Multimedia

Əsgər oğlunun qətlinə ədalət tələb etdi, ruhi dispanserə saldılar

Aytac Məmmədli
Məzahir Abdurahmanov
Sənan İsmayıl
23 İyun, 2022
393

Sürayə Babayevanın oğlu Rəşid Babayev 4 il yarım orduda hərbi həkim kimi çalışıb. O, 2020-ci il noyabrın 12-də - 44günlük müharibədən sonra vəfat edib. 

Gəncə Hərbi Prokurorluğu R. Babayevin ölümünü intihar adlandırsa da, ailəsi bununla razılaşmır. Oğlunun müəmmalı şəkildə ölümünə etiraz edən Şəmsəddin Babayev isə iradəsi əleyhinə ruhi əsəb dispanserinə yatırılıb.  
 
Sürayə Babayeva deyir, Baş Prokurorluğa, Hərbi Prokurorluğa, Prezidentə, vitse-prezidentə dəfələrlə məktublar göndərsələr də, müraciətlərinə cavab verən olmayıb. Buna görə də əri – Şəmsəddin Babayev oğlunun ölümünə diqqət çəkmək üçün Tərtər hadisələrilə bağlı keçirilən 16 iyun aksiyasına çıxıb.  
 
Qadın iddia edir ki, həmin aksiya zamanı polislər Şəmsəddin Babayevi saxlayaraq 18-ci polis bölməsinə aparıblar. Ona bölmədə zorakılıq göstəriblər. Bir gün sonra da onu Maştağadakı ruhi əsəb dispanserinə yatırıblar.

İndi ana – Sürayə Babayeva təkcə oğlu üçün deyil, həm də əri üçün ədalət tələb edir.

Multimedia

Vəkil: Arvadını döyən kişilər canını cərimə ilə qurtarır

Sənan İsmayıl
6 İyul 2022
13 il əri tərəfindən müxtəlif işgəncələrə məruz qalmış qadın artıq 4 aydır ki, uşaqları ilə birlikdə qadın sığınacağında yaşayır. Dediyinə görə, bu illər ərzində əri onu evə həbs edib, xırda səbəblərdən döyüb. Bədənində bıçaq, balta izləri indiyədək qalır.  “Təmiz dünya” ictimai birliyinin sədri Mehriban Zeynalova deyir, hətta sığınacaqdakı qadınlar da bəzən təhlükə altında qalır. Onun dediyinə görə, qadınların qaldığı yer barədə kimsə xəbər çatdıranda, ailə üzvləri gəlib, həm qadını, həm sığınacaq işçilərini təhdid edirlər.  Vəkil Zibeydə Sadıqovanın sözlərinə görə, ölkədə qadın hüquqları yetərincə qorunmur. Vəkil hüquq mühafizə orqanlarının da bu məsələyə qeyri-ciddi yanaşdığını düşünür. Onun sözlərinə görə, məişət zorakılığına görə...
Multimedia

Vətəndaşın 500 min dollarını kim qaytaracaq?

Məzahir Abdurahmanov
5 İyul 2022
2010 –cu ildə aldadıldığını deyən Kamal Şabanov Toplum TV-nin qaynar xəttinə müraciət edib. Şikayətçidir ki, 100 sot torpaq satmaq adı ilə ondan 500 min dollarını alanlar hələ layiqli cəzasına çatmayıb. Kamal Şabanov Oqtay Vəliyev və Rauf Namazov adlı şəxsləri günahlandırır, onlar da bir-birini. Rauf Namazov Şabanovun və digər bir neçə şəxsin etibarından sui-istifadə edib pullarını dələduzluqla almaq ittihamı ilə 11 il həbsə məhkum edilib. Oqtay Vəliyev isə məhkəmədə bəraət alıb. Kamal Şabanov iddia edir ki, ona tələni quran tək adam yox, cinayətkar şəbəkə olub. Şəbəkəyə rəhbərliyi də Oqtay Vəliyevin etdiyini düşünür. Amma şikayətçiin sözlərinə görə, Vəliyevin arxasında daha böyük qüvvələr...

Seçilmiş Videolar

Toplum TV loqo