Multimedia

Özünü yandıran qaziyə görə parlamentin qarşısında aksiya keçirilib  

Samirə Əli
13 İyul, 2022
333

İkinci Qarabağ müharibəsinin 10-a yaxın iştirakçısı iyulun 13-də Milli Məclisin binasına gəlib. 

İştirakçıların tələbi hüquqlarının qorunması, dövlət qurumları tərəfindən problemlərinin baxılması və deputatlarla görüşmək istəyi olub: 

  “Sabirabadda iki dəfə intihar hadisəsi baş verib. Biz də bura gəlmişik ki, qazilərin intiharına son verilsin. Bizə də rahat yaşamağa aman versinlər. Artıq bəsdir, bu qədər yetər. Qazilərin maddi durumlarında problemlər var. Mənə əlillik verməkdən imtina ediblər. Yalandan söz verirlər ki, bu gün-sabah, bayramdan sonra. Bayram da qurtardı, amma heç nə təmin olunmadı”,-deyə müharibə iştirakçısı Elnur Rüstəmov əlavə edib. 

Qazi öz ərizələri ilə birgə polis əməkdaşları tərəfindən parlamentin qəbul şöbəsinə aparılıb. Tətil səbəbilə deputatlar Milli məclisdə olmayıblar. 

İyulun 10-da Sabirabad Rayon İcra Hakimiyyətinin önündə “Mauqli” ləqəbli qazi Elvin Cəfərov özünü yandıraraq intihara cəhd edib.  

Elvin Cəfərov 44 günlük İkinci Qarabağ müharibəsində iştirak edib. 

O, iyulun 10-da vəziyyəti ağır olduğu üçün Bakıya xəstəxanaya gətirilib. İyulun 12-də vəfat edib. 

İkinci Qarabağ müharibəsindən sonra ölkədə 36 qazi intihar edib. Onlar sosial vəziyyətlərinin ağırlığından və aidiyyatı qurumların müraciətlərinə baxmadığından şikayətləniblər.

Multimedia

"Ali baş komandanın qonşuluğunda" sakinlər baxımsızlıqdan şikayətlənir

Aytac Məmmədli
Sənan İsmayıl
14 Avqust 2022
Bura Buzovna qəsəbəsinin "Mədən" kimi tanınan ərazisidir.  Sakinlər deyirlər ki, çoxdandır, özləri öz başlarının çarəsinə baxırlar. Yollarını da özləri düzəldirlər, su xətlərini də özləri çəkirlər.   Amma iş bununla da bitmir, çünki bu küçənin dərdi saymaqla qurtarmır.   "Zibil qabları yoxdur, ictimai nəqliyyat işləmir. Evlərin ünvanları yoxdur deyə, təcili yardım çağırmaqda çətinlik çəkirik. Bütün marketlər, poliklnika yolun o biri tərəfindədir. Bir marşrutumuz olsun ki, gedək xəstəxanaya çata bilək,  uşaqlar məktəbə getsin deyə avtobus tutur hamı",- sakinlər şikayətlənirlər.  Məhəllə sakini İxtiyar Abışov danışır ki, problemlərilə bağlı dəfələrlə bələdiyyəyə müraciət ediblər. Amma bir nəticə yoxdur.   Yeri gəlmişkən, 2006-2007 və 2011-2013-cü illərdə Bakı qəsəbələrinin sosial-iqtisadi...
Multimedia

Azərbaycanın hansı göstərici ilə rekord qırmağını istəyirsiniz?

Lida Abbaslı
Sənan İsmayıl
12 Avqust 2022
Dünyanın ən uzun bayraq dirəyi Azərbaycana gətirilib.  Ən uzun bayraq dirəyinə görə Tacikistandan sonra gələn Azərbaycan yenidən ən uzun bayraq dirəyinə görə Ginnes rekordlar kitabına düşməyi hədəfləyir. "Toplum TV" paytaxt sakinləri ilə  hansı göstəricilərlə ölkənin Ginnes rekordlar kitabına düşməsini istəmələri barədə sorğu keçirib. 

Seçilmiş Videolar

Toplum TV loqo