Multimedia

Qızıldaşın bitməyən karxana zilləti

29 Oktyabr, 2022
386

Qaradağın Qızıldaş qəsəbəsinin problemləri bir deyil, iki deyil. 

Tozlu, təmirsiz yollar, uşaqlar üçün bağçanın olmaması, kasıblıq, işsizlik. 

Adını yaxınlıqdakı daş karxanalarından alan Qızıldaş sakinləri əzəldən bu karxanada işləyiblər. 

Elə Zərifə xanımın da həyat yoldaşı vaxtilə bu işlə məşğul olub. 

O özü qəsəbədəki tikinti trestində çalışıb və beləcə beş övlad böyüdüblər.  

85 yaşlı Zərifə xanım deyir ki, indi qəsəbədəki cavanlar dolana bilmirlər. 

Daş Karxanasında işləyən qəsəbə sakini Malik Mənsiyev də qəsəbədə iş yerlərinin olmadığını deyir. 

Son vaxtlar karxanalardan bəzilərində iş dayandığından və qəsəbədə başqa iş yeri olmadığından sakinlər başqa sahələrə yönəlmək məcburiyyətində qalıblar. 

Qəsəbənin yaxınlığında yerləşən daş karxanalarında isə təkcə Qızıldaşlılar çalışmır. Buranın işçiləri həm də Azərbaycanın fərqli regionlarından çörək pulu üçün paytaxta üz tutanlardır. 

Baş çəkdiyimiz karxanalarda fəhlələrin iş vaxtı təhlükəsizliyinin təmin olunmadığını müşahidə etsək də , sahibkarlar şərh verməyərək çəkilişə mane oldular.  

Biz də üz tutduq işçilərin hər gün nahar etdiyi Mamed kişinin kafesinə. 

Həmsöhbətimiz 16 yaşından bu karxanalarda çalışan Şahin İmanov olur. 

7 nəfərlik ailəsini təkbaşına dolandıran Lerik sakini 16 yaşından - 20 ildir daş karxanalarına ayaq döyür. 

62 yaşlı Ramiz Mirzəliyev hələ gənclik illərindən karxanada 2 qəpiyə daş atdığını xatırlayır. Deyir ki, o vaxtkı gənclər qazandığı pulları kinoya, çaya xərcləyirdilərsə, indikilər karxanaya çörəkpulu dərdindən gəlir: 

Fəhlələrin işə gəlmək üçün hər gün keçməli olduğu bu palçıqlı, kələ-kötür yollarla Qızıldaş qəsəbəsinə qayıdırıq. 

O qəsəbəyə ki, sakinləri tezliklə sosial problemlərinin həll ediləcəyinə ümid edir. sinxron 

Zərifə xalanın dediyi kimi, bir vaxtlar daşı qızıla döndərən qızıldaşlılar indi qəsəbəyə hopmuş kasıb görüntünün, boz rəngin çəkiləcəyini arzulayırlar


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Multimedia

Neft gəlirləri ədalətli bölünürmü? - SORĞU

5 Mart 2024
“Qazıntı yanacağına sahib olan ölkə olmaq sözsüz ki, bizim günahımız deyil. Düşünürəm ki, bu, bizim nailiyyətimizdir ki, biz neft və qaz ehtiyatları olan bir çox ölkənin üzləşdiyi “neft lənətinə” düçar olmamağı bacardıq. Biz nefti inkişafa çevirdik, sərvətin ədalətli paylanmasını təmin etməyə nail olduq”. Bu fikirləri Azərbaycan Prezidenti İlham Əliyev Cənub Qaz Dəhlizi Məşvərət Şurası çərçivəsində nazirlərin 10-cu və Yaşıl Enerji Məşvərət Şurası çərçivəsində nazirlərin 2-ci iclasları zamanı “Euronews” televiziyasına verdiyi müsahibədə deyib. Toplum TV Bakı sakinlərini arasında sorğu keçirib: Sizcə, Azərbaycanda neft gəlirləri ədalətli şəkildə bölünürmü?
Multimedia

"Arxa cəbhədə olmuşuq deyə veteranlıq vermirlər"

5 Mart 2024
Ömər Hüseynov mart ayının 4-də Müdaifə Nazirliyi qarşısında etiraz aksiyası keçirib.  "İkinci Qarabağ Müharibəsi" zamanı oktyabr ayından Ağcabədidə, dekabrdan isə Qubadlının müdafiəsində olduğunu bildirir. Deyir veteranlıq almaq üçün dəfələrlə Müdafiə Nazirliyinə müraciət etsə də, arxa cəbhədə olduğu deyilərək, veteranlıq verilmir. 

Seçilmiş Videolar

Toplum TV loqo