Qaynar xətt

Vərəm xəstəsi pensiyasının kəsilməsindən şikayətçidir

Günel Manaflı
2 Avqust, 2022
1812

Açıq mənbələrdən götürülüb

Şəmkir rayonu Mehrili kənd sakini Əsgərov Eldəniz ağır vərəm xəstəsidir. O, hazırda sürətlə çəki itirdiyini və dözülməz ağrılarının olduğunu deyir. Xəstəliyinin ağırlaşmasına səbəb isə müalicəsini davam etdirə bilməməsidir.

Dövlət tərəfindən 2 tablet dərman verildiyini deyən şikayətçi digər bütün dərmanları öz vəsaiti hesabına alır. Ancaq 3 aydır ki, pensiyası kəsilib və dərmanlarını ala bilmir. Pensiyasının kəsilmə səbəbi isə ona bəlli deyil.

“2002-ci ildə Füzuli rayonunda hərbi xidmətdə olmuşam. Xidmətimin 10-cu ayında sağlamlığımı itirdim. Soyuq səngərlərdə yata-yata vərəm xəstəsi oldum. Mən də qazi sayılıram. Hazırda ağır vərəm xəstəsiyəm. İllərdir müalicə alıram. Pensiyam kəsildiyi üçün 3 aydır müalicəmi davam etdirə bilmirəm. Müalicə almadıqda sürətlə arıqlayır, nəfəs darlığı problemi yaşayıram. Ağrılarım dözülməz dərəcədədir”.

https://toplum.tv/multimedia/vetendas-dovlet-yoxdursa-qocu-destesi-ile-problemimi-hell-edim

Şikayətçi deyir ki, 31 may 2022-ci ildə pensiya üçün komissiyadan keçsə də, 3 aydır ki, cavab gəlməyib.

“Şəmkir rayon Ağciyər Xəstəxanasından dedilər ki, biz komissiyanın cavabını kompüterə vurmuşuq. Yəqin nazirliyin yadından çıxıb, baxmayıb. Məndən sonra komissiyadan keçənlərin cavabı gəlib. 180 manat pensiya alıram, bilmirəm dərmanlarımı alım, ya yeməyimi”.

Əsgərov Eldəniz deyir ki, 2021-ci ilin iyul ayında da pensiyası kəsilmişdi və 5 ay ala bilməyib. Şikayətindən sonra isə bərpa edilib. Son 3 aydır ki, yenə eyni vəziyyət təkrarlanıb.

Dövlət Tibbi-Sosial Ekspertiza və Reabilitasiya Agentliyinin şöbə müdiri Tural Qurbanov Toplum TV-ə açıqlamasında bildirdi ki, vətəndaş əyani müayinəyə dəvət ediləcək:

“Əsgərov Eldəniz Əziz oğlunun əlilliyinin qiymətləndirilməsi ilə bağlı göndəriş rəsmiləşdirilib. Göndəriş səbəbi, hərbi xidmət dövrü ilə əlaqədar olduğu üçün vətəndaş Dövlət Tibbi Sosial Ekspertiza və Reabilitasiya Agentliyində əyani müayinəyə dəvət olunacaq. Mərkəzi hərbi həkim komissiyası tərəfindən təqdim edilən şəhadətnaməsində qeyd olunan diaqnoz və hazırki vəziyyətinə əsasən, şəxsin əlilliyi ilə bağlı qanunvericiliyə uyğun olaraq müvafiq qərar veriləcək”.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Qaynar xətt

Şikayətçi: "Savadsızlığımızın ucbatından bizi aldatdı"

Toplum TV
13 Oktyabr 2023

Toplum TV

Şölə Qarayeva Yevlax rayonunun Havarlı kəndində yaşayır. O, 2005-ci ildə Havarlının bələdiyyə sədri Sərvan Musayevdən 24 sot torpaq alıb. Deyir, sözügedən torpağın 12 sotu 50 illik müqavilə ilə onlara verilib. Sonradan isə məcburi köçkün olmaları bəhanə edilərək, başqasının adına keçirilib.
Qaynar xətt

Qəsəbəni ikiyə bölən yol: bir tərəfdə rifah, digər tərəfdə səfalət

Toplum TV
12 Oktyabr 2023

Toplum TV

Toplum Tv-nin efirində “Qaynar Xətt” verilişinə baxırsınız. Verilişdə qaynar xəttimizə gələn şikayətlər, onların əsasında hüquqşünas məsləhətləri və əhalinin digər problemləri barədə müzakirələr olacaq. Bugünkü müzakirəmizi hüquqşünas Səməd Rəhimli ilə aparacağıq.

Seçilmiş Videolar

Toplum TV loqo