Siyasət

Abid Qafarovun növbəti məhkəmə iclası keçirilib

Vüsalə Mikayıl
13 İyul, 2022
196

Videodan skrin

Bu gün Yasamal Rayon Məhkəməsində Bakı Birlik Təşkilatının sədri Abid Qafarovun növbəti məhkəmə iclası keçirilib

A.Qafarov məhkəmədə elan olunan fasilə zamanı prosesin gedişatından narazılığını dilə gətirib. 

“Mən Yasamal rayon məhkəməsinin hakimi Rauf Daşdəmirovdan etiraz verdim. O “Tərtər hadisələri”nə də qarşı qərəzli mövqe tutur. Buna görə də, həmin hakimin dəyişdirilməsini tələb edirik. Yasamal məhkəməsinin bütün struktutruna etiraz yazmışıq. Onlar Əli Əliyevə (Vətəndaş və İnkişaf Partiyasının sədri-red.) qarşı da bir neçə dəfə qərəzli qərar qəbul ediblər. Appelyasiya məhkəməsinə bu işin Yasamal rayon məhkəməsindən alınıb qeydiyyatım üzrə Xəzər rayon məhkəməsinə verilməsi üçün müraciət etmişik”.  

Proses 16:00-da davam etdirilib.

Abid Qafarovu dəstəkləmək üçün məhkəmə önünə onun tərəfdarları, qazi və “Tərtər işi”ndə zərərçəkmiş şəxslər toplaşıb. 

Bundan əvvəl, iyunun 28-də Bakının Xəzər Rayon Məhkəməsində Bakı Birlik Təşkilatının sədri Abid Qafarovun məhkəməsinə hazırlıq iclası keçirilib.  Amma iclas başlanan kimi bu iş üzrə bir neçə şəxs şikayətlərini geri götürüblər.

Abid Qafarovu məhkəməyə verən bir qrup Qarabağ qazisi olub.

Onların iddiasına görə, Bakı Birlik Təşkilatının rəhbəri mayın 27-də Yasamal Rayon Məhkəməsinin qarşısında çıxış edərkən qaziləri müti adlandırmaqla onları təhqir edib. 

Ancaq bu gün həmin qazilər məhkəmədə bildiriblər ki, tərəflər arasında barışıq olub, onlar daha Abid Qafarovdan şikayətçi deyillər. İddialarını geri götürməklə bağlı ərizə də yazıblar. Buna baxmayaraq, hakim Tərlan Əkbərov icraatındakı bu işin Yasamal Rayon Məhkəməsinə göndərilməsi ilə bağlı qərar çıxarıb.

Abid Qafarov "Tərtər işi" ilə bağlı sosial şəbəkələrdə silsilə videomüraciətlər yayıb.

Siyasət

İsrailin Azərbaycandakı səfiri İran barədə: Bu qatil rejimin hədələrini ciddi qəbul edin

16 Avqust 2022

Sosial mediadan skrinşot

İsrailin Azərbaycandakı səfiri Corc Dik bu gün, avqustun 16-da "tvitter"də britaniyalı yazıçı Salman Rüşdinin bıçaqlanmasıyla bağlı video müraciət yayıb.  Corc Dik müraciətində deyib:  "İranın Azərbaycandakı səfiri yaxınlarda məni ölümlə təhdid etdi. O, "tvitter"də yazdı ki, mən qırmızı xətti keçmişəm, ona görə də İran xalqı məni dəfn edəcək. İndi siz Salman Rüşdinin bıçaqlandığını eşidərkən mənim nə düşündüyümü təsəvvür edə bilərsiniz. Çünki İran həm də demişdi ki, o, [Salman Rüşdi] qırmızı xətti keçib və onu da ölümlə hədələmişdi. Və terrorçu onu günün günorta çağl öldürməyə cəhd etdi. Ona görə də indi siz mənim müəyyən qədər şəxsi hisslərimi təsəvvür edə bilərsiniz.  https://toplum.tv/siyaset/iranin-azerbaycandaki-sefiri-israilli-hemkarini-tehdid-etdi Həftələr...
Siyasət

Qarabağ Azadlıq Təşkilatı adını dəyişir, partiyaya çevrilir

16 Avqust 2022

Açıq mənbələrdən götürülüb

Qarabağ Azadlıq Təşkilatı adını dəyişib Azad Vətən Partiyasına çevriləcək.  Bunu təşkilatın sədri Akif Nağı avqustun 16-da APA-ya açıqlamasında deyib. Onun sözlərinə görə, qanunvericilik təşkilatın yenidən təşkilinə icazə verir. Bununla əlaqədar Təşkilat Komitəsi yaradılıb, sabah qurultay keçiriləcək. Qurultayda Qarabağ Azadlıq Təşkilatının Azad Vətən Partiyasına çevrilməsi barədə qərar qəbul ediləcək. Partiya sədrliyinə namizəd Akif Nağıdır. "Qarabağ Azadlıq Təşkilatı" - 1993-cü ildə yaradılıb.  Təşkilatın ilk adı Qarabağ Azadlıq Hərəkatı olub, 2000- ci il yanvarın 28-də keçirilən qurultayda adın indiki forması - Qarabağ Azadlıq Təşkilatı qəbul olunub. 

Seçilmiş Videolar

Toplum TV loqo