Müsahibə

Anar Natiqoğlu: “Bəziləri deyir ki, səfirliyə zəng çatmır, əlaqə saxlamaq mümkün deyil, yalandır”

Məzahir Abdurahmanov
28 Fevral, 2022
2959

Sosial Media

“Ukraynanı özümüzə ikinci vətən sayırıq, heç yerə getmək fikrimiz yoxdur”

"Bəziləri deyir ki, səfirliyə zəng çatmır, əlaqə saxlamaq mümkün deyil, yalandır. Biz onlarla mütəmadi əlaqədəyik".

"Birlik" Odessa azərbaycanlıları diaspor təşkilatının sədr muavini, Ukraynada yaşayan keçmiş jurnalist Anar Natiqoğlu "Toplum TV"-yə müsahibəsində belə deyir.

"Toplum TV” onunla müsahibəni təqdim edir.

-Hazırda Ukraynada, xüsusilə də Odessada vəziyyət necədir?

-Odessada vəziyyət yaxşıdır, sakitlikdir. Dünən axşam saatlarında siqnal səsi veriləndən sonra bir-iki partlayış səsi eşidildi. Onda da dedilər ki, hava hücümundan müdafiə qurğuları işə düşüb. Partlayış səslərindən sonra heç nə olmayıb. Səhər saatlarından da sakitlik davam edir.

- Orada yaşayan azərbaycanlıların təhlükəsizliyi baxımından hansı addımlar atılır?

-Biz vaxtaşırı insanlarla danışırıq. Hazırda elə də böyük təhlükə yoxdur. Bir çox insanlar, tələbələr, gənclər təxliyyə ilə bağlı müraciət edirlər. Bununla əlaqədar Bakıyla, səfirliyimizlə, Moldova səfirliyi ilə əlaqə saxlayırıq. Sərhədə qədər gedib çata bilən sakinləri səfirliyin işçiləri qarşılayır və Azərbaycana qayıtmaqla bağlı tədbirlər görülür. Amma burdan sərhədə qədər olan 60 kilometrlik məsafəni getmək üçün biz bir çox şirkətə müraciət etdik. Onlar da bundan boyun qaçırdırlar. Yollarda tıxac olduğundan heç kim insanların can güvənliyini üzərinə götürməyə cəhd etmir. Çox risklidir. Ona görə də biz sakinləri yerlərindən tərpənməməyə, hansısa ehtiyacları olduqları halda müraciət etməyə səsləyirik.

Açıq mənbələrdən götürülüb

-Azərbaycanın Ukraynadakı səfirliyi bu ölkədə yaşayan insanların təhlükəsizliyi üçün hansısa işlər görürmü?

-Azərbaycanın Ukraynadakı səfirliyi Kiyevdə raket atəşi altındadır. Onlar hazırda məhdud fəaliyyət göstərirlər. Məsələn, mən onları nədəsə ittiham edə bilmirəm. Onlar zəng edib deyirlər ki, bizim atacağımız hər hansı addımda maddi və mənəvi dəstək göstərəcəklər. Bəziləri deyir ki, səfirliyə zəng çatmır, əlaqə saxlamaq mümkün deyil, yalandır. Biz onlarla müntəzim əlaqə saxlayırıq. Bunu da deyim ki, cəbhə xətlərinə yaxın Xarkov, Kiyev, atəş altında olan yerlərdə ümumiyyətlə təxliyyə mövzusundan söhbət gedə bilməz. Çünki yola çıxmaq daha risklidir. Bu yaxınlarda Xerson vilayətində raket hücumu vaxtı yola çıxan ailə həlak olub. Srağagün də bizdə səyahətdə olan bir ailənin bir neçə üzvü həlak olub. Yəni sığınacaqda qalmaq, yola çıxmaqdan yaxşıdır.

-Azərbaycan daxil olmaqla bir çox ölkədə Ukraynaya dəstək aksiyaları təşkil olunub. Ukraynaya göndərilməsi üçün Azərbaycanda əhali bacardığı qədər ərzaq, geyim, tibbi ləvazimat yığıb. Bu məhsullar Ukraynaya çatdırılırmı? Ukraynada əsas nəyə ehtiyac var?

