Müsahibə

Aqil Abbas: “İstəsək, sülhməramlıları bu il də çıxara bilərik” - MÜSAHİBƏ

12 Yanvar, 2021
734
Aqil Abbas
FOTO: Sosial Media

Deputat, yazar Aqil Abbas "Toplum TV”-nin suallarını cavablandırıb.

- Bir neçə gün öncə verdiyiniz müsahibədə Rusiya sülhməramlılarının səlahiyyətlərini aşdığını demisiz. Konkret olaraq hansı halları nəzərdə tutursuz?

- Sülhməramlıların səlahiyyətləri noyabrın 10-da imzalanmış üçtərəfli Bəyannamədə yazılıb. Birincisi, Dağlıq Qarabağ ərazisində Ermənistanın və Artsaxın bayrağı olmamalıdır. Ora Ermənistan ərazisidir ki, orada onların, ya da qondarma rejimin bayrağı olsun?! Niyə buna diqqət yetirmirlər? Onu söküb atmalıdırlar. Orda yalnız sülhməramlıların və Azərbyacanın bayrağı olmalıdır. İkincisi, sülhməramlıların müşayətiylə ermənilər Laçın dəhlizindən Əsgərana qədər gəlib-gedirlər. Nə gətirib-aparırlar, bundan bizim məlumatımız yoxdur. Müsahibədə demişəm ki, Ağdamdan Şuşaya 37 km-dir, mən ordan getmək istəyirəm Şuşaya. Yaxud da Ağdərədən rahat yol var, azı 20-30 dəfə ordan getmişəm. Niyə Şuşaya Füzulidən yol çəkilməlidir? 

- Bunu aradan qaldırmaq üçün Azərbaycan hakimiyyəməti nə etməlidir? Parlamentdə bununla bağlı hansısa təklif irəli sürmüsünüzmü?

- Bir neçə gün bundan qabaq möhtərəm prezident çıxışında dedi ki, biz Şuşaya Ağdamdan gedəcəyik. Yəni həmin yol açılacaq. 

- Sizcə, sülhməramlılar niyə Ermənistan bayrağının Qarabağda dalğalanmasına imkan yaradırlar? 

- Bunu sülhməramlılardan soruşun. Mən də elə onu deyirəm ki, belə olmamalıdır. Sülhməramlılar bayrağı çıxarıb atmalıdırlar. Mənim tələbim odur ki, onu çıxarsınlar. 

- 10 noyabr Bəyannaməsinin 4-cü bəndində göstərilir ki, sülhməramlıların gəlişi ilə paralel olaraq erməni qoşunları Dağlıq Qarabağdan çıxarılmalıdır. Niyə Rusiyalı hərbçilər bunun icra edilməsinə şərait yaratmır və ya tələb etmirlər?

- Yavaş-yavaş çıxarırlar. Amma ermənilər yenə ordan-burdan girirlər. Sərhəd müəyyənləşməyib, tam bağlanmayıb. Sülhməramlıların vəzifəsi onları ordan çıxarmaqdır. Bugünkü görüşdən sonra yəqin çıxararlar.

- "Azərbaycanda başqa ölkənin ordusu ola bilməz. Azərbaycan ərazisində bir ordu ola bilər, o da Azərbaycan ordusudur" demisiz. Rusiya sülhməramlıları başqa ölkənin ordusu deyilmi?

- Dünyada sülhməramlılar deyilən bir anlayış var. Məsələn, bizim sülhməramlılar Əfqanıstandadır, İraqdadır. Rusiya sülhməramlıları hərbi baza yarada biləcək ordu deyil, burda müvəqqətidirlər. Müqavilədə 5 il yazılıb, istəsək, müqavilənin şərtlərinə uyğun olaraq onları bu il də çıxara bilərik. Vaxtı gələndə Azərbaycan deyəcək bas bayıra, o da çıxacaq. 

- Ümumiyyətlə, sülhməramlıların Qarabağa gəlməsini Rusiyanın Azərbaycanda hərbi baza yaratması kimi dəyərləndirənlər var. Siz deputat kimi sülhməramlıların ölkəyə gəlişinə necə baxırsınız?

- Boş sözdür. Mən bir yazıçı kimi, millət vəkili kimi ürəyimdəki sözləri demişəm. Sülhməramlılar gəldikləri kimi də gedərlər. Darıxmayın.
 
