Multimedia

Gözdən əlillərə polis zorakılığı

Samirə Əli
17 Yanvar, 2023
83

Bakının Filarmoniya bağında bir qrup gözdən əlil vətəndaş aksiya edib. Etirazçılar yanvarın 17-də keçirdikləri piketdə Gözdən Əlillər Cəmiyyətinin keçirdiyi qurultayın nəticələrinin ləğv edilməsini və  yenidən keçirilməsini tələb ediblər.

Etirazçılar dekabrın 29-u keçirilən konfransda əlillərə polislər tərəfindən göstərilən zorakılıqlara diqqət çəkib. Zərərçəkənlər deyir, cəmiyyət üzvlərinin əksəriyyətinin xəbəri olmadan keçirilmiş qurultayda onların iştirakına imkan yaradılmayıb.

Daxili İşlər Nazirliyinin sözçüsü Elşad Hacıyevsə zərərçəkənlərin söylədikləri ilə razılaşmır.

Şikayətçilər cəmiyyətin sədri Səmyar Abdullayevin fəaliyyətindən narazıdırlar. Aksiya iştirakçılarından biri Babək Məmmədov 20 il öncəni təəssüflə xatırlayır. Deyir, əvvəllər şəhərdə addımbaşı gözdən əlillərin asudə vaxtlarını keçirdikləri klublar vardı, indi isə o düşünür ki, əlillərə üçüncü dərəcəli insan kimi baxırlar.

“ Bu gün məhz Sizin göstərişləriniz əsasında gözdən əlil vətəndaşların mənzil-məişət şəraitlərinin yaxşılaşdırılması istiqamətində qəbul edilmiş sosial inkişaf platforması yüzlərlə gözdən əlil ailənin yaşayış standartlarının və sosial-iqtisadi rifah halının yüksəlişinə səbəb olub”.

Bu sözləri Gözdən Əlillər Cəmiyyətinin sədri Səmyar Abdullayev 2021-ci ildə prezident İlham Əliyevə yazdığı müraciətdə qeyd edib.

Etirazçılar isə prezidentin sərəncamının havada qaldığını, özlərinin həmin mənzillərdən məhrum olduqlarını söyləyir.

Aksiya iştirakçılarından bir neçəsi polis müşayiəti ilə Nazirlər Kabineti, Baş prokurorluq,Daxili İşlər Nazirliyi və Prezident Administrasiyasının qəbul şöbəsinə gedib. Vətəndaşlara müraciətlərinə baxılacağı bildirilib.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Multimedia

Rəsulzadənin doğum günü: "Hakimiyyət iyrənc mübarizə aparır"

Fərid İsmayılov
31 Yanvar 2023
Yanvarın 31-də Azərbaycan Xalq Cümhuriyyətinin qurucularından olan Məmməd Əmin Rəsulzadənin anadan olmasının 139-cu ili qeyd edilib. Bu münasibətlə müxalif partiya və təşkilatlar onun Novxanı kəndindəki abidəsini ziyarət edib.  "Müsavat" Partiyası başqanı Arif Hacılı Toplum TV-yə açıqlamasında Azərbaycan hökumətinin Rəsulzadə irsinə münasibətini tənqid edib. "Rəsulzadə irsinə qarşı hökümətin qısqanclığı var. Amma nə qədər çalışsalar da, xalqın Rəsulzadəyə olan sevgisini dəyişə bilməyəcəklər". Milli Şuranın sədri Cəmil Həsənli Rəsulzadəyə indiki münasibəti SSRİ dövründəki ilə müqayisə edib: "Bu gün hökümət ən iyrənc formada Rəsulzadə ideyası daşıyanlarla mübarizə aparır. SSRİ dövründə heç belə deyildi". Ziyarət zamanı polislə iştirakçılar arasında hansısa münaqişə baş verməyib.
Multimedia

Orxan Əsgərovun dəfni - Deputatlar: İran üzr istəsin

Fərid İsmayılov
30 Yanvar 2023
Yanvarın 27-də Azərbaycanın İrandakı səfirliyinə silahlı hücum nəticəsində həlak olan mühafizə rəisi Orxan Əsgərov bu gün, yanvarın 30-da II Fəxri Xiyabanda dəfn edilib.  Dəfn mərasimində hökümət rəsmiləriylə yanaşı Türkiyə və İranın Azərbaycandakı səfirliyinin nümayəndələri də iştirak ediblər. Milli Məclisin deputatı Aydın Mirzəzadə Toplum TV-yə açıqlamasında bildirib ki, səfirliyə edilən hücum terror hadisəsidir: "Bu gün dəfn etdiyimiz Orxan ƏSgərovun qanı İran dövlətinin üzərindədir. İran dövləti bu məsələyə aydınlıq gətirməlidir". Milli Məclisin digər deputatı Naqif Həmzəyev isə deyib ki, proseslərin gərginləşməsinin səbəbi İran dövlətidir: "İran tərəfi məsuliyyəti öz üzərinə götürməlidir. Cəsarət tapıb Azərbaycan xalqından, dövlətindən, hökümətindən üzr istəməlidir" Baş vermiş hadisədən sonra...

Seçilmiş Videolar

Toplum TV loqo