-İlk öncə bunu bildirim ki, xalqımla qürur duyuram. Dünənki dəstəyə görə, təşəkkür edirik, burada bizim başımızı uca ediblər. Ora çıxan hər kəsi bağrıma basıram. Mənəvi dəstək çox vacibdir. Bu addım həm də Ukrayna cəmiyyətində çox ciddi rezonans doğurdu. Qafqazda Gürcüstandan sonra Azərbaycan da dəstək verdi. Həmçinin SOCAR-ın yanacaq doldurma məntəqələrində xidmət başında olan əsgərləri və təcili yardım maşınlarının ucuz benzinlə təmin olunması Ukrayna cəmiyyətində çox müsbət qarşılandı. Ukraynalılar bizə təşəkkür edir, qardaş xalq olduğumuzu bildirirlər. İkinci məsələ ilə bağlı, yəni toplanan ləvazimatların bura gəlib çıxması haqda heç bir məlumatım yoxdur. Burada hazırda əsas ehtiyac tibbi ləvazimatlara və qalın geyimlərədir. Ərzaq baxımından hələlik problem yoxdur. Çörək hər gün vaxtaşırı paylanır. Müəyyən qidaların çatdırılması dayandırılıb. İnşallah o da qaydasına düşər.

Açıq mənbələrdən götürülüb

-Ukrayna əhalisində motivasiya necədir? Məsələn, Odesada şəhəri tərk etməyə çalışırlarmı?

-Müharibəni hərə bir cür qəbul edir. Şəhəri tərk edən də var, ailəsini-uşağını göndərib özü qalan da var, ailəliklə qalan da. Bizdə də biri 6, biri 9 yaşı olmaqla iki körpə var. Biz ailəlikcə burdayıq. Buranı tərk etmək fikrimiz belə yoxdur. Sona qədər də burdayıq.

-Yəni Ukraynanı tərk etmək istəmirsiniz?

-Ukraynanı tərk etmək heç cür mümkün deyil. Çünki bizim burada evimiz var. Buranı özümüzə ikinci vətən sayırıq və heç bir yerə getmək fikrimiz yoxdur.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Müsahibə

İH şöbə müdiri: Problem müharibə iştirakçılarının işsizliyidir

Roza Məmmədova
17 İyul 2022

Toplum TV

Qazi Elvin Cəfərovun Sabirabad rayon İcra Hakimiyyəti qarşısında özünü yandırmasından sonra Toplum TV icra başçısı Siraqəddin Cabbarova  iki  dəfə müsahibə üçün müraciət edib, ancaq başçı hər dəfə çox məşğul olduğunu bildirərək müsahibə verməyib. Suallara  Sabirabad rayon İcra Hakimiyyəti yanında Vətən müharibəsi iştirakçıları və şəhid ailələri ilə işin təşkili şöbəsinin müdiri Müslüm Rzayev cavab verib. -Elvin Cəfərovdan başqa da Sabirabadda qazi intiharları olub. Sizcə niyə qazilər etiraz üçün son varianatı - intiharı seçirlər? - Özünü asan qazini nəzərdə tutursunuz yəqin. Onun da ailəsi intiharın səbəbi ilə bağlı müraciət edib, bizim rəhbərlik onları qəbul edib, dinləyib. Kim bu barədə soruşursa, öyrənmək istəyirsə,...
Müsahibə

Rasim Balayev AKİ-yə sədr seçildi

31 May 2022

açıq mənbədən götürülüb

Azərbaycan Kinematoqrafçılar İttifaqının (AKİ) İdarə Heyətinin ümumi yığıncağı baş tutub. Report-un xəbərinə görə, Xalq artisti Rasim Balayev ittifaqın sədri seçilib. Toplantını Azərbaycan Yazıçılar Birliyinin sədri, Xalq yazıçısı Anar Rzayev açıb və ittifaqın sədrliyinə Rasim Balayev namizədliyinin irəli sürüldüyünü deyib. Anar Rzayev seçkinin açıq səsvermə ilə keçirilməsini təklif edib və onun təklifi qəbul olunub. Açıq səsvermə ilə Rasim Balayev Azərbaycan Kinematoqrafçılar İttifaqının yeni sədri seçilib. İttifaqın əvvəlki sədri Xalq yazıçısı Rüstəm İbrahimbəyov martın 10-da Rusiyada vəfat edib. O, Birinci Fəxri Xiyabanda dəfn olunub.

Seçilmiş Videolar

Toplum TV loqo