Multimedia

Səfirliyə hücum edən "Mehdi Nökərləri" kimlərdir?

Roza Məmmədova
5 Avqust, 2022
373

Avqustun 4-də Londondakı Azərbaycan səfirliyinə hücum edən dindarlar Mehdi Nökərləri Birliyinin tərəfdarlarıdır. Hücum edənlər ərəbcə yazılan şüarlarla səfirliyin balkonuna çıxıb, Azərbaycan bayrağını yerə salıb, dini şüarlar səsləndirib. Bir müddət sonra səfirliyin təhlükəsizliyi təmin edilib və hücum edənlər saxlanılıb.  

Mehdi Nökərləri Birliyi səfirliyə hücumu Azərbaycanda şiə müsəlmanların təzyiqə məruz qalması ilə izah edib. Şüarlardan birində azərbaycanca yazı olub: "Ya Hüseyn şüarı silinməz". 

Təşkilatın qurucusu Küveyt əsilli Şeyx Yasər əl-Həbibdir. 

O, 1979-cu ildə Küveytin Əl-Mirqab şəhərində dindar şiə ailəsində anadan olub və Küveyt Universitetinin Siyasi Elmlər Fakültəsini bitirib. Şeyx müxtəlif dövrlərdə qəzetlərdə redaktor kimi çalışıb, 1999-cu ildə isə Mehdi Nökərləri təşkilatını yaradıb. 2000-ci illərin əvvələrindən başlayaraq Küveyt Milli Məclisi təşkilatın fəaliyyətini tənqid edib, 2003-cü ildə təşkilatın qurucusu ilk dəfə bir il müddətinə ümumilikdə isə 15 il müddətə həbs cəzası alıb. Daha sonra Əl Həbib Britaniyada sığınacaq alıb.  

Mehdi Nökərləri həm də İran hökumətini tənqid edir. 2018-ci ildə bu təşkilat İran səfirliyinə də hücum təşkil etmişdi.  

 2021- ci ildə Təşkilatın 15 milyona hazırladığı "Cənnətin Xanımı" filmi bu ilin əvvəlində Londonda nümayiş olunub. Ancaq sonradan sünni müsəlmanların etirazlarına səbəb olduğu üçün kinoteatrlarda yayımdan çıxarılıb. 

İran və Pakistan hökuməti filmin müsəlmanları parçalamaq məqsədi daşıdığını bildirib. Filmin İranda yayımlanması qadağan olunub.

Multimedia

"Ali baş komandanın qonşuluğunda" sakinlər baxımsızlıqdan şikayətlənir

Aytac Məmmədli
Sənan İsmayıl
14 Avqust 2022
Bura Buzovna qəsəbəsinin "Mədən" kimi tanınan ərazisidir.  Sakinlər deyirlər ki, çoxdandır, özləri öz başlarının çarəsinə baxırlar. Yollarını da özləri düzəldirlər, su xətlərini də özləri çəkirlər.   Amma iş bununla da bitmir, çünki bu küçənin dərdi saymaqla qurtarmır.   "Zibil qabları yoxdur, ictimai nəqliyyat işləmir. Evlərin ünvanları yoxdur deyə, təcili yardım çağırmaqda çətinlik çəkirik. Bütün marketlər, poliklnika yolun o biri tərəfindədir. Bir marşrutumuz olsun ki, gedək xəstəxanaya çata bilək,  uşaqlar məktəbə getsin deyə avtobus tutur hamı",- sakinlər şikayətlənirlər.  Məhəllə sakini İxtiyar Abışov danışır ki, problemlərilə bağlı dəfələrlə bələdiyyəyə müraciət ediblər. Amma bir nəticə yoxdur.   Yeri gəlmişkən, 2006-2007 və 2011-2013-cü illərdə Bakı qəsəbələrinin sosial-iqtisadi...
Multimedia

Azərbaycanın hansı göstərici ilə rekord qırmağını istəyirsiniz?

Lida Abbaslı
Sənan İsmayıl
12 Avqust 2022
Dünyanın ən uzun bayraq dirəyi Azərbaycana gətirilib.  Ən uzun bayraq dirəyinə görə Tacikistandan sonra gələn Azərbaycan yenidən ən uzun bayraq dirəyinə görə Ginnes rekordlar kitabına düşməyi hədəfləyir. "Toplum TV" paytaxt sakinləri ilə  hansı göstəricilərlə ölkənin Ginnes rekordlar kitabına düşməsini istəmələri barədə sorğu keçirib. 

Seçilmiş Videolar

Toplum TV loqo