Multimedia

Masazırdan şikayət: suyumuz, işığımız yoxdur

Sənan İsmayıl
23 Avqust, 2022
308

Abşeron rayonunda yerləşən Masazır kəndinin Sultanağa Bayramov və Cövdət Hacıyev küçələrinin sakinləri susuzluqdan şikayətlənir. Sakinlər bildirir ki, may ayından etibarən suyun verilməsində yaranan problemlər daha da artıb.

Şəfi Qələndərli: "Gəlirlər yalandan baxırlar. Yaxşı olacaq, düzəldəcəyik, motor xarab olub, filan şey xarab olub, cürbəcür bəhanlər... Necə olur o biri küçələrə su təzyiqlə gəlir amma bu iki küçəyə - arxadakı küçə və bu küçə, ikisinə də su gəlmir. Su Səhmdar Cəmiyyətinin sədri nəzarət etməlidir. Eləmirlər, qardaş. Kef edirlər özləri üçün.

Məryəm Fərəcova: "Gəlmirlər, baxmırlar, saymırlar milləti. Dalaşırıq, əsəbləşirik, əsəb keçiririk. Hamının evində uşağı var, xəstəsi var, külfətdi, ondan sonra işə gedən var, gəlib yuyunmaq istəyən var. Bunların hamısı nəzərə alınmalıdır. 

Emil Əbiyev: "Bir gündən bir suyu verirlər. Bu gün də su günüdür, su yoxdur. İşığı söndürürlər tez-tez, yalandan da deyirlər, kabel dəyişirik. Qardaş, bu kabeli dəyişirlər amma gəlməlidi da bu su, bu işıq. 

Küçənin tək problemi təkcə su da deyil. Şəfi Qələndərlinin sözlərin görə, elektrik enerjisinin verilməsində də hər gün saatlarla fasilələr yaranır.

Sakinlərin şikayəti ilə bağlı Azərsu ASC-dən Toplum TV-nin sorğusununa cavab verilib:

"Masazır qəsəbəsi cövdət Hacıyev küçəsi və ətraf ərazilərdə su təchizatında fasilələrin yaranması enerji təchizatı ilə bağlıdır. Enerji təchizatı sistemində aparılan işlər nasosların iş rejiminə təsir edir. Bu işlər başa çatandan sonra normal təzyiq və qrafiklə suyun verilişi təmin olunacaq".

Elektrik enerjisinin verilməsində yaranan problemlərlə bağlı isə Azərişıq ASC-dən bu barədə vətəndaşların onlara müraciət etdiyini və ötən həftənin 5-ci günündən bu təmir-tikinti işlərinə başlandığı deyilib. Qurum rəsmisinin sözlərinə görə, bir neçə günə problem tam həllini tapacaq.

Multimedia

Veteran: Məcbur edirlər ölkədən gedək

Samirə Əli
4 Oktyabr 2022
Birinci Qarabağ müharibəsi veteranı Xaqani Əliyev Əmək və əhalinin sosial müdafiəsi nazirliyi önündə etiraz edib. Müharibə iştirakısı oktyabrın 4-ü keçirdiyi aksiyada əlilliklə bağlı aldığı pensiyasının kəsilməsindən şikayət edib.   Şikayətçi söyləyir ki, illərdir aldığı 130 manatın kəsilməsi, onun həyatını çətinləşdirib.   Nazirliyin əməkdaşı Malik Şərbətov vətəndaşı qəbul şöbəsinə salıb. Xaqani Əliyevin müraciətinə 1 həftə ərzində cavab veriləcəyi bildirilib.
Multimedia

Heyvansevərlər etiraz etdi, polislər güc tətbiq etdi

Samirə Əli
4 Oktyabr 2022
Bir neçə heyvansevər aktivist bugün Bakının Nizami küçəsində aksiya keçirib. Etirazçılar sahibsiz itlərin küçələrdə güllələnməsinə diqqət çəkmək istəyiblər. Aksiya başlayan andan etibarən çevik polis alayının əməkdaşları aktivistləri xidməti maşınlara mindirib ərazidən uzaqlaşdırıblar. Ərazidə polis əməkdaşı Orxan Axundzadə deyir ki, iştirakçıların keçirdikləri aksiya qanunsuzdur. Daxili işlər nazirliyindən "Toplum TV"yə verilən məlumata görə, aksiyada saxlanılan olmayıb. Heyvansevərlər bundan öncə də dəfələrlə "Toplan" sahibsiz itlərə qayğı mərkəzi önündə aksiyalar keçiriblər. Onlar qayğı mərkəzinin qapılarının ictimaiyyətə bağlı olması, küçə itlərinin kütləvi öldürülməsi iddiaları ilə çıxış ediblər. Mərkəzin əməkdaşları ötən il dörd aktivistə cinayət işi açmışdı. Bu ilin sentyabrında məhkəmənin verdiyi hökmə əsasən aktivistlər 1000...

Seçilmiş Videolar

Toplum TV loqo