noyabr 2022
Ziyafət Abbasova 2-ci qrup əlildir. O, 29 noyabrda Milli Məclisin önündə etiraz edib. Şikayətçi aldığı təqaüdün dərmanlarına çatmamasından gileylənir. Deyir, müvafiq qurumlara iş üçün dəfələrlə müraciət edib. Abbasova qalmağa evinin olmadığını deyir. Qeyd edir ki, qalmağa yeri olmadığından heç yerdə qeydiyyatda deyil. Buna görə də, şəxsiyyət vəsiqəsi deaktiv olub. O deyir, Dövlət Sosial Müdafiə Nazirliyinin qəbul şöbəsində ona Müşfiq qəsəbəsində iş təklif olunub. Ziyafət Abbasova etiraz etdikdən sonra polislərin müşahidəsi ilə Milli Məclisin qəbul şöbəsinə aparılıb və 30 noyabr tarixinə qəbula yazılıb.
Multimedia

“Naxçıvanlıların üzünə sevinc gəlib”-həbslərə və ixtisarlara reaksiya

Aytac Məmmədli
29 Noyabr 2022
Bu günlərdə Naxçıvanda baş verən hadisələr gündəmdir.  Muxtar respublikada bir sıra struktur islahatlarının aparıldığı, Naxçıvandakı qurumların Azərbaycanın mərkəzi icra hakimiyyəti orqanlarına tabe etdirilməsi istiqamətində addımlar atıldığı görünür. Təkcə dünən Naxçıvan Dövlət Gömrük Komitəsinin ləğv edildiyi, maliyyə nazirinin həbs edildiyi xəbərləri gəlib. AXCP Naxçıvan Təşkilatının sədri Yaşar Bağırsoy Naxçıvan camaatının əhval-ruhiyyəsinin yüksək olduğunu deyir. Bakıda isə hadisələrə reaksiyalar fərqlidir. Bəziləri düşünür ki, Naxçıvanın Muxtar respublika statusu ləğv ediləcək, bəziləri də deyir ki, bunlar, sadəcə kosmetik dəyişikliklərdir

Seçilmiş Videolar

Toplum TV loqo