Multimedia

Hökumətin "dəmir sərhəd" siyasəti- Quru sərhədlər niyə açılmır?

Samirə Əli
25 Noyabr, 2022
155

İki ildən çoxdur ki, Azərbaycan quru sərhədlərini bağlı saxlayır. Məhdudiyyət Covid-19 pandemiyası ilə bağlı karantin tədbirləri başlanandan tətbiq olunur. O vaxtdan ölkədən xaricə nə qatarla, nə avtobusla gediş gəliş var. 

Dünyanın bir çox ölkələrində karantin tədbirləri ləğv olunsa da, Azərbaycan hələ məhdudiyyətləri ləğv etməyə tələsmir. 

Vətəndaşlar isə deyir ki, quru sərhədlərin bağlı qalması onları təkcə gəzmək imkanından məhrum etmir elə sağlamlığına da ziyan vurur. 

Amma hökuməti inadından nə etiraz aksiyaları, nə sosial şəbəkələrdə şikayətlər daşındırır. Vətəndaşlar da sual edir – bu məhdudiyyətlər əslində kimə sərf edir? 

2019-cu ildə Azərbaycandan xarici ölkələrə gedən vətəndaşların sayı 5 milyon 567.700 olub, ötən il, 2021-ci ildə bu say 1 milyonu belə keçməyib- cəmi 974.500 nəfər.

2019-cu ildə avtomobil və dəmiryolundan istifadə sayı ən yüksək həddə olub. Avtomobillə xaricə səfər edənlərin sayı 3 milyon 636 900, qatarla gedənlərin sayı isə 588.100 nəfər olub. 2021-ci ildə quru sərhədlər bağlananda bu say kəskin şəkildə azalıb. 

Avtomobillə sərhədi keçənlərin sayı 261.200 nəfərə enib, dəmiryolundan istifadə isə ancaq yük daşıma işlərlə bağlı olduğu üçün qatar istifadəçilərinin sayı cəmi 1300 nəfər olub.

Hava yolundan istifadə statistikasında isə karantin yüngülləşdiriləndən bəri canlanma var. 2020-ci ildə təyyarə ilə xaricə cəmi 277500 vətəndaş getmişdi. 2021-ci ildə bu rəqəm iki dəfədən də çox artıb. 

Beynəlxalq mətbuat prezident İlham Əliyevin və AZAL rəhbəri Cahangir Əsgərovun ailələrinin hava limanında xidmətlər sahəsində ortaq biznesi barədə araşdırmalar ediblər. Siyasi fəal Bəxtiyar Hacıyev də sual edir ki, görəsən quru sərhədlərin bağlı qalmasının səbəbini bu biznes maraqlarında axtarmaq lazımdırmı? 

Bəxtiyar Hacıyev deyir ki, bağlı sərhədlər ona sovet dövrünün dəmir pərdə dönəmini xatırladır.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Multimedia

Rəsulzadənin doğum günü: "Hakimiyyət iyrənc mübarizə aparır"

Fərid İsmayılov
31 Yanvar 2023
Yanvarın 31-də Azərbaycan Xalq Cümhuriyyətinin qurucularından olan Məmməd Əmin Rəsulzadənin anadan olmasının 139-cu ili qeyd edilib. Bu münasibətlə müxalif partiya və təşkilatlar onun Novxanı kəndindəki abidəsini ziyarət edib.  "Müsavat" Partiyası başqanı Arif Hacılı Toplum TV-yə açıqlamasında Azərbaycan hökumətinin Rəsulzadə irsinə münasibətini tənqid edib. "Rəsulzadə irsinə qarşı hökümətin qısqanclığı var. Amma nə qədər çalışsalar da, xalqın Rəsulzadəyə olan sevgisini dəyişə bilməyəcəklər". Milli Şuranın sədri Cəmil Həsənli Rəsulzadəyə indiki münasibəti SSRİ dövründəki ilə müqayisə edib: "Bu gün hökümət ən iyrənc formada Rəsulzadə ideyası daşıyanlarla mübarizə aparır. SSRİ dövründə heç belə deyildi". Ziyarət zamanı polislə iştirakçılar arasında hansısa münaqişə baş verməyib.
Multimedia

Orxan Əsgərovun dəfni - Deputatlar: İran üzr istəsin

Fərid İsmayılov
30 Yanvar 2023
Yanvarın 27-də Azərbaycanın İrandakı səfirliyinə silahlı hücum nəticəsində həlak olan mühafizə rəisi Orxan Əsgərov bu gün, yanvarın 30-da II Fəxri Xiyabanda dəfn edilib.  Dəfn mərasimində hökümət rəsmiləriylə yanaşı Türkiyə və İranın Azərbaycandakı səfirliyinin nümayəndələri də iştirak ediblər. Milli Məclisin deputatı Aydın Mirzəzadə Toplum TV-yə açıqlamasında bildirib ki, səfirliyə edilən hücum terror hadisəsidir: "Bu gün dəfn etdiyimiz Orxan ƏSgərovun qanı İran dövlətinin üzərindədir. İran dövləti bu məsələyə aydınlıq gətirməlidir". Milli Məclisin digər deputatı Naqif Həmzəyev isə deyib ki, proseslərin gərginləşməsinin səbəbi İran dövlətidir: "İran tərəfi məsuliyyəti öz üzərinə götürməlidir. Cəsarət tapıb Azərbaycan xalqından, dövlətindən, hökümətindən üzr istəməlidir" Baş vermiş hadisədən sonra...

Seçilmiş Videolar

Toplum TV loqo