Multimedia

Zamin Salayev işi - vəkillər şahidlərin hadisəni görmədiyini deyir 

17 May, 2023
222

Mayın 17-si Qaradağan rayon Məhkəməsində Azərbaycan Xalq Cəbhəsi Partiyasının Salyan rayon şöbəsinin sədri Zamin Salayevin növbəti məhkəmə prosesi keçirilib. Zamin Salayev həbsinə etiraz olaraq keçirdiyi aclıq aksiyasının 100-cü günündə hakim qarşısına çıxıb. Toplum TV- xəbər verir ki, Salayev məhkəmə zalına konvoy işçilərinin qoluna girərək daxil olub. Yeriməkdə çətinlik çəkirdi.  

Zamin Salayevin vəkili Nemət Kərimli deyir, ittihamı təsdiqləyən şahid ifadəsi yoxdur. 

Məhkəmə prosesi zamanı Zamin Salayevin səhhəti pisləşib. Bu barədə vəkili Fəxrəddin Mehdiyev Toplum Tv-yə danışıb. 

Zamin Salayevin saxlanıldığı əməliyyatda iştirak edən polis əməkdaşları Əfqan Əliyev və Etibar Eyvazov məhkəmədə şahid qismində dindirilib. Onların ikisi də Salayevi hadisə yerinə yığılan sıravi vətəndaşların saxlayıb, polisə təhvil verdiyini iddia edir. AXCP sədri Əli Kərimli məsələ ilə bağlı deyir ki, həmin vətəndaşlardan heç biri istintaqa ifadə verməyib. 

Əlizamin Salayev fevralın 7-də saxlanılıb, ona qarşı Cinayət Məcəlləsinin 221.3 – cü maddəsilə (xuliqanlıq-silah və ya silah kimi istifadə olunan əşyaların tətbiqilə zərərçəkmişə qarşı güc tətbiqi) cinayət işi açılıb. İttiham sübut olunarsa, Salayevi 5 ilədək həbs təhlükəsi gözləyir. Salayev öz həbsini sifarişli hesab edir və məhkəmənin qərarına etiraz olaraq 100 gündür aclıq edir. Amerika səfirliyinin rəsmiləri də məhkəmə prosesində iştirak edib. İki gün öncə ABŞ Salayevi azadlığa buraxmağa çağıran bəyanat vermişdi.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Multimedia

Neft gəlirləri ədalətli bölünürmü? - SORĞU

5 Mart 2024
“Qazıntı yanacağına sahib olan ölkə olmaq sözsüz ki, bizim günahımız deyil. Düşünürəm ki, bu, bizim nailiyyətimizdir ki, biz neft və qaz ehtiyatları olan bir çox ölkənin üzləşdiyi “neft lənətinə” düçar olmamağı bacardıq. Biz nefti inkişafa çevirdik, sərvətin ədalətli paylanmasını təmin etməyə nail olduq”. Bu fikirləri Azərbaycan Prezidenti İlham Əliyev Cənub Qaz Dəhlizi Məşvərət Şurası çərçivəsində nazirlərin 10-cu və Yaşıl Enerji Məşvərət Şurası çərçivəsində nazirlərin 2-ci iclasları zamanı “Euronews” televiziyasına verdiyi müsahibədə deyib. Toplum TV Bakı sakinlərini arasında sorğu keçirib: Sizcə, Azərbaycanda neft gəlirləri ədalətli şəkildə bölünürmü?
Multimedia

"Arxa cəbhədə olmuşuq deyə veteranlıq vermirlər"

5 Mart 2024
Ömər Hüseynov mart ayının 4-də Müdaifə Nazirliyi qarşısında etiraz aksiyası keçirib.  "İkinci Qarabağ Müharibəsi" zamanı oktyabr ayından Ağcabədidə, dekabrdan isə Qubadlının müdafiəsində olduğunu bildirir. Deyir veteranlıq almaq üçün dəfələrlə Müdafiə Nazirliyinə müraciət etsə də, arxa cəbhədə olduğu deyilərək, veteranlıq verilmir. 

Seçilmiş Videolar

Toplum TV loqo