Multimedia

Vergi məcəlləsi dəyişdirilir- Nə var, nə yox?

Roza Məmmədova
20 Noyabr, 2022
97

Milli Məclis Vergi Məcəlləsi ilə bağlı qanun layihəsini müzakirə edir. Burada  həm sahibkarlar, həm də sıravi vətəndaşlara təsir edəcək dəyişikliklər nəzərdə tutulub. Amma sadə vətəndaşın qanunu oxuyub anlaması müşkül ola bilər.

Toplum TV qanun layihəsini ekspertlərlə müzakirə edib.

Deputat Aydın Hüseynov deyir ki,  qanun layiəsinin ən böyük üstünlüyü işğaldan azad edilən ərazilərdə vergi güzəştləridir.

Bunun üçün əsas şərt həmin ərazidə fəaliyyət göstərməkdir. Məsələn, Füzulidə fəaliyyət göstərən sahibkar güzəşt olaraq əmlak, mənfəət, sadələşdirilimiş vergilərdən azad olunur:

Vergilər Məcəlləsinə şəhid ailələrilə bağlı güzəşt də təklif olunur.

Layihəyə görə, Şəhid statusu verilmiş şəxsin valideynlərinin, dul arvadlarının (ərlərinin) və övladlarının əməkhaqqı gəlirlərinin ilk 800 manatı vergiyə cəlb olunmayacaq.

Milli Məclisin iqtisadi siyasət komitəsinin deputatları arasında bu dəyişikliklə bağlı fikir ayrılığı var.

Qanun layihəsində əlavə dəyər vergisindən vətəndaşlara geri ödənən məbləğlə bağlı da müddəa var. Məsələn, vətəndaşın nağd əməliyyatlarda geri qaytara biləcəyi ƏDV məbləği 10 faizdən 5 faizə endirilib, nağdsız, yəni kartla etdiyi ödənişlərdə geri qaytarılan ƏDV-nin isə 15 faizdən 17.5 faizə qaldırılması nəzərdə tutulur.

Bu, Vergi Məcəlləsinə edilən dəyişikliklərin kiçik bir hissəsidir. Hökumət qanun layihəsi qəbul ediləndən sonra bu dəyişiklikləri vətəndaşlara izah edə biləcəkmi, hələ bəlli deyil. Biz isə mövzuya qayıdacağıq.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Multimedia

Milli Məclisin önündə etiraz: “Xəstəxanada ölən xəstənin şkafına baxıram ki, bəlkə mənə yarayan dərman olar”

Nuray Kamal
29 Noyabr 2022
Ziyafət Abbasova 2-ci qrup əlildir. O, 29 noyabrda Milli Məclisin önündə etiraz edib. Şikayətçi aldığı təqaüdün dərmanlarına çatmamasından gileylənir. Deyir, müvafiq qurumlara iş üçün dəfələrlə müraciət edib. Abbasova qalmağa evinin olmadığını deyir. Qeyd edir ki, qalmağa yeri olmadığından heç yerdə qeydiyyatda deyil. Buna görə də, şəxsiyyət vəsiqəsi deaktiv olub. O deyir, Dövlət Sosial Müdafiə Nazirliyinin qəbul şöbəsində ona Müşfiq qəsəbəsində iş təklif olunub. Ziyafət Abbasova etiraz etdikdən sonra polislərin müşahidəsi ilə Milli Məclisin qəbul şöbəsinə aparılıb və 30 noyabr tarixinə qəbula yazılıb.
Multimedia

“Naxçıvanlıların üzünə sevinc gəlib”-həbslərə və ixtisarlara reaksiya

Aytac Məmmədli
29 Noyabr 2022
Bu günlərdə Naxçıvanda baş verən hadisələr gündəmdir.  Muxtar respublikada bir sıra struktur islahatlarının aparıldığı, Naxçıvandakı qurumların Azərbaycanın mərkəzi icra hakimiyyəti orqanlarına tabe etdirilməsi istiqamətində addımlar atıldığı görünür. Təkcə dünən Naxçıvan Dövlət Gömrük Komitəsinin ləğv edildiyi, maliyyə nazirinin həbs edildiyi xəbərləri gəlib. AXCP Naxçıvan Təşkilatının sədri Yaşar Bağırsoy Naxçıvan camaatının əhval-ruhiyyəsinin yüksək olduğunu deyir. Bakıda isə hadisələrə reaksiyalar fərqlidir. Bəziləri düşünür ki, Naxçıvanın Muxtar respublika statusu ləğv ediləcək, bəziləri də deyir ki, bunlar, sadəcə kosmetik dəyişikliklərdir

Seçilmiş Videolar

Toplum TV loqo