Multimedia

Nəqliyyatda qiymət artdı - "Hökumət istəsə qiyməti tənzimləyərdi"

Roza Məmmədova
1 Fevral, 2023
178

Tarif Şurası metro və şəhərdaxili avtobus marşrutlarında gedişhaqqını 10 qəpik artırıb.

Bundan sonra metro və şəhərdaxili nəqliyyatın qiyməti 40 qəpik, şəhərətrafı və qəsəbələrarası avtobus marşrutlarının qiyməti isə 40 qəpik-1,00 manat arasında dəyişəcək.

Qərar fevralın 3-dən qüvvəyə minəcək.

Milli Məclisin deputatı Rüfət Quliyev artımı infilyasiya ilə əlaqələndirir. Onun fikrincə, qiymət artımı bütün dünyada gedir və qarşısı alınmazdır.

İqtisadçı Elçin Rəşidov deyir ki, bu məsələyə bir neçə yöndən baxmağı təklif edir: həm infilyasiya, həm də nəqliyyat xərclərinin şəffaflığı və s.

Deputatdan fərqli olaraq, iqtisadçının fikrincə, hökumət qiymət artımını tənzimləyə bilərdi.

Tarif Şurası qiymət artımını ehtiyat hissələrinin idxal qiymətinin və təmir xərclərinin artması, eləcə də daşıyıcı şirkətlərin maliyyə vəziyyəti, avtobus parklarının yenilənməsi və xidmətin davamlılığının təmin edilməsi ilə əsaslandırır. 

Sonuncu dəfə ictimai nəqliyyatda gediş haqqının qiyməti 2018-ci ildə artmışdı.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Multimedia

Azərbaycanda kişilər daha çox bu xəstəlikdən ölür

Roza Məmmədova
16 Mart 2023
Ürək xəstəliklərindən ölən kişilərin sayına görə, Azərbaycan dünyada birinci yerdədir. Bu barədə dünya ömür reytinqini ölçən “World Life Expectancy” saytı məlumat yayıb. 183 ölkəni əhatə edən reytinq cədvəlində bu xəsətəlikdən ölən qadınların  sayına görəsə Azərbaycan ikinci sıradadır.  Kardioloq Zöhrab Sultanov ürək xəstəliklərinin yaranmasının bir neçə səbəbi olduğunu söyləyir. Məsələn, xolesterinli qidalar, siqaretdən istifadə, stress, oturaq həyat tərzi və s. Bəs niyə Azərbaycan ürəyindən əziyyət çəkənlərə görə ilk sıradadır. Bakı sakinlərindən də bu barədə soruşduq.
Multimedia

Quba bazarı: Evimizə çörək apara bilmirik

Fərid İsmayılov
15 Mart 2023
Bura Quba bazarıdır. Novruz bayramına sayılı günlər qalsa da, hələki bazarda canlanma gözə dəymir, satıcılar belə deyir. Xəyalə İsmayılova 10 ildir bu bazarda göyərti satır. Satışın zəif olmasından gileylənir. Deyir, alıcı az, satıcı isə çoxdur. Həmsöhbət olduğumuz satıcılar həm də sosial durumlarından gileylənir. Quba bazarı isə dolanışıqları üçün son ümid yeridir. Quba bazarında təkcə satıcılar deyil, Elə alıcılar da  günü-gündən qalxan qiymətlərdən giley-güzar edirlər. Quba bazarında bayram bazarlığı ovqatı hiss olunmur. Satıcılar müştəri qıtlığından alıcılar isə bahalıqdan şikayətlənirlər.

Seçilmiş Videolar

Toplum TV loqo