Multimedia

Məhkəmənin qadağan etdiyi söküntünü icra hakimiyyəti aparır

Samirə Əli
28 İyul, 2022
306

Söküntüsü gedən bu evin sakinləri onu vaxtilə qanuni, sənədli əldə ediblər. Bir vaxtlar evin tikilməsinə icazə verən hökumət, fəhlələrin sözlərinə görə, indi də onu sökməyə icazə verib. Amma sakinlərlə hallaşmadan.  

Bakının Yusif Səfərov küçəsində yerləşən binada yaşayan bir neçə sakinlərin evləri yaşayışa yararsız hala salınıb. 

Həmin sakinlərin əmlak hüquqlarını qoruyan vəkil Cavad Cavadov bildirib ki, bu işlərə Bakı şəhər İcra Hakimiyyətininin vəzifəli şəxsi Zülfəli İsmayılov nəzarət edir. 

Mənzilini icra hakimiyyətinin şərtləri ilə satmayan Solmaz Həmidovanın evi də iyulun 27-si qanunsuz dağıdılıb. Baş vermiş hadisə video kameralara da düşüb. 

Zərərçəkənin qardaşı bildirib ki, bacısı hələ də evini satmasa da, dünən evinin qapısı sındırılaraq, içərisini dağıdıblar: 

Binanın komendantı Gülməmməd Məmmədov deyir ki, söküntü işləri 20 gündür ki, davam edir. Onun sözlərinə görə, binanın yerində park salınacağı gözlənilir. 

Vəkil Cavad Cavadov deyib ki, hazırda binada yaşayan bir neçə sakin qanunsuzluqla bağlı Xətai rayon prokurorluğuna müraciət ediblər.

Prokurorluqdan sakinlərə bildirilib kii, məsələ araşdırılacaq.

Multimedia

Bakıda Misir Qasımlıya dəstək aksiyası keçirilib 

Samirə Əli
16 Avqust 2022
Müharibə veteranlarının təşkilatçılığı ilə avqustun 16-da Ukraynanın Bakıdakı səfirliyi yanında İkinci Qarabağ müharibəsinin iştirakçısı Misir Qasımlıya qarşı cinayət təqibinə son qoyulması tələbilə aksiya keçirilib.    Aksiya iştirakçılarının sözlərinə görə, Qasımlı uydurma ittihamla həbs edilib. O, bir il öncə hansısa erməni əsilli əcnəbi ilə baş vermiş insidentlə əlaqədar təqib olunur.    Rusiyada yaşayan Misir Qasımlı müharibə vaxtı döyüşmək üçün Azərbaycana gəlib könüllü cəbhəyə yollanıb. Müharibədən sonra Ukraynaya gedib işlərini davam etdirirdi. Qasımlının sözlərinə görə, Elə orada həmin əcnəbi ona narkotik satmağı təklif edir, lakin o bu təklifi qəbul etmir və həmin əcnəbini maşından qovur. Bir neçə saat sonra Qasımlı Ukrayna polisləri...
Multimedia

"Ali baş komandanın qonşuluğunda" sakinlər baxımsızlıqdan şikayətlənir

Aytac Məmmədli
Sənan İsmayıl
14 Avqust 2022
Bura Buzovna qəsəbəsinin "Mədən" kimi tanınan ərazisidir.  Sakinlər deyirlər ki, çoxdandır, özləri öz başlarının çarəsinə baxırlar. Yollarını da özləri düzəldirlər, su xətlərini də özləri çəkirlər.   Amma iş bununla da bitmir, çünki bu küçənin dərdi saymaqla qurtarmır.   "Zibil qabları yoxdur, ictimai nəqliyyat işləmir. Evlərin ünvanları yoxdur deyə, təcili yardım çağırmaqda çətinlik çəkirik. Bütün marketlər, poliklnika yolun o biri tərəfindədir. Bir marşrutumuz olsun ki, gedək xəstəxanaya çata bilək,  uşaqlar məktəbə getsin deyə avtobus tutur hamı",- sakinlər şikayətlənirlər.  Məhəllə sakini İxtiyar Abışov danışır ki, problemlərilə bağlı dəfələrlə bələdiyyəyə müraciət ediblər. Amma bir nəticə yoxdur.   Yeri gəlmişkən, 2006-2007 və 2011-2013-cü illərdə Bakı qəsəbələrinin sosial-iqtisadi...

Seçilmiş Videolar

Toplum TV loqo