Multimedia

Xain damğası vurulan jurnalist - Mən səngərdə can qoyanda...

Roza Məmmədova
21 Sentyabr, 2022
141

Son günlər sosial şəbəkələrdə  "xainitanıyaq" həştəqi ilə kampaniya başladılıb. "Xainitanıyaq" həştəqi ilə aparılan kampaniyanın əsas hədəfi Ermənistan-Azərbaycan səhədində aparılan hərbi əməliyyatların əleyhinə çıxış edənlərdir. 

Kampaniyanın hədəflərindən biri də jurnalist Əfqan Muxtarlı olub. Əvvəl də jurnalist araşdırmalarına görə həbs olunmuş Əfqan Muxtarlı hesab edir ki, bu cür kampaniyaların sonu həbslə nəticələnir. 

Hüquq müdafiəçisi Anar Məmmədli deyir ki, belə kampaniyalar hökumətin dəstəyi olmasa aparıla bilməz. Bəzi ekspertlər kiminsə xain kimi hədəf göstərilməsinin Stalin dövründə və Hitler Almaniyasında geniş yayılmış təcrübə olduğunu deyir. O ki qaldı kampaniyanın hədəflərinə, onların arasında belə ittihamlardan sonra həbsini gözləyənlər də var.

Multimedia

Veteran: Məcbur edirlər ölkədən gedək

Samirə Əli
4 Oktyabr 2022
Birinci Qarabağ müharibəsi veteranı Xaqani Əliyev Əmək və əhalinin sosial müdafiəsi nazirliyi önündə etiraz edib. Müharibə iştirakısı oktyabrın 4-ü keçirdiyi aksiyada əlilliklə bağlı aldığı pensiyasının kəsilməsindən şikayət edib.   Şikayətçi söyləyir ki, illərdir aldığı 130 manatın kəsilməsi, onun həyatını çətinləşdirib.   Nazirliyin əməkdaşı Malik Şərbətov vətəndaşı qəbul şöbəsinə salıb. Xaqani Əliyevin müraciətinə 1 həftə ərzində cavab veriləcəyi bildirilib.
Multimedia

Heyvansevərlər etiraz etdi, polislər güc tətbiq etdi

Samirə Əli
4 Oktyabr 2022
Bir neçə heyvansevər aktivist bugün Bakının Nizami küçəsində aksiya keçirib. Etirazçılar sahibsiz itlərin küçələrdə güllələnməsinə diqqət çəkmək istəyiblər. Aksiya başlayan andan etibarən çevik polis alayının əməkdaşları aktivistləri xidməti maşınlara mindirib ərazidən uzaqlaşdırıblar. Ərazidə polis əməkdaşı Orxan Axundzadə deyir ki, iştirakçıların keçirdikləri aksiya qanunsuzdur. Daxili işlər nazirliyindən "Toplum TV"yə verilən məlumata görə, aksiyada saxlanılan olmayıb. Heyvansevərlər bundan öncə də dəfələrlə "Toplan" sahibsiz itlərə qayğı mərkəzi önündə aksiyalar keçiriblər. Onlar qayğı mərkəzinin qapılarının ictimaiyyətə bağlı olması, küçə itlərinin kütləvi öldürülməsi iddiaları ilə çıxış ediblər. Mərkəzin əməkdaşları ötən il dörd aktivistə cinayət işi açmışdı. Bu ilin sentyabrında məhkəmənin verdiyi hökmə əsasən aktivistlər 1000...

Seçilmiş Videolar

Toplum TV loqo