Multimedia

Məcburi köçkün: Bizim toyuq damlarımız burdakı evlərimizdən böyük idi

Nuray Kamal
Lida Abbaslı
25 Avqust, 2022
353

Bura Bakının Koroğlu Rəhimov küçəsində yerləşən qaçqın məhəlləsidir.  Məcburi köçkünlər işğaldan bəri tikintisi yarımçıq qalan xəstəxana ərazisində məskunlaşıblar. 

Dalanları dar, evləri iç-içə, divaraları çılpaq daşdan olan sakinlər ən çox nəmişlikdən, evlərinin şəraitsizliyində  şikayət edirlər. Kiçik və iç-içə olan evlərin heç qapısı da yoxdur.  

Kanalizasiya suları yollara tökülüb palçıq yaradır. Sakinlər deyir, təmir etməyə imkanları çatmır deyə bura illərdir baxımsız vəziyyətdə qalıb. 

Məcburi köçkünlər deyir, bu vaxta qədər  heç gəlib maraqlanan olmayıb. Onlara verilən çörək pulu isə artıq çörək almağa da çatmır. Qaçqınlar və Məcburi köçkünlərin İşləri üzrə Dövlət Komitəsindən Toplum TV-yə bildirilib ki, komitənin mənzil fondunda boş yaşayış sahələri olmadığı üçün onlar yeni evlərlə təmin olunmur. Məcburi köçkünlərin daimi yaşayış yerlərinə qayıdışında isə ilk növbədə ən ağır şəraitdə yaşayanlar yeni yaşayış yerləri ilə təmin olunacaq. Məcburi köçkünlərin indi, tək arzusu bu yoxsulluqdan qurtulub öz yurdlarına qayıtmaqdır.

Multimedia

Veteran: Məcbur edirlər ölkədən gedək

Samirə Əli
4 Oktyabr 2022
Birinci Qarabağ müharibəsi veteranı Xaqani Əliyev Əmək və əhalinin sosial müdafiəsi nazirliyi önündə etiraz edib. Müharibə iştirakısı oktyabrın 4-ü keçirdiyi aksiyada əlilliklə bağlı aldığı pensiyasının kəsilməsindən şikayət edib.   Şikayətçi söyləyir ki, illərdir aldığı 130 manatın kəsilməsi, onun həyatını çətinləşdirib.   Nazirliyin əməkdaşı Malik Şərbətov vətəndaşı qəbul şöbəsinə salıb. Xaqani Əliyevin müraciətinə 1 həftə ərzində cavab veriləcəyi bildirilib.
Multimedia

Heyvansevərlər etiraz etdi, polislər güc tətbiq etdi

Samirə Əli
4 Oktyabr 2022
Bir neçə heyvansevər aktivist bugün Bakının Nizami küçəsində aksiya keçirib. Etirazçılar sahibsiz itlərin küçələrdə güllələnməsinə diqqət çəkmək istəyiblər. Aksiya başlayan andan etibarən çevik polis alayının əməkdaşları aktivistləri xidməti maşınlara mindirib ərazidən uzaqlaşdırıblar. Ərazidə polis əməkdaşı Orxan Axundzadə deyir ki, iştirakçıların keçirdikləri aksiya qanunsuzdur. Daxili işlər nazirliyindən "Toplum TV"yə verilən məlumata görə, aksiyada saxlanılan olmayıb. Heyvansevərlər bundan öncə də dəfələrlə "Toplan" sahibsiz itlərə qayğı mərkəzi önündə aksiyalar keçiriblər. Onlar qayğı mərkəzinin qapılarının ictimaiyyətə bağlı olması, küçə itlərinin kütləvi öldürülməsi iddiaları ilə çıxış ediblər. Mərkəzin əməkdaşları ötən il dörd aktivistə cinayət işi açmışdı. Bu ilin sentyabrında məhkəmənin verdiyi hökmə əsasən aktivistlər 1000...

Seçilmiş Videolar

Toplum TV loqo