Multimedia

Rasim Məmmədov: Elçin Sadıqovdan şikayətçi deyiləm

14 Sentyabr, 2022
1505

Sentyabrın 13-də Ağır Cinayətlər Məhkəməsində "Baku Steel Company"-nin sabiq rəhbəri Rasim Məmmədovun növbəti məhkəmə prosesi keçirilib. 

Rasim Məmmədovun vəkillərindən biri olan Elçin Sadıqov Sentyabrın 10-dan 11-nə keçən gecə  həbs olunub. Elçin Sadıqov, jurnalist Əvəz Zeynallının həbs olunmuş iş adamı Rasim Məmmədovdan rüşvət almasında vasitəçi olmaqda günahlandırılır.

Rasim Məmmədovun vəkillərindən biri də Elçin Sadıqovun həyat yoldaşı Zibeydə Zəkəriyyəyevadır. Zibeydə Zəkəriyyəyeva məhkəmədən sonra Toplum TV-yə açıqlamasında bildirib ki, Rasim Məmmədovun ailəsi onun vəkillik fəaliyyətini davam etdirməsini istəyib. 

Məhkəmə prosesində ifadə verərkən Rasim Məmmədov Əvəz Zeynallının onu  və ailə üzvlərini uzun illər terror və təhdid etdiyini bildirib. Bundan əvvəlki məhkəmə prosesində isə o, həmin dövrdə biznesinə Prezident Administrasiyasının yüksək vəzifəli məmurları Ramiz Mehdiyev və Bəylər Əyyubovun himayə etdiyini bildirmişdi. 

Rasim Məmmədov Elçin Sadıqovun jurnalistlə sövdələşmələrdə iştirak edib etmədiyi barədə heç nə deməyib. Rasim Məmmədovun ailə üzvləri məhkəmə prosesindən çıxarkən kameralardan və jurnalistlərdən yayınmağa çalışıb.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Multimedia

Neft gəlirləri ədalətli bölünürmü? - SORĞU

5 Mart 2024
“Qazıntı yanacağına sahib olan ölkə olmaq sözsüz ki, bizim günahımız deyil. Düşünürəm ki, bu, bizim nailiyyətimizdir ki, biz neft və qaz ehtiyatları olan bir çox ölkənin üzləşdiyi “neft lənətinə” düçar olmamağı bacardıq. Biz nefti inkişafa çevirdik, sərvətin ədalətli paylanmasını təmin etməyə nail olduq”. Bu fikirləri Azərbaycan Prezidenti İlham Əliyev Cənub Qaz Dəhlizi Məşvərət Şurası çərçivəsində nazirlərin 10-cu və Yaşıl Enerji Məşvərət Şurası çərçivəsində nazirlərin 2-ci iclasları zamanı “Euronews” televiziyasına verdiyi müsahibədə deyib. Toplum TV Bakı sakinlərini arasında sorğu keçirib: Sizcə, Azərbaycanda neft gəlirləri ədalətli şəkildə bölünürmü?
Multimedia

"Arxa cəbhədə olmuşuq deyə veteranlıq vermirlər"

5 Mart 2024
Ömər Hüseynov mart ayının 4-də Müdaifə Nazirliyi qarşısında etiraz aksiyası keçirib.  "İkinci Qarabağ Müharibəsi" zamanı oktyabr ayından Ağcabədidə, dekabrdan isə Qubadlının müdafiəsində olduğunu bildirir. Deyir veteranlıq almaq üçün dəfələrlə Müdafiə Nazirliyinə müraciət etsə də, arxa cəbhədə olduğu deyilərək, veteranlıq verilmir. 

Seçilmiş Videolar

Toplum TV loqo