Multimedia

Xəzər işğaldan azad olunur? Hələ yox

Roza Məmmədova
Sənan İsmayıl
23 İyun, 2022
342

Aylardır Xəzər ətrafındakı hasarlara qarşı mübarizə aparan Buzovna sakinləri arzularına çatıb. İyunun 22-də “Əli Ayağı” ziyarətgahı yanındakı çimərlikdə qanunsuz tikilmiş hasarların sökülməsinə başlanılıb. İndi ərazidə texnikalar işləyir, hasarlar sökülür. 

Bakı Şəhər İcra Hakimiyyəti ərazinin qanunsuz tikilmiş hasarlardan təmizlənəcəyini bildirib. Açıqlamada deyilir ki, gələcəkdə belə neqativ hallar olarsa, dərhal tədbirlər görüləcək və ərazi daim nəzarətdə saxlanılacaq. 

Amma görünən odur ki, buzovnalıların ibarəsi ilə desək, işğaldan heç də bütün Buzovna çimərlikləri azad olunmur. 

Məsələn, qonşuluqda yerləşən “Zuğulba” çimərliyində böyük villalar tikilib, qayalıqlar boyunca çəkilmiş hündür divarlar çimərliyi iki hissəyə bölür. Hələlik rəsmi qurumlar söküntülərin miqyasını, hansı əraziləri əhatə edəcəyi haqqında konkret açıqlama verməyib. Hər halda Buzovna sakinləri nikbindir, etirazı davam etdirəcəklərini söyləyirlər.

Multimedia

Vəkil: Arvadını döyən kişilər canını cərimə ilə qurtarır

Sənan İsmayıl
6 İyul 2022
13 il əri tərəfindən müxtəlif işgəncələrə məruz qalmış qadın artıq 4 aydır ki, uşaqları ilə birlikdə qadın sığınacağında yaşayır. Dediyinə görə, bu illər ərzində əri onu evə həbs edib, xırda səbəblərdən döyüb. Bədənində bıçaq, balta izləri indiyədək qalır.  “Təmiz dünya” ictimai birliyinin sədri Mehriban Zeynalova deyir, hətta sığınacaqdakı qadınlar da bəzən təhlükə altında qalır. Onun dediyinə görə, qadınların qaldığı yer barədə kimsə xəbər çatdıranda, ailə üzvləri gəlib, həm qadını, həm sığınacaq işçilərini təhdid edirlər.  Vəkil Zibeydə Sadıqovanın sözlərinə görə, ölkədə qadın hüquqları yetərincə qorunmur. Vəkil hüquq mühafizə orqanlarının da bu məsələyə qeyri-ciddi yanaşdığını düşünür. Onun sözlərinə görə, məişət zorakılığına görə...
Multimedia

Vətəndaşın 500 min dollarını kim qaytaracaq?

Məzahir Abdurahmanov
5 İyul 2022
2010 –cu ildə aldadıldığını deyən Kamal Şabanov Toplum TV-nin qaynar xəttinə müraciət edib. Şikayətçidir ki, 100 sot torpaq satmaq adı ilə ondan 500 min dollarını alanlar hələ layiqli cəzasına çatmayıb. Kamal Şabanov Oqtay Vəliyev və Rauf Namazov adlı şəxsləri günahlandırır, onlar da bir-birini. Rauf Namazov Şabanovun və digər bir neçə şəxsin etibarından sui-istifadə edib pullarını dələduzluqla almaq ittihamı ilə 11 il həbsə məhkum edilib. Oqtay Vəliyev isə məhkəmədə bəraət alıb. Kamal Şabanov iddia edir ki, ona tələni quran tək adam yox, cinayətkar şəbəkə olub. Şəbəkəyə rəhbərliyi də Oqtay Vəliyevin etdiyini düşünür. Amma şikayətçiin sözlərinə görə, Vəliyevin arxasında daha böyük qüvvələr...

Seçilmiş Videolar

Toplum TV loqo