Multimedia

Taleh Bağırzadənin səhhəti pisləşib

Samirə Əli
13 İyun, 2022
256

Aclıq edən “Müsəlman birliyi” hərəkatının lideri Taleh Bağırzadənin səhhətində problemlər yaranıb.  

Bu gün hərəkat fəallarının və Müdafiə Xətti təşkilatının aclıq aksiyasına həsr olunmuş mətbuat konfransında məhbusun həyat yoldaşı Leyla İsmayılzadə məlumatı təsdiqləyib.  

Penitensiar Xidmətin mətbuat katibi Mehman Sadıqov isə Toplum TV-yə bildirib ki, T.Bağırzadə hazırda həkim nəzarətindədir: “Hazırda səhhətində hər hansı ciddi problem yoxdur”. 

Xatırladaq ki, Taleh Bağırzadə aclıq aksiyasını inanclı fəallara işgəncə verərkən allahı söyən polis əməkdaşlarının cəzalandırılması tələbi ilə başlayıb. İndiyədək aksiyaya bir neçə inanclı məhbus qoşulub. May ayında 6 il həbs cəzası almış dindar fəal Razi Hümbətov da bu gün aclığa başladığını bildirib.  

Tale Bağırzadə tələbi yerinə yetirilməyənədək aclığı dayandırmayacağını bildirib.  

Daxili İşlər Nazirliyinin mətbuat xidmətinin rəhbəri Ehsan Zahidov "polisin dinimizi təhqir etməsi barədə iddiaları" təkzib edib. 

O, həmin "böhtan" məlumatları polisin nüfuzdan salınmasına yönələn şayiələr adlandırıb və bunun əvvəllər də baş verdiyini deyib. 

T.Bağırzadə 2015-ci ildə polisin Nardaranda keçirdiyi əməliyyatı zamanı həbs olunub. Həmin əməliyyat nəticəsində ilahiyyatçı ilə yanaşı, 16 nəfər də saxlanılıb. Məhkəmə T. Bağırzadəni 20 il müddətinə azadlıqdan məhrum edib.

Multimedia

Vətəndaşın 500 min dollarını kim qaytaracaq?

Məzahir Abdurahmanov
5 İyul 2022
2010 –cu ildə aldadıldığını deyən Kamal Şabanov Toplum TV-nin qaynar xəttinə müraciət edib. Şikayətçidir ki, 100 sot torpaq satmaq adı ilə ondan 500 min dollarını alanlar hələ layiqli cəzasına çatmayıb. Kamal Şabanov Oqtay Vəliyev və Rauf Namazov adlı şəxsləri günahlandırır, onlar da bir-birini. Rauf Namazov Şabanovun və digər bir neçə şəxsin etibarından sui-istifadə edib pullarını dələduzluqla almaq ittihamı ilə 11 il həbsə məhkum edilib. Oqtay Vəliyev isə məhkəmədə bəraət alıb. Kamal Şabanov iddia edir ki, ona tələni quran tək adam yox, cinayətkar şəbəkə olub. Şəbəkəyə rəhbərliyi də Oqtay Vəliyevin etdiyini düşünür. Amma şikayətçiin sözlərinə görə, Vəliyevin arxasında daha böyük qüvvələr...
Multimedia

Bakı ilə Quba arasında batan 550 milyon dollar

Aytac Məmmədli
Sənan İsmayıl
5 İyul 2022
Büdcə hesabına tikilən, 30 il xidmət edəcəyi vəd olunan yol 14 il sonra yenidən salınır, cinayət işindən xəbər yoxdur  Bu il Azərbaycan Avtomobil Yolları Dövlət Agentliyi Bakı-Quba-Rusiya Federasiyası ilə dövlət sərhədi avtomobil yolunda təmir-bərpa işlərinə başlayıb.  Bakının “Şamaxinka” deyilən ərazisində dayanan taksi sürücüləri də yolun adını eşidən kimi şikayətlənməyə başlayırlar.  Sürücülərin dediyinə görə, söküntülər səbəbindən yolda hərəkət çətinləşib. Bakı-Quba yolunda sürücü işləyən Asim Məhərrəmovun sözlərinə görə, son zamanlar bu yolda qəzaların da sayı çoxalıb: "Tək xətdir deyə yük maşınlarının arxasına düşüb uzun müddət getməli olursan. Qəza şəraiti yaranır." https://toplum.tv/multimedia/isiqsiz-qazsiz-susuz-qalan-seki-ziyalisi 30 ildən çoxdur sürücü işləyən Yaşar Şirinov isə hesab edir ki,...

Seçilmiş Videolar

Toplum TV loqo