Qaynar xətt

Ağcabədi sakini: “Nə sosial yardım ala, nə də iş yeri tapa bilirəm"

Günel Manaflı
7 Fevral, 2023
169

Açıq mənbələrdən götürülüb

Sosial yardım

Ağcabədi rayon sakini Qasımov Faiq Toplum TV-nin qaynar xəttinə yazaraq iki ildir ki, sosial yardım almaq üçün mübarizə apardığını ancaq buna nail ola bilmədiyini deyir. 

3 uşaq atası olduğunu deyən şikayətçi sosial durumunun ağır olduğunu, işləmədiyini deyir:

“2020 və 2021-ci illərdə həyat yoldaşım Qasımova Aygünün adından sosial yardımla bağlı iki dəfə müraciət etmişik və imtina cavabı almışıq. İmtinaya səbəb isə mənim işsiz olmağım göstərilir. Əgər mənim işim olsaydı, niyə sosial yardım almaq üçün savaşım? Heç yerdə işləmirəm, daha doğrusu iş tapa bilmirəm. 

Fəhləyəm, haradasa 2-3 günlük iş olanda gedib işləyirəm. 5-6 manat pul qazanıram. Daimi işim, gəlirim yoxdur. Əlimdən ustalıq işi gəlir. Ağcabədi rayon məşğulluq mərkəzinə iş üçün 2019-cu ildən müraciət etmişəm. Ancaq ortada heç nə yoxdur. Hətta dedim, əgər iş yoxdursa, mənə ustalıq üçün lazım olan alətləri verin, özüm gedim hardasa usta kimi işləyim. Onu da vermədilər”.  

https://toplum.tv/qaynar-xett/pgoumlyccedilay-sakini-mesgulluq-merkezinin-mesguliyyeti-vetendaslari-get-gele-salmaqdirnbspp

6 yaşında və 2 yaşında əkiz olmaqla 3 övladının olduğunu deyən şikayətçi çox çətin vəziyyətdə qaldığını və aidiyyəti qurumlardan ona köməklik göstərilməsini istəyir. 

Toplum TV Dövlət Sosial Müdafiə Fondunun ictimaiyyətlə əlaqələr departamentinin müdiri Rəşad Mehdili ilə danışdıqdan sonra qurum vətəndaşla əlaqə saxlayıb və sorğumuzu cavablandırıb. 

“Ağcabədi rayon sakini Qasımova Aygün Vidadi qızı son iki ildə ünvanlı dövlət sosial yardımı ilə bağlı müraciət etməyib. Aygün Qasımovanın həyat yoldaşı Qasımov Faiqlə telefon əlaqəsi yaradılaraq ailənin sosial yardım almaq hüququnun müəyyənləşdirilməsi üçün ona suallar verilib. O bildirib ki, hazırda ailə 7 nəfərdən (özü, həyat yoldaşı, 3 uşaq, iki valideyn) ibarətdir, valideynləri və özü torpaq pay mülkiyyətçiləridir. Qeyd edək ki, Aygün Qasımova səkkiz yaşınadək uşağa qulluq etdiyinə görə ondan iş tələb edilmir. Ailənin digər əmək qabiliyyətli üzvləri işsiz olsalar da, onların adlarına torpaq sahəsinin olduğunu təsdiq edən sənəd və torpaq üçün sığortaolunanın uçot nömrəsi varsa, sosial yardım üçün elektron qaydada müraciət edilə bilər. Bu barədə ona məlumat verilib”. 

F. Qasımov Toplum TV-ə torpağın uçot nömrəsinin olduğunu və yenidən müraciət edəcəklərini dedi. 

Vətəndaşın işlə bağlı probleminə gəlincə isə Ağcabədi rayon məşğulluq mərkəzinin baş mütəxəssisi Zeynal Məmmədov Toplum TV-ə bildirdi ki, vətəndaşa uyğun vakansiya təqdim edilməməsinin səbəbi onun sistemdə məşğul şəxs kimi görünməsidir: 

“Vətəndaşın avadanlıqla bağlı müraciəti sistemdə görünmür. Ola bilər ki, şifahi müraciət edib. Vətəndaş 2019-cu ildən bu yana müxtəlif yerlərdə gözətçi, bayraqçı və fəhlə kimi işləyib. Ən son olaraq 2022-ci ildə məşğul şəxs kimi görünür. Vətəndaşa bugünə kimi uyğun vakansiyaların təklif olunamamasının səbəbi onun məşğul şəxs olmasıdır. Vətəndaşlar indi yeni kansepsiya ilə qəbul olunur. Qasımov Faiq bizə yaxınlaşıb yeni kansepsiya ilə qeydiyyatdan keçsin, ona uyğun vakansiyalar olarsa, növbəlilik əsasında məlumat veriləcək. Bizdə hazırda kənd ərazisində, işğaldan azad olunmuş ərazilərdə fəhləlik iş yerləri var. Vətəndaş mərkəzimizə yaxınlaşsın”. 
 


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Qaynar xətt

Vətəndaş məmurlardan narazıdır: “Nə pulumu qaytarırlar, nə maşınımı”

Fatimə Mövlamlı
17 Mart 2023
İlqar Məmmədov 2016-cı ildə tanıdığı bir şəxsdən avtomobil alıb. Həmin maşını öz adına rəsmiləşdirmək istədiyində məlum olub ki, maşını ona satan şəxsin iki banka borcu olduğundan avtomobilin üzərinə həbs qoyulub.  İ.Məmmədov deyir, maşını aldığı şəxs nə onun pulunu qaytarır, nə də ki, maşının üzərindəki həbsin götürülməsinə çalışır. Bundan sonra Xətai Rayon Polis İdarəsinə gedən şikayətçi polisin iş materiallarında cinayət tərkibi aşkarlamadığından mülki formada məhkəməyə müraciət edib.  Şikayətçinin sözlərinə görə icraçılar məhkəmə qərarını icra etməkdən yayınır. Vəkil Nemət Kərimli bu kimi hallarda vətəndaşın icra məmurlarını Ədliyyə Nazirliyinin daha yuxarı instansiyalarına şikayət etmək hüququ yarandığını deyir. Məsələ ilə Ədliyyə Nazirliyindən münasibət öyrənmək...
Qaynar xətt

"Sahil Babayev, götür bu 80 manatı, qoy cibinə" - Şikayətçi

Fatimə Mövlamlı
16 Mart 2023
Elnur Rüstəmov İkinci Qarabağ Müharibəsi qazisidir. O deyir, döyüşlərdə kəllə-beyin travması aldıqdan sonra müalicə olunmadan döyüşməyə davam edib,  amma bunun əvəzində əlillik müraciətinə imtina cavabı alıb. Əmək və Əhalinin Sosial Müdafiə Nazirliyinin Vətəndaşların Qəbulu şöbəsinin əməkdaşı Malik Şərbətov şikayətçinin ciddi cəhdlə qəbula aparmağa çalışır. Elnur Rüstəmov isə əvvəllər də sözügedən qurumda qəbulda olsa da, müsbət nəticə görmədiyi üçün onlara etimadı qalmadığını  deyir. ƏƏSMN-nin sözçüsü Tural Qurbanov bildirir ki, E.Rüstəmovun sağlamlıq vəziyyəti əlillik təyinatı almaq üçün uyğun deyil: E.Rüstəmov əlillik dərəcəsi alanadək müraciətlərinə davam edəcəyini deyir.

Seçilmiş Videolar

Toplum TV loqo