Qaynar xətt

Şəhid atası ona verilən torpağın və tikilən evin sənədini ala bilmədiyini deyir

Günel Manaflı
5 Avqust, 2022
974

Açıq mənbələrdən götürülüb

Astara rayon Rudəkənar kənd sakini, şəhid atası Məmməd Abdullayev deyir ki, Astara Rayon İcra Hakimiyyəti tərəfindən ona 6 sot torpaq sahəsi verilib. Qonşu kənd olan Suparibağ kəndində isə öz şəxsi hesabına aldığı torpaqda İH onun üçün ev tikib. Ancaq vətəndaş nə torpağın, nə də ki, evin sənədini ala bilmir.  

Şikayətçi iddia edir ki, məsələ ilə bağlı 23 ildir, İcra Hakimiyyətinə müraciət etsə də, ona sənədin verilməməsi ilə bağlı tutarlı bir səbəb göstərilmir.

“Oğlum Abdullayev Çingiz 1994-cü ildə Ağdamda döyüşlərdə itkin düşüb. Sonrdan şəhid statusu alıb. Şəhid atası sayıldığım üçün 1997-ci ildə Rudəkənar kəndində ev tikilməsi üçün mənə 6 sot torpaq sahəsi verdilər. Ancaq mənə ev tikmədilər. Mən də həmin yerdə obyekt - çayxana tikdim. Prezidentin qərarı ilə şəhid ailələrinə 6 sot torpaq verirsən, bunun sənədini də ver. Müraciət edirəm, gah deyirlər ki, o torpaq sizə icarəyə verilib, gah da deyirlər, pay torpağıdır. 70 yaşım var, məni ora-bura göndərib, süründürməçiliklə məşğuldurlar”.

https://toplum.tv/multimedia/vetendas-dovlet-yoxdursa-qocu-destesi-ile-problemimi-hell-edim

Şikayətçi deyir ki, qonşu Suparibağ kəndində ev tikmək üçün ona öz şəxsi hesabına torpaq aldırıblar: “İcra Hakimiyyəti həmin torpaqda bizim üçün 3 otaqlı mənzil tikib. Ancaq bu evin də sənədini vermədilər. 1997-ci ildən bəri mən nə torpağın, nə də evin sənədini ala bilirəm”.

Astara Rayon İcra Hakimiyyəti başçısının müavini İlqar Malıyev Toplum TV-ə açıqlamasında məsələdən xəbərdar olduğunu dedi: “Bu, bələdiyyənin kənd təsərrüfatı məqsədləri üçün verilmiş torpaq sahəsidir. Əkin məqsədli torpaq sahəsi olduğu üçün də onu həyətyanı sahə kimi sənədləşdirmək mümkün deyil. Məsələnin mahiyyəti bundan ibarətdir”.

https://toplum.tv/multimedia/alti-aya-sigmayan-surundurmeciliyin-bedelini-elil-odeyir

İH tikdiyi evin sənədləşməsi məsələsinə gəlincə isə İlqar Malıyev bildirdi ki, vətəndaş lazımı prosedurlardan keçmədiyi üçün evin sənədini ala bilməyib.

“Bu evi tikinti şirkəti Sosial Müdafiə Nazirliyinin sifarişi əsasında tikib. Tikintini həyata keçirən qurum evin layihəsini İcra Hakimiyyətinə təqdim etməli idi, qayda budur. Əgər həmin tikinti şirkəti bunu etməyibsə, vətəndaş əlində onun üçün tikilən evin layihəsi varsa, o layihəni İcra Hakimiyyətinin memarlıq şöbəsinə gətirsin. Ondan sonra torpağın mülkiyyət hüququnu təsdiq edən sənədlə evin razılaşdırılmış layihəsini reyestrə təqdim edəcək. Bundan sonra müvafiq rüsumlar köçürüləndən sonra o sənəd veriləcək. Bu çətin bir prosedur deyil”, - deyə rəsmi bildirib.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Qaynar xətt

Vətəndaş məmurlardan narazıdır: “Nə pulumu qaytarırlar, nə maşınımı”

Fatimə Mövlamlı
17 Mart 2023
İlqar Məmmədov 2016-cı ildə tanıdığı bir şəxsdən avtomobil alıb. Həmin maşını öz adına rəsmiləşdirmək istədiyində məlum olub ki, maşını ona satan şəxsin iki banka borcu olduğundan avtomobilin üzərinə həbs qoyulub.  İ.Məmmədov deyir, maşını aldığı şəxs nə onun pulunu qaytarır, nə də ki, maşının üzərindəki həbsin götürülməsinə çalışır. Bundan sonra Xətai Rayon Polis İdarəsinə gedən şikayətçi polisin iş materiallarında cinayət tərkibi aşkarlamadığından mülki formada məhkəməyə müraciət edib.  Şikayətçinin sözlərinə görə icraçılar məhkəmə qərarını icra etməkdən yayınır. Vəkil Nemət Kərimli bu kimi hallarda vətəndaşın icra məmurlarını Ədliyyə Nazirliyinin daha yuxarı instansiyalarına şikayət etmək hüququ yarandığını deyir. Məsələ ilə Ədliyyə Nazirliyindən münasibət öyrənmək...
Qaynar xətt

"Sahil Babayev, götür bu 80 manatı, qoy cibinə" - Şikayətçi

Fatimə Mövlamlı
16 Mart 2023
Elnur Rüstəmov İkinci Qarabağ Müharibəsi qazisidir. O deyir, döyüşlərdə kəllə-beyin travması aldıqdan sonra müalicə olunmadan döyüşməyə davam edib,  amma bunun əvəzində əlillik müraciətinə imtina cavabı alıb. Əmək və Əhalinin Sosial Müdafiə Nazirliyinin Vətəndaşların Qəbulu şöbəsinin əməkdaşı Malik Şərbətov şikayətçinin ciddi cəhdlə qəbula aparmağa çalışır. Elnur Rüstəmov isə əvvəllər də sözügedən qurumda qəbulda olsa da, müsbət nəticə görmədiyi üçün onlara etimadı qalmadığını  deyir. ƏƏSMN-nin sözçüsü Tural Qurbanov bildirir ki, E.Rüstəmovun sağlamlıq vəziyyəti əlillik təyinatı almaq üçün uyğun deyil: E.Rüstəmov əlillik dərəcəsi alanadək müraciətlərinə davam edəcəyini deyir.

Seçilmiş Videolar

Toplum TV loqo