Siyasət
ABŞ-ın Rusiyadan tələbi var
16 İyun, 2020
Baxış: 527
Birləşmiş Ştatlar, Rusiyada ABŞ-ın keçmiş dəniz piyadası Paul Whelan-ın casusluqda təqsirli bilinərək 16 illik həbs cəzasına məhkum edilməsindən dərhal sonra onun dərhal azad olunmasını tələb edib.
 
ABŞ dövlət katibi Mike Pompeo Rusiyanın Whelan-la rəftarını və onun məhkum edilməsini "dəhşət” adlandırıb:

"Rusiya cənab Whelan-ı müstəqil və tərəfsiz məhkəmə qarşısında ədalətlə mühakimə etməyib. O saxlanarkən səhhəti ilə bağlı xroniki problemə diqqət yetirilməyib. Onun ailəsi və dostları ilə təmasına vicdansızcasına imkan verilməyib”.

Pompeo əlavə edib ki, keçmiş hərbçi "məxfi məhkəmədə məxfi sübutlarla mühakimə edilib”.

Həm də Britaniya, Kanada və İrlandiya vətəndaşı

Britaniyanın xarici işlər naziri Dominic Raab deyib ki, o, həm də Britaniya, Kanada və İrlandiya vətəndaşı olan Whelan barədə hökmdən dərin narahatlıq keçirir.

Nazir qeyd edib ki, London Whelan-ı və onun ailəsini dəstəkləməkdə, habelə insan haqlarına ehtiram göstərməsi üçün Moskva üzərinə təzyiqini artırmaqda davam edəcək.

ABŞ-ın Rusiyadakı səfiri John Sullivan məhkəmənin hökmündən "qəzəbləndiyini” bildirib.

O deyib ki, Whelan-ın məhkəməsi "ədalətin məsxərəyə qoyulmasıdır və ABŞ-Rusiya münasibətlərinə ciddi təsir edəcəkdir”.

Whelan-ın ABŞ-dakı hər hansı rusiyalı məhbusla dəyişdirilməsinin mümkünlüyü barədə suala cavab verən səfir bildirib ki, "Vaşinqtona məhbus dəyişdirilməsi yox, Whelan üçün ədalət lazımdır”.

Whelan-ın vəkili Vladimir Zherebenkov deyib ki, onun dəyişdirilməsi və ya bağışlanması yalnız 10 gün ərzində, hələ hökm qüvvəyə minmədən mümkündür.

Whelan həbs olunanadək ABŞ-ın avtomobil hissələri satan bir şirkətində qlobal təhlükəsizlik şöbəsinin rəhbəri idi.

O və qohumları israr edirlər ki, amerikalı Rusiyaya toyda iştirak etmək üçün gəlmişdi.

Whelan 16 illik həbsə məhkum edilir

Rusiyada məhkəmə ABŞ-ın keçmiş dəniz piyadası Paul Whelan-ı casusluqda təqsirli bilərək 16 il həbs cəzasına məhkum edib. Özü və ABŞ rəsmiləri isə bu ittihamı rədd edir.

Moskva Şəhər Məhkəməsi iyunun 15-də qapalı iclasda belə bir qərar verib.

50 yaşlı Whelan-ın Britaniya, Kanada və İrlandiya vətəndaşlığı var. O, məhkəmədə son bəyanatında bir daha günahsız olduğunu demişdi.

Whelan 2018-ci ilin dekabrında Moskvada həbs olunub. Prokurorlar onun üstündən tapılan yaddaş kartında məxfi informasiya olub.

Whelan isə deyir ki, diski onun üstünə atıblar və həbsi siyasi motivlidir. O, həbsxana nəzarətçilərini pis rəftarda ittiham edirdi.

Məhkəmə dəlildə məxfi materiallar olduğundan qapalı keçirilib. Digər səbəbsə koronavirus pandemiyasına görə görülən karantin tədbirləridir.

Mayın 25-də prokuror ona 18 il həbs cəzası istəmişdi.

Hökm çıxarılmazdan ABŞ rəsmiləri Moskvanı keçmiş dəniz piyadasını azad etməyə çağırıblar.

ABŞ-ın Rusiyadakı səfiri John Sullivan iyunun 14-də deyib ki, məhkəmə ədalətli və şəffaf keçməyib, Whelan-ın hər hansı cinayət törətməsinə dəlil də yoxdur.
 
azadliq.org
Siyasət

Böyük Britaniya Qarabağdakı qələbə münasibətilə Azərbaycanı təbrik etdi

22 Yanvar 2021
Böyük Britaniya və Şimali İrlandiya Birləşmiş Krallığının Azərbaycandakı fövqəladə və səlahiyyətli səfiri Ceyms Şarp II Qarabağ müharibəsində qazanılan qələbə münasibətilə Azərbaycan xalqını təbrik edib. O, təbrikini yanvarın 22-də Müdafiə naziri general-polkovnik Zakir Həsənov ilə görüşündə çatdırıb. Azərbaycan-Böyük Britaniya əlaqələrinin, xüsusilə hərbi sahədə əməkdaşlığın inkişafı üçün səylərini bundan sonra da əsirgəməyəcəyini qeyd edən C.Şarp ikitərəfli əməkdaşlıq çərçivəsində Böyük Britaniyanın azad edilmiş ərazilərin minalardan və partlamamış döyüş sursatlarından təmizlənməsi işlərində Azərbaycana köməklik göstərə biləcəyini bildirib.
Siyasət

Putin Avropa Birliyi ilə Navalnı məsələsini müzakirə etdi

22 Yanvar 2021
Rusiya Prezidenti Vladimir Putin və Avropa Birliyi Şurasının sədri Şarl Mişel arasında telefon danışığı olub. Kremldən yanvarın 22-də verilən məlumata görə, telefon danışığı zamanı Şarl Mişelin xahişi ilə Aleksey Navalnı məsələsi də müzakirə edilib. Ancaq müzakirələrin hansı istiqamətdə getdiyi barədə detallı informasiya verilməyib. Məlumata görə, telefon danışığı zamanı Rusiya ilə Avropa Biriliyi Şurası arasındakı münasibətlərin vəziyyəti, koronavirus infeksiyasının yayılmasına qarşı mübarizə, xüsusi ilə də birgə vaksin istehsalı və istifadəsi sahəsində əməkdaşlıq məsələlərinə diqqət ayrılıb. Yanvarın 18-də Almaniyadan müