İctimai-siyasi xəbərlər
Toplum TV-nin qaynar xəttinə müraciət edən şikayətçiyə əlillik təyin edildi
Toplum TV-nin araşdırdığı daha bir şikayət öz həllini tapıb. Avqustun 2-də Toplum TV saytında “Vərəm xəstəsi pensiyasının kəsilməsindən şikayətçidir” başlıqlı yazı dərc etmişdik. Şəmkir rayonu Mehrili kənd sakini Əsgərov Eldəniz qaynar xəttimizə yazaraq ağır vərəm xəstəsi olduğunu, vəziyyətinin gün keçdikcə pisləşdiyini, həmin dövrdə 3 aydır ki, pensiyasının kəsildiyini bildirmişdi. Şikayətçi öz sağlamlığını 2002-ci ildə hərbi xidmətdə olarkən itirdiyini deyirdi.
Vətəndaşın şikayətini dərc etdikdən sonra Dövlət Tibbi-Sosial Ekspertiza və Reabilitasiya Agentliyinin şöbə müdiri Tural Qurbanov Toplum TV-ə açıqlamasında vətəndaşın əyani müayinəyə dəvət ediləcəyini bildirmişdi.
https://toplum.tv/qaynar-xett/toplum-tv-nin-qaynar-xettine-muraciet-eden-usaga-pensiya-teyin-edildi
Şikayətçinin sözlərinə görə o təkrar əyani müayinədən keçsə də, 2 müayinə sənədinin əksikliyi onun işini yenə də yubadıb. Həmin sənədlərini təqdim etməmə səbəbi isə vətəndaşın vəziyətinin ağırlaşması və Ağciyər institutunda yatması olub. Sənədlərini çatdıracaq bir kimsəsinin də olmadığını bildirmişdi. Bununla bağlı da dəfələrlə aidiyyəti qurumla əlaqə saxlayıb sənədləri götürmənin bir yolunu tapmalarını xahiş etdik.
_1667557678.jpeg)
Nəhayət, vətəndaş sentyabrın 29-da özü sənədləri verdi. Amma yenə cavab yubanırdı. Aidiyyatı qurumla əlaqə saxlayıb gecikmə səbəbini öyrənmək istəsək də, tutarlı cavab ala bilmirdik. Sonuncu sorgumuza isə qiymətləndirməni tezləşdirəcəklərini bildirdilər.
Nəhayət, noyabrın 11-i vətəndaşa ömürlük 2-ci qrup üzrə əlillik təyin edildi və o, bundan sonra 180 manat müavinət ala biləcək.
Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.
Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.
Ən doğru xəbərləri izləmək üçün Toplum TV-yə abunə olun.
Youtube: https://www.youtube.com/channel/UCztIohlYx63yMJzcRTF18IA
WebSite: https://toplum.tv
Facebook: https://www.facebook.com/toplumtv
İnstagram: https://www.instagram.com/toplumtv/
Telegram: https://t.me/Tvtoplum
Şikayətlərinizi Whatsapp-da Qaynar Xəttimizə göndərin: +99450 247 55 06
İşıq, su, yol yoxdur, kəndlilər kəndi tərk edir
Toplum TV
"Kanalizasiyaya görə qonşu ilə davalıyam"- Nərimanov rayon sakini
