Qaynar xətt

Vətəndaş internet problemiylə bağlı 7 ildir eyni cavabı alır: “Anten quraşdırılacaq”

Günel Manaflı
25 İyul, 2022
240

“Sumqayıt şəhər 9-cu mikrorayon, ev 10/27, mənzil 8 ünvanında 3G şəbəkəsi ilə bağlı illərdir, problem yaşayırıq. Dəfələrlə müvafiq qurumlara müraciət etsəm də, heç bir müsbət nəticə əldə etməmişəm”.

Sumqayıt şəhər sakini İlkin Məmmədkərimov belə deyir.

Şikayətçinin sözlərinə görə, problem 7 ildir ki, həllini tapmayıb: “2015-ci ildə müraciətim əsasında “Azercell” əməkdaşı ərazini yoxladı və internetin sürəti 1.75 mb çıxdı, bizə yaxın zamanda anten quraşdırılıcağı vəd edildi. Amma 7 ildir, anten quraşdırılmır. Bu illər ərzində nə vaxt müraciət etsəm, eyni cavabı veriblər ki, sizin ərazidə problem var, növbəti mərhələlərdə anten quraşdırılacaq”.

https://toplum.tv/qaynar-xett/sikayetci-psixiatr-bacima-pensiya-duzeltmek-ucun-1000-manat-istedi

Şikayətçi deyir ki, “Azercell”-in telefon mərkəzinə müraciət etdikdə isə ona artıq 4 G şəbəkəsinin genişləndiyini və bunu dəstəkləyən cihaz almalarını tövsiyyə ediblər.

“Bizim binalar 70-ci ildə tikildiyi üçün bu problemi həmişə yaşayırıq. 4G şəbəkəsində də eyni problemi yaşadıq. Məsələylə bağlı “Azercell”-ə, Rabitə Nazirliyinə, İqtisadiyyat Nazirliyinə müraciət etsəm də, heç bir müsbət nəticə əldə etməmişəm”.

“Azercell”-in Şəbəkə Texnologiyaları Departamentindən Toplum TV-nin sorğusuna cavab olaraq bildirildi ki, qeyd olunan ərazi artıq “Azercell”-in şəbəkə təkmilləşdirmə planına daxıl edilib və yaxın zamanda layihə həyata keçiriləcək.

https://toplum.tv/qaynar-xett/sikayetci-verdiyi-rusvetin-ise-yaramamasindan-narazidir

“Məlumat üçün bildirək ki, “Azercell Telekom” MMC paytaxt Bakı və ölkə regionlarında şəbəkənin genişləndirilməsi və gücləndirilməsinə dair genişmiqyaslı layihə həyata keçirir. Bu layihənin gedişatı və bu günə kimi əldə olunan nəticələr haqda ən yaxın zamanda ictimaiyyəti media vasitəsiylə məlumatlandıracağıq”, - deyə şirkətin açıqlamasında qeyd edilib.

Qaynar xətt

Qazi müharibədə sağlamlığını itirsə də, əlillik ala bilmədiyini deyir

Günel Manaflı
10 Avqust 2022

Şəxsi arxiv

Lənkəran rayon Şürük kənd sakini Bağırzadə Davud 4 oktyabr 2020-ci ildə könüllü olaraq 44 günlük müharibədə iştirak edib. İndi o, müharibədə ağır yaralandığı halda əlillik dərəcəsi ala bilmədiyini deyir. “Füzuli və Xocavənddə gedən döyüşlərdə ağır yaralandım. Qarın boşluğundan yaralanmışam. Ciyər, bağırsaq, mədəm, ayağım və qolum zədələnib. Qazinin sözlərinə görə, onu ağır yaralı vəziyyətdə ön cəbhədən Füzuli Mərkəzi Rayon Xəstəxanasına təxliyə edərək əməliyyat ediblər. Daha sonra Mingəçevir xəstəxanasına göndərilib. Burada bağırsaq və qaraciyərindən əməliyyat olunub. Daha sonra Bakıda hərbi hospitalda müayinələrdən keçib. https://toplum.tv/qaynar-xett/muharibe-istirakcisi-medal-alib-ancaq-veteranliq-ala-bilmir Şikayətçinin sözlərinə görə, ağrıları ona rahat işləməyə imkan vermir. Veteranlar üçün nəzərdə tutulan aylıq 80 manat isə dərmanlarına...
Qaynar xətt

Müharibə iştirakçısı medal alıb, ancaq veteranlıq ala bilmir

Günel Manaflı
9 Avqust 2022

Şəxsi arxiv

Zaqatala rayon sakini Əhmədov Cavid 44 günlük müharibədə iştirak etsə də, ona veteranlıq statusu verilməyib. Şikayətçinin sözlərinə görə onunla eyni vaxtda müharibədə iştirak edən hər kəsə bu status verilib. “2020-ci ildə həqiqi hərbi xidmətə çağırıldım. İlk xidmətimi Ağcabədi ərazisində keçirdim. 44 günlük müharibə ərəfəsində isə Füzuli, Xocavənd, Cəbrayıl, Qubadlı və Laçın uğrunda gedən döyüşlərdə iştirak etmişəm. Füzuli və Xocavənd uğrunda gedən döyüşlərə görə medallarla təltif edilmişəm. Ancaq veteranlıq statusum hələ də verilməyib. Necə olur ki, medallar verilir, hərbi biletimə müharibədə iştirak etdiyim qeyd edilir, ancaq veteranlıq statusu verilmir. Mən veteranlıq statusumun verilməsini tələb edirəm”. Müdafiə Nazirliyinin Mətbuat Xidmətinin sözçüsü Anar Eyvazov...

Seçilmiş Videolar

Toplum TV loqo