Multimedia

Vəkil: Arvadını döyən kişilər canını cərimə ilə qurtarır

Sənan İsmayıl
6 İyul, 2022
415

13 il əri tərəfindən müxtəlif işgəncələrə məruz qalmış qadın artıq 4 aydır ki, uşaqları ilə birlikdə qadın sığınacağında yaşayır.

Dediyinə görə, bu illər ərzində əri onu evə həbs edib, xırda səbəblərdən döyüb. Bədənində bıçaq, balta izləri indiyədək qalır. 

“Təmiz dünya” ictimai birliyinin sədri Mehriban Zeynalova deyir, hətta sığınacaqdakı qadınlar da bəzən təhlükə altında qalır. Onun dediyinə görə, qadınların qaldığı yer barədə kimsə xəbər çatdıranda, ailə üzvləri gəlib, həm qadını, həm sığınacaq işçilərini təhdid edirlər. 

Vəkil Zibeydə Sadıqovanın sözlərinə görə, ölkədə qadın hüquqları yetərincə qorunmur. Vəkil hüquq mühafizə orqanlarının da bu məsələyə qeyri-ciddi yanaşdığını düşünür. Onun sözlərinə görə, məişət zorakılığına görə cəzalar sərt olmalıdır ki, arvadını döyən kişilər cərimə ilə canını qurtarmasın

Qadınların hüquqlarının tapdanması, məişət zorakılığı hallarının artması ilə bağlı aktivistlər də vaxtaşırı etiraz aksiyaları keçirir. 

Ailə, Qadın və Uşaq problemləri üzrə Dövlət Komitəsinin hüquqi təminat şöbəsinin baş məsləhətçisi Rahil Süleymanzadə Toplum TV-yə bildirib ki, qanunvericilikdə boşluqlar var. Məişət zorakılığına qarşı dövlət proqramı qəbul edilib, qanunvericiliyə dəyişikliklər təklif olunub. 

Günay Hüseynova tək deyil, ötən il ərzində 6635 qadın məişət zorakılığına məruz qalıb. 70 qadın bu səbəbədən həyatını itirib.

Multimedia

Azərbaycanın hansı göstərici ilə rekord qırmağını istəyirsiniz?

Lida Abbaslı
Sənan İsmayıl
12 Avqust 2022
Dünyanın ən uzun bayraq dirəyi Azərbaycana gətirilib.  Ən uzun bayraq dirəyinə görə Tacikistandan sonra gələn Azərbaycan yenidən ən uzun bayraq dirəyinə görə Ginnes rekordlar kitabına düşməyi hədəfləyir. "Toplum TV" paytaxt sakinləri ilə  hansı göstəricilərlə ölkənin Ginnes rekordlar kitabına düşməsini istəmələri barədə sorğu keçirib. 
Multimedia

Ən uca bayraq dirəyinin qalmaqallı tarixçəsi

Məzahir Abdurahmanov
Roza Məmmədova
12 Avqust 2022
Dünyanın ən hündür bayraq dirəyi artıq Azərbaycana gətirilib. Dirəyi Türkiyənin "Çimtaş" şirkəti istehsal edib. Ümumi hündürlüyü 191 metr olan dirək əvvəlkindən 29 metr uzun olacaq. Hazırda bayraq dirəyinin quraşdırılması prosesi gedir. Əvvəlki dirək dünyanın ən hündür bayraq dirəyi olaraq 2010-cu ildə Ginnes dünya rekordları kitabına düşmüşdü. Ancaq bir neçə həftə sonra Tacikistanın daha uca bayraq dirəyi inşa etməsi ilə Azərbaycan birinciliyini itirdi. Bu bir neçə həftəlik liderlik Azərbaycan büdcəsinə azı 30 milyon manata başa gəlmişdi. 2009-cu ildə quraşdırılan bayrağın yalnız dirəyi 4 milyon manat dəyərində idi. Bu məbləğin 20 milyon manatı Ehtiyat Fondundan, 10 milyon manatı isə birbaşa 2011-ci il...

Seçilmiş Videolar

Toplum TV loqo