Qaynar xətt

Şikayətçi: Evim yandı, dəymiş ziyan isə ödənilmir

Günel Manaflı
26 Sentyabr, 2022
736

Açıq mənbələrdən götürülüb

Laçın rayonundan məcburi köçkün düşmüş Murad Kərimov evinin yandığını və ona dəymiş ziyanın illərdir ödənilmədiyini bildirir. Şikayətçi Toplum TV-nin qaynar xəttinə 2020-ci ildən bəri qurumların bu işi bir-birinin üzərinə atdığını yazır.

“1993-cü ildə Laçın rayonundan məcburi köçkün düşmüşəm. O zaman Ağcabədi rayonunun Taxta körpü qəsəbəsində xarici şirkət bizim üçün bir otaqlı ev tikdi. Sonradan özüm o evi artıraraq əlavə otaq tikdim. 2020-ci ilə qədər həmin evdə yaşamışam. 2020-ci ilin sentyabrın 10-da prezidentin sərəncamı ilə məcburi köçkünlərə verilən evlərdən birinin açarı bizə təqdim edildi. Sentybarın 19-da isə qaldığım ev yandı. Evin yanma səbəbi elektrik qısaqapanmasıdır. FHN gəlib akt bağlayıb və mənim 20 min manatlıq evimə dəymiş ziyanı 4300 manat məbləğində qiymətləndirdi. Həmin pulu isə indiyə qədər heç bir qurum ödəmir”.

https://toplum.tv/qaynar-xett/sehid-ailesi-bize-hec-bir-imtiyaz-verilmedi

Şikayətçi bununla bağlı Laçın rayon İcra Hakimiyyətinə, Azəişığa, FHN, İlham Əliyevə, Mehriban Əliyevaya məktub göndərsə də, dəyişən bir şey olmayıb və qurumlar öhdəliyi bir-birinin üzərinə atıb:

“Mənə FHN-dən cavab gəldi ki, ev işıqdan yanıb, ziyanı “Azərişıq” ödəməlidir. “Azərişıq” isə deyir ki, get icra hakimiyyətinə. Laçın rayon İcra Hakimiyyətinin birinci müavini Tofiq Mirzəyev də dedi ki, get kağızlarına FHN-də möhür vurdur, gətir. Möhürü vurdurub gətirəndən sonra isə deyir ki, icra hakimiyyətinin sənə kömək etməyə imkanı yoxdur.  Bütün qurumlar mənə dəymiş ziyanı ödəmək məsələsini bir-birlərinin üzərinə atırlar. Ancaq ortada bir şey yoxdur”.

Şikayətçi icra hakimiyyətinin ona dəymiş ziyanı ödəməməsini həm də ev verilməsi ilə əlaqələndirir: “İcra Hakimiyyəti deyir ki, əvəzində sənə ev vermişik. O evi mənə prezident verib. Həmçinin həmin ev evim yanmadan 10 gün əvvəl verilib”.

Şikayətçi ədalət olmayan ölkədə ədalət axtarışında olduğunu deyir. O deyir ki, tələbi yeni bir ev yox, dəymiş ziyanın ödənilməsidir..

https://toplum.tv/qaynar-xett/zabratlilarin-temirle-duzelmeyen-su-problemi

İttihamda adı hallanan Laçın rayon İcra Hakimiyyəti Toplum TV-nin sorğusuna cavab olaraq vətəndaşa dəymiş ziyanın ödənilməsinim imkan xaricində olduğunu qeyd edib: “Murad Kərimovun müraciətinə baxılıb. Murad Kərimovun tələbi onun ailəsinin müvəqqəti məskunlaşdığı, 1996-cı ildə beynəlxalq humanitar təşkilat tərəfindən inşa olunmuş fərdi yaşayış evində 19.09.2020-ci il tarixdə baş vermiş yanğın nəticəsində yanmış məişət əşyalarına görə dəymiş ziyanın ödənilməsindən ibarətdir. Məlumat üçün bildirirəm ki, yanğın nəticəsində yanmış məişət əşyalarına görə dəymiş ziyanın ödənilməsinin imkan xaricində olması ilə bağlı ona fərdi qəbul zamanı müvafiq izahat və düzgün istiqamət verilib. Bununla yanaşı Murad Kərimovun ailəsi dövlət tərəfindən  müvafiq Dövlət Proqramına əsasən Taxta Körpü ərazisindəki Vağazin obası ərazisində salınmış 256 ailəlik məcburi köçkün qəsəbəsində hər cür kommunal şəraiti olan üç otaqlı fərdi yaşayış evi ilə təmin edilmiş və hazırda həmin evdə yaşayır”.

Murad Kərimov isə deyir ki, necə olur ki, İcra Hakimiyyəti 2 ildir ki, ona dəymiş ziyanı imkanlaşdırıb ödəyə bilmir.

Toplum TV məsələni diqqətdə saxlayacaq.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Qaynar xətt

Toplum TV-nin qaynar xəttinə mürciət edən vətəndaşa sosial yardım təyin edildi

Günel Manaflı
31 Mart 2023

Açıq mənbələrdən götürülüb

Şabran rayon sakini Emin Qasımov Toplum TV-yə müraciət edərək 4 övladı olduğunu, yaşayışının olduqca çətin olduğunu bildirmişdi. O, sosial yardım ala bilmək üçün dəfələrlə Dövlət Sosial Müdafiə Fonduna müraciət etsə də, cavab ala bilmirdi. Son çarəni Toplum TV-yə müraciət etməkdə görən E. Qasımovun şikayəti dərc edildikdən sonra problemi həllini tapıb. Şikayətçinin dediyinə görə onun şikayəti saytımızda dərc ediləndən sonra Sosial Müdafiə Fondundan gəlib evinə baxış keçiriblər. Martın 30-da isə telefonuna sosial yardım təyin edilməsi ilə bağlı mesaj gəlib. Vətəndaşa 1 il müddətinə 770 manat sosial yardım təyin edilib.
Qaynar xətt

Vətəndaş məmurlardan narazıdır: “Nə pulumu qaytarırlar, nə maşınımı”

Fatimə Mövlamlı
17 Mart 2023
İlqar Məmmədov 2016-cı ildə tanıdığı bir şəxsdən avtomobil alıb. Həmin maşını öz adına rəsmiləşdirmək istədiyində məlum olub ki, maşını ona satan şəxsin iki banka borcu olduğundan avtomobilin üzərinə həbs qoyulub.  İ.Məmmədov deyir, maşını aldığı şəxs nə onun pulunu qaytarır, nə də ki, maşının üzərindəki həbsin götürülməsinə çalışır. Bundan sonra Xətai Rayon Polis İdarəsinə gedən şikayətçi polisin iş materiallarında cinayət tərkibi aşkarlamadığından mülki formada məhkəməyə müraciət edib.  Şikayətçinin sözlərinə görə icraçılar məhkəmə qərarını icra etməkdən yayınır. Vəkil Nemət Kərimli bu kimi hallarda vətəndaşın icra məmurlarını Ədliyyə Nazirliyinin daha yuxarı instansiyalarına şikayət etmək hüququ yarandığını deyir. Məsələ ilə Ədliyyə Nazirliyindən münasibət öyrənmək...

Seçilmiş Videolar

Toplum TV loqo