Qaynar xətt

Keçmiş hərbçi haqsızlıqla üzləşdiyini deyir

Günel Manaflı
27 Oktyabr, 2022
479

Açıq mənbələrdən götürülüb

“Haqsız yerə hərbi xidmətdən uzaqlaşdırılmışam. Hərbi biletimə xidmətə uyğunsuz yazıldığı üçün heç kim məni işə götürmür. İki az yaşlı övladım var və ailəmi dolandırmaqda çətinlik çəkirəm. Tələb edirəm ki, hərbi biletimdəki “uyğunsuz”sözü silinsin”.

Bu barədə Şəki şəhər Kiş kənd sakini Əzəmət Şəfayətov Toplum TV-nin qaynar xəttinə yazıb. Şikayətçi iddia edir ki, o, işindən azad edilməsi barədə ərizə yazmadığı halda bunu etdiyini deyib işindən uzaqlaşdırıblar.

“2015-2016-cı illərdə Yevlaxda yerləşən N saylı dövlət sərhəd xidmətində çevikdə çevikdə (Çevik Hərəkat Dəstəsi – red.) xidmət etmişəm. 2016-cı ildə Aprel döyüşlərindən gəldikdən sonra bizi hərbi hospitala gondərdilər. Səhhətim çevikə yaramadığı üçün 2016-cı ildə xidməti yerdəyişmə edərək məni Cəlilabadın komedaturasına gondərdilər. Orada mənə baş texnik vəzifəsi verildi”.

https://toplum.tv/qaynar-xett/umidini-pensiyaya-baglayan-aile-cavab-ala-bilmir

Ə. Şəfayətov qeyd edir ki, o baş texnikliyi bilmədiyi üçün dəfələrlə hərbi hissə komandirinə və komendantlığa bu barədə məruzə edərək yerdəyişmə edilməsini istəyib. Ancaq onun müraciətlərinə baxan olmayıb. Bir müddət sonra isə komendant Ələkbər Nağıyevlə arasında mübahisələr başlayıb:

“Komendat Ələkbər Nağıyev xidməti zamanı mənimlə dəfələrlə kobud, təhqiredici formada danışıb. Bu cür danışıqlarından birinin gizli səsini yazdım. O yalnız mənimlə yox, gizir Sərxan Eminovla da eyni formada- təhqir və söyüşlə danışırdı. Gizir Sərxan Eminov bununla bağlı hərbi prokurorluğa şikayət etdi. Prokurorluqdan gəlib şikayətlə maraqlansalar da, bir nəticəsi olmadı. Hətta əlimdəki səs yazısı belə bir işə yaramadı, məni günahkar çıxartdılar ki, niyə gizli səs yazmışam. Bununla bağlı komandirə məruzə edildi və mən töhmət aldım”.

Şikayətçi deyir ki, bir müddətdən sonra o və gizir hərbidən təxris edilib.

“Məni baş idarəyə çağırıb nə istədiyimi soruşanda bir daha yerdəyişmə istədiyimi bildirdim. Ancaq yerdəyişmə yerinə məni təxris etdilər. Hərbi biletimə xidmətə uyğunsuz yazıldığını da sonradan öyrəndim. Üzləşdiyim haqsızlıqla bağlı hərbi prokurorluğa şikayət etdim”.

Şikayətçiyə sərhəd qoşunlarında polkovnik (ad soyadını xatırlamadığını deyir) bildirib ki, kimə istəyirsən şikayət et, sən öz ərizənlə xidmətdən çıxmısan. Mən hərbidən azad edilməyimlə bağlı heç bir ərizə yazmamışam. Mənim yazdığım ərizələr yalnız yerdəyişmə edilməsi ilə bağlı olub.