- Zaman-zaman cəmiyyətdə təkliflər səslənir ki, Türkiyənin Azərbaycanda hərbi bazası yaradılsın. Siz nə fikirləşirsiniz bu barədə? 

- Türkiyə bizim qardaşımızdır. Türkiyənin minaaxtaranlarından tutmuş monitorinq qruplarına qədər hamısını burda yaratmalıyıq. Amma Azərbaycan hakimiyyəti ölkədə hər hansı ölkənin hərbi bazasının yaradılmasına icazə verə bilməz. Biz onsuz da bir millət, iki dövlətik. Kömək lazım olsa, Türkiyə ilə Azərbaycan arasındakı məsafə 45 dəqiqəlik yoldur. Heç özlərinin də Azərbaycanda baza qurmaq fikri yoxdur. 

- Azərbaycan və Ermənistan liderləri dünən Moskvada görüşdülər. Görüşdən əvvəl Ermənistanda xalq tələb edirdi ki, baş nazir Paşinyan danışıqlarda həll olunacaq məsələləri, irəli sürüləcək şərtləri açıqlasın. Amma Azərbaycanda belə tələb yoxdur. Sizcə, Azərbaycan prezidenti görüşün nəticələrini, irəli sürülən şərtləri xalqa açıqlamalıdırmı? 

- Möhtərəm prezident nəyi nə vaxt eləməyi özü yaxşı bilir. Azərbaycan xalqı bütün missiyanı prezidentə verib. Görüşdən sonra bütün şərtləri açıqlayacaq.

- Sizin fikrinizcə, Moskva görüşündə nələrə aydınlıq gətirilməliydi?

- Moskva görüşü haqqında heç bir fikrim yoxdur. Açıqlanandan sonra fikrimi deyərəm. Mən nə bilim? Əlimin içini iyləməmişəm ki…

Şəhla Kərimli

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Müsahibə

İH şöbə müdiri: Problem müharibə iştirakçılarının işsizliyidir

17 İyul 2022

Toplum TV

Qazi Elvin Cəfərovun Sabirabad rayon İcra Hakimiyyəti qarşısında özünü yandırmasından sonra Toplum TV icra başçısı Siraqəddin Cabbarova  iki  dəfə müsahibə üçün müraciət edib, ancaq başçı hər dəfə çox məşğul olduğunu bildirərək müsahibə verməyib. Suallara  Sabirabad rayon İcra Hakimiyyəti yanında Vətən müharibəsi iştirakçıları və şəhid ailələri ilə işin təşkili şöbəsinin müdiri Müslüm Rzayev cavab verib. -Elvin Cəfərovdan başqa da Sabirabadda qazi intiharları olub. Sizcə niyə qazilər etiraz üçün son varianatı - intiharı seçirlər? - Özünü asan qazini nəzərdə tutursunuz yəqin. Onun da ailəsi intiharın səbəbi ilə bağlı müraciət edib, bizim rəhbərlik onları qəbul edib, dinləyib. Kim bu barədə soruşursa, öyrənmək istəyirsə,...
Müsahibə

Rasim Balayev AKİ-yə sədr seçildi

31 May 2022

açıq mənbədən götürülüb

Azərbaycan Kinematoqrafçılar İttifaqının (AKİ) İdarə Heyətinin ümumi yığıncağı baş tutub. Report-un xəbərinə görə, Xalq artisti Rasim Balayev ittifaqın sədri seçilib. Toplantını Azərbaycan Yazıçılar Birliyinin sədri, Xalq yazıçısı Anar Rzayev açıb və ittifaqın sədrliyinə Rasim Balayev namizədliyinin irəli sürüldüyünü deyib. Anar Rzayev seçkinin açıq səsvermə ilə keçirilməsini təklif edib və onun təklifi qəbul olunub. Açıq səsvermə ilə Rasim Balayev Azərbaycan Kinematoqrafçılar İttifaqının yeni sədri seçilib. İttifaqın əvvəlki sədri Xalq yazıçısı Rüstəm İbrahimbəyov martın 10-da Rusiyada vəfat edib. O, Birinci Fəxri Xiyabanda dəfn olunub.

Seçilmiş Videolar

Toplum TV loqo