Qaynar xətt

Zaqatala sakini: Qızımın ölümündən sonra həkimlər daha bir ananı və körpəsini öldürdülər

Günel Manaflı
20 İyul, 2022
281

Zaqatala rayon sakini Eyvaz Mahmudov deyir ki, qızı Rəna Ramazanova doğuşdan bir gün sonra rayon Mərkəzi Xəstəxanasının həkimlərinin laqeydliyi ucbatından vəfat edib.

“Qızım martın 19-da Zaqatala rayon Mərkəzi Xəstəxanasında qeysəriyyə əməliyyatı ilə ikinci dəfə ana olub. Əməliyyat normal keçsə də,  sonradan vəziyyəti pisləşib və o , martın 20-dən 21-ə keçən gecə vəfat edib. Mənim 26 yaşlı qızımın qatili olan həkimlər Mehriban Hüseynova, Rəna Sultanova və onların himayədarı baş həkim Məcid Əliyev rahat şəkildə heç bir cəza çəkmədən gəzir”.

Valideyn baş verən hadisənin araşdırılmasını, həmin həkimlərin cəzalandırılmasını tələb edir.

“Mən 4 aydır ki, həmin həkimlərin cəzalandırılmasını gözləyirəm. Ancaq nə şikayətimə baxan var, nə də dinləyən. Artıq o həddə çatmışam ki, qızımın həyatına son qoyan o  həkimlərin cəzasını özüm kəsim. Qızımın 6 yaşlı bir oğlu və yenicə doğulmuş körpə qızı anasız qaldı”.

https://toplum.tv/sosial/zaqatala-xestexanasinda-ana-olumu-qizimin-qatilleri-hekimlerdir

Şikayətçi Eyvaz Mahmudov iddia edir ki, həkimlərdən Rəna Sultanovanın qardaşı yüksək vəzifədə işlədiyi üçün onun şikayəti ünvanına çatmır.

“Əlimdə qızımın “həkimlər yoxdur, baxan yoxdur, ölürəm” deyərək imdad diləyən səs yazısı olmasaydı, mən onları günahlandırmazdım. Mənim qızım həkim səhlənkarlığının qurbanı olub. Bu haqda Prezident Administrasiyasına, Mehriban Əliyevaya, Baş prokurorluğa, Ombudsmana müraciət etsəm də, bir nəticəsi yoxdur. Fakt əldə ola-ola, həkimlərin vicdansızlığı, savadsızlığı ortada ola-ola bu qədər uzun istintaq necə ola bilər?”

Valideynin sözlərinə görə, qızının ölümündən sonra ona kəskin ürək və ağciyər çatışmazlığı, tromboemboliya diaqnozu qoyulub, məqsəd də qızının xəstə olduğunu deməklə həkim səhlənkarlığından diqqəti yayındırmaqdır.

“Respublikanın Baş prokuroru Kamran Əliyev Zaqatala rayonunda vətəndaşları qəbul edirdi. Getdim məsələni danışdım, dedi ki, iş nəzarətdədir, baxılacaq. Qızımın ölümündən sonra həkimlər daha bir ananı və ondan bir az sonra isə körpəsini öldürdülər. Bu həkimlər cəzalandırılmasa, daha çox valideynlər gözü yaşlı, uşaqlar anasız qalacaq”.

https://toplum.tv/sosial/zaqatalada-ana-ve-usaq-olumunun-sebebi-dediler-ki-onun-adami-var-bes-men-adam-deyilem-usagimi-oldurursunuz

Baş prokurorluğun mətbuat xidmətinin böyük prokuroru  Kənan Zeynalov Toplum TV-nin sorğusuna cavab olaraq bildirir ki, ekspertiza nəticəsindən sonra müvafiq qərar qəbul ediləcək:

“Həmin vətəndaş iyunun 28-də Baş prokuror Kamran Əliyev tərəfindən Zaqatala rayon prokurorluğunda  qəbul edilməklə müraciəti nəzarətə götürülüb. Araşdırma zamanı müvafiq ekspertiza təyin olunub. Nəticəsindən asılı olaraq qanuni qərarın qəbul edilməsi təmin ediləcək”.

Məsələni diqqətdə saxlayacağıq.

Qaynar xətt

Qazi müharibədə sağlamlığını itirsə də, əlillik ala bilmədiyini deyir

Günel Manaflı
10 Avqust 2022

Şəxsi arxiv

Lənkəran rayon Şürük kənd sakini Bağırzadə Davud 4 oktyabr 2020-ci ildə könüllü olaraq 44 günlük müharibədə iştirak edib. İndi o, müharibədə ağır yaralandığı halda əlillik dərəcəsi ala bilmədiyini deyir. “Füzuli və Xocavənddə gedən döyüşlərdə ağır yaralandım. Qarın boşluğundan yaralanmışam. Ciyər, bağırsaq, mədəm, ayağım və qolum zədələnib. Qazinin sözlərinə görə, onu ağır yaralı vəziyyətdə ön cəbhədən Füzuli Mərkəzi Rayon Xəstəxanasına təxliyə edərək əməliyyat ediblər. Daha sonra Mingəçevir xəstəxanasına göndərilib. Burada bağırsaq və qaraciyərindən əməliyyat olunub. Daha sonra Bakıda hərbi hospitalda müayinələrdən keçib. https://toplum.tv/qaynar-xett/muharibe-istirakcisi-medal-alib-ancaq-veteranliq-ala-bilmir Şikayətçinin sözlərinə görə, ağrıları ona rahat işləməyə imkan vermir. Veteranlar üçün nəzərdə tutulan aylıq 80 manat isə dərmanlarına...
Qaynar xətt

Müharibə iştirakçısı medal alıb, ancaq veteranlıq ala bilmir

Günel Manaflı
9 Avqust 2022

Şəxsi arxiv

Zaqatala rayon sakini Əhmədov Cavid 44 günlük müharibədə iştirak etsə də, ona veteranlıq statusu verilməyib. Şikayətçinin sözlərinə görə onunla eyni vaxtda müharibədə iştirak edən hər kəsə bu status verilib. “2020-ci ildə həqiqi hərbi xidmətə çağırıldım. İlk xidmətimi Ağcabədi ərazisində keçirdim. 44 günlük müharibə ərəfəsində isə Füzuli, Xocavənd, Cəbrayıl, Qubadlı və Laçın uğrunda gedən döyüşlərdə iştirak etmişəm. Füzuli və Xocavənd uğrunda gedən döyüşlərə görə medallarla təltif edilmişəm. Ancaq veteranlıq statusum hələ də verilməyib. Necə olur ki, medallar verilir, hərbi biletimə müharibədə iştirak etdiyim qeyd edilir, ancaq veteranlıq statusu verilmir. Mən veteranlıq statusumun verilməsini tələb edirəm”. Müdafiə Nazirliyinin Mətbuat Xidmətinin sözçüsü Anar Eyvazov...

Seçilmiş Videolar

Toplum TV loqo