Hərbiyə gedəndə yeni ailə qurmuşdum. Hələ körpəm dünyaya gəlməmişdi. Aprel döyüşlərinə tərəddüdsüz qatıldım. Ancaq mənə sonda verilən qiymət bu oldu”

Şikayətçi deyir ki, hərbi biletini DSX-nın baş qərargahından alıb. Ona hərbi biletinin verilmədiyini, bununla bağlı prezidentə şikayət məktubu yazdıqdan sonra biletini ala bildiyini iddia edir. Hərbi biletinə “xidmətə uyğunsuz” yazıldığını işə girmək istəyərkən fərq etdiyini deyir. Ə. Şəfəyətov hərbi biletinə görə mağazalar şəbəkəsində belə iş tapa bilmədiyini deyir. Şikayətçi üzləşdiyi haqsızlıqla bağlı prezidentə, ombudsmana, hərbi prokurorluğa müraciət etsə də, müsbətə doğru bir dəyişiklik olmayıb.

https://toplum.tv/multimedia/etirazci-usaqlarimin-tehsil-huququ-berpa-edilsin

İttihamda adı hallanan Dövlət Sərhəd Xidməti (DSX) sorğumuza cavab olaraq bildirib ki, Ə. Şəfayətov buraxdığı nöqsanlara görə ehtiyata buraxılıb:

“Sabiq hərbi qulluqçu Şəfayətov Əzəmət Vaqif oğlu xidmətdə buraxdığı nöqsanlara görə “Hərbi vəzifə və hərbi xidmət haqqında” Azərbaycan Respublikasının Qanununun 41.0.6-cı maddəsinə (xidməti uyğunsuzluğa görə) müvafiq olaraq Silahlı Qüvvələrin ehtiyatına buraxılmışdır”.

Şikayətçi müraciət etdiyi digər aidiyyatı qurumlardan da oxşar cavab aldığını və bu cavabların onu qane etmədiyini bildirir. O haqqındakı qərarın ədalətsiz olduğunu iddia edir.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Qaynar xətt

"Xəstəxanada ölən xəstənin şkafında dərman axtarıram…”

Nuray Kamal
30 Noyabr 2022
Ziyafət Abbasova 2-ci qrup əlildir. O, 29 noyabrda Milli Məclisin önündə etiraz edib. Şikayətçi aldığı təqaüdün dərmanlarına çatmamasından gileylənir. Deyir, müvafiq qurumlara iş üçün dəfələrlə müraciət edib. Abbasova qalmağa evinin olmadığını deyir. Qeyd edir ki, qalmağa yeri olmadığından heç yerdə qeydiyyatda deyil. Buna görə də, şəxsiyyət vəsiqəsi deaktiv olub. O deyir, Dövlət Sosial Müdafiə Nazirliyinin qəbul şöbəsində ona Müşfiq qəsəbəsində iş təklif olunub. Ziyafət Abbasova etiraz etdikdən sonra polislərin müşahidəsi ilə Milli Məclisin qəbul şöbəsinə aparılıb və 30 noyabr tarixinə qəbula yazılıb.
Qaynar xətt

Qazi əkinçilik üçün ona torpaq sahəsinin verilməməsindən şikayətçidir

Günel Manaflı
29 Noyabr 2022

Xəyal Abbasovun arxivi

7 il Xüsusi Təyinatlı Qüvvələrdə xidmət edən, ikinci Qarabağ müharibəsi iştirakçısı, 3-cü qrup əlil Xəyal Abbasov Goranboy rayonunun Nadirkənd kəndində yaşayır. Qazi müharibədən qayıtdıqdan sonra bir sıra problemlər, məmur süründürməçiliyi ilə qarşılaşdığını deyir. İki illik mübarizədən sonra son çarəni Toplum TV-nin qaynar xəttinə müraciət etməkdə görən qazinin əsas problemi torpaqla bağlıdır. X. Abbasov müharibədən qayıtdıqdan sonra əkin-biçinlə məşğul olmaq istəyib və torpaq ala bilmək üçün Goranboy rayon İcra Hakimiyyətinə müraciət edib. İcra Hakimiyyəti də bu işə onların yox, bələdiyyənin baxdığını deyib, ora getməsini tövsiyə edib. Şikayətçi özü kənddə yaşasa da, istədiyi torpaq Goranboy rayonundan olduğu üçün o, Goranboy rayon bələdiyyəsinin...

Seçilmiş Videolar

Toplum TV loqo