Qaynar xətt

Müəllim direktoru rüşvətxorluqda ittiham edir, direktor razılaşmır

Günel Manaflı
7 Sentyabr, 2022
468

Açıq mənbələrdən götürülüb

Ağcabədi rayonu Hindarx qəsəbə sakini Zöhrab Hüseynov iddia edir ki, qəsəbənin Uşaq Musiqi Məktəbinin direktoru İlkin Ağalarov müəllimlərin dərs saatlarını artıq yazaraq pul mənimsəyir.

Z. Hüseynov Toplum TV-yə açıqlamasında haqsızlıqla üzləşdiyini bildirib:

“10 ildir musiqi məktəbində tar müəllimi işləyirəm və 10 ildir ki, 24 saat dərslə təmin olunmuşam. İndi məktəbin direktoru İlkin Ağalarov deyir ki, sənin dərs saatın 7 və ya 8 saat olacaq. Səbəbini soruşduqda isə Regional Mədəniyyət İdarəsinin rəisi Qalib Həsənovun müəllimlərin dərs saatlarının azaldılması ilə bağlı göstəriş verdiyini deyir. Qalib Həsənov keçmiş icra başçısı Şamil Həsənovun oğludur.

Mənim kredit borcum var. 7-8 dərs saatı ilə kreditlərimi necə ödəyim, normal yaşayışımı necə təmin edim?”

https://toplum.tv/multimedia/ovladlarinizi-qaygi-merkezlerine-yerlesdirerken-nelere-diqqet-edirsiniz

Şikayətçi deyir ki, musiqi məktəbinin direktoru İlkin Ağalarov müəyyən müəllimlərə əlavə dərs saatları yazıb, pullarını isə özü mənimsəyərək korrupsiyaya yol verir.

“Qalib Həsənovun  qəbuluna gedib bildirdim ki, direktor müəyyən müəllimlərə 32, 36 saat dərs yazıb, pulunu isə özü götürür. Bildirdim ki, nəyə görə direktor həmin dərs saatlarını azaltmaq əvəzinə bizimkini azaldır. Qalib Həsənov şikayətimi dinləsə də, qulaq ardına vurdu. Mən də sübut üçün artıq dərs saatı yazılan müəllimlərdən birinin səsini yazdım. Əlimdə sübutum var. Həmin müəllimin maaş kartını direktor özündə saxlayıb. Müəllim ona 36 saat dərs yazıldığından xəbərsiz olub. Direktor artıq yazdığı dərs saatlarının pulunu da özü mənimsəyib. Hətta direktor öz anasına belə yüksək dərs saatı yazıb”.

İttihamda adı hallanan Uşaq Musiqi Məktəbinin direktoru İlkin Ağalarov “Toplum TV”-yə ittihamları rədd edərək deyilənlərin yalan olduğunu bildirdi: “Yüksək dərs saatları olan bir neçə müəllimimiz olub. Nazirliyin qərarı ilə musiqi məktəbinə gəlməyən şagirdlər məktəbdən xaric edilməli idi. Biz də dərsə gəlməyən şagirdləri məktəbdən kənarlaşdırdığımız üçün təkcə Zöhrab müəllimin yox, içi mən qarışıq bütün müəllimlərin dərs saatını azaltdıq. Hər bir müəllimin maaş kartı özündədir. Zöhrab müəllim dediklərini sübut etsin. Əgər əlində sübutu varsa, məhkəməyə müraciət etsin”.

“Toplum TV” mövzunu diqqətdə saxlayacaq.

Qaynar xətt

Şikayətçi: Olmayan maşınıma görə sosial yardım təyin edilmirdi

Günel Manaflı
4 Oktyabr 2022

Açıq mənbələrdən götürülüb

“Yanvar ayından bugünə kimi ünvanlı sosial yardım almaq üçün müraciət edirik. Hər dəfə də imtina cavabı alırıq. Səbəb isə olmayan maşınımdır”. Bunu Toplum TV-nin qaynar xəttinə Goranboy rayonu Ağamalıoğlu kənd sakini Hüseyn Hüseynov yazıb. Şikayətçinin sözlərinə görə, ünvanlı sosial yardım almaq üçün həyat yoldaşı Elnurə Hüseynovanın adından müraciət ediblər. Ancaq maşını olmadığı halda adına maşın olduğu göstərilərək imtina cavabı gəlib. “Ünvanlı sosial yardımdan nümayəndələr gəlib evimizə, yaşayış şəraitimizə baxış keçirdi. Bir müddətdən sonra isə imtina cavabı gəldi. Səbəb isə adıma maşının olması göstərildi. Maşınımın olmadığını bildirdikdə isə “get qeydiyyatında maşın olmaması ilə bağlı sənəd al, yenidən müraciət et” dedilər. Sənədləri...
Qaynar xətt

Şikayətçi: Evim yandı, dəymiş ziyan isə ödənilmir

Günel Manaflı
26 Sentyabr 2022

Açıq mənbələrdən götürülüb

Laçın rayonundan məcburi köçkün düşmüş Murad Kərimov evinin yandığını və ona dəymiş ziyanın illərdir ödənilmədiyini bildirir. Şikayətçi Toplum TV-nin qaynar xəttinə 2020-ci ildən bəri qurumların bu işi bir-birinin üzərinə atdığını yazır. “1993-cü ildə Laçın rayonundan məcburi köçkün düşmüşəm. O zaman Ağcabədi rayonunun Taxta körpü qəsəbəsində xarici şirkət bizim üçün bir otaqlı ev tikdi. Sonradan özüm o evi artıraraq əlavə otaq tikdim. 2020-ci ilə qədər həmin evdə yaşamışam. 2020-ci ilin sentyabrın 10-da prezidentin sərəncamı ilə məcburi köçkünlərə verilən evlərdən birinin açarı bizə təqdim edildi. Sentybarın 19-da isə qaldığım ev yandı. Evin yanma səbəbi elektrik qısaqapanmasıdır. FHN gəlib akt bağlayıb və mənim...

Seçilmiş Videolar

Toplum TV loqo