İctimai-siyasi xəbərlər
44 günlük müharibədə itkin düşənlərin yeni siyahısı
Rəsmi səhifə
Müdafiə Nazirliyi 44 günlük müharibədə itkin düşmüş şəxslərin yeni siyahısını yayıb.
Oktyabrın 21-dək itkin düşmüş hesab olunan 6 nəfərin foto şəkilləri, adları, soyadları, hərbi rütbəsi və doğum tarixi haqqında məlumatlar təqdim edilib.
"İtkin düşmüş hesab olunan hərbi qulluqçuların tapılması və identifikasiyası üzrə işlər davam etdirilir", - deyə qurumdan bildirilib.
Nazirlik həmçinin oktyabrın 21-dək müharibədə şəhid olmuş 2908 nəfərin dəfn edildiyini açıqlayıb.
Oxşar Xəbərlər
Redaktorun Tövsiyələri
İlham Əliyev Baydenə: Sülh sazişinin imzalanmasına töhfə verə bilərsiniz
"president.az"
"Otuz ildir ki, Azərbaycan Respublikası ilə Amerika Birləşmiş Ştatlarını dostluq və tərəfdaşlıq münasibətləri birləşdirir. Biz ilk gündən ölkəmizin müstəqilliyinə, suverenliyinə və ərazi bütövlüyünə ABŞ-ın dəstəyini yüksək qiymətləndiririk".
Bu fikirlər Prezident İlham Əliyevin 4 İyul – Müstəqillik Günü münasibətilə ABŞ Prezidenti Cozef Baydenə ünvanlandığı təbrik məktubunda yer alıb.
Məlumatı Azərbaycan Prezidentinin rəsmi saytı - "president.az" yayıb.
Məktubda ikitərəfli əməkdaşlığın uğurla davam etdiyi vurğulanır: "Ölkələrimiz arasında qarşılıqlı faydalı əməkdaşlıq ikitərəfli və çoxtərəfli müstəvidə uğurla davam edir. Beynəlxalq təhlükəsizliyin təmin olunması və terrorizmə qarşı mübarizədə uzun müddətdən bəri davam edən birgə fəaliyyətimiz məmnunluq doğurur. Enerji təhlükəsizliyi məsələlərində ölkələrimizin sıx əməkdaşlığı, həyata keçirdiyimiz irimiqyaslı...
Dövlət Departamenti Azərbaycanla bağlı qərar verdi
Rəsmi səhifə
Dövlət Departamentinin Federal Reyestrin son buraxılışında dərc edilmiş bildirişində deyilir ki, ABŞ Azadlığa Dəstək Qanununun Azərbaycana yardımla bağlı 907-ci maddəsinin tətbiqindən imtina müddətini uzadıb.
Xəbəri "Turan"-ın Vaşinqton müxbiri verib.
Rəsmi hesabatlara əsasən, ABŞ-ın Azərbaycana istənilən birbaşa yardımını qadağan edən 907-ci düzəlişin dondurulmasına rəsmi icazə dövlət katibinin idarəetmə məsələləri və resurslar üzrə müavini Brayan MakKeon tərəfindən imzalanıb.
"Azadlığa Dəstək Qanununa 907-ci düzəlişdən imtinanın uzadılması və Azərbaycan hökumətinə yardımın davam etdirilməsi.
Bununla Azadlığa Dəstək Qanununa Azərbaycanla bağlı 907-ci düzəlişdən imtina müddətinin uzadıldığını müəyyən və təsdiq edirəm:
* Bu, ABŞ-ın beynəlxalq terrorçuluğa qarşı mübarizə səylərinə dəstək üçün zəruridir və ya
* Beynəlxalq terrorçuluğa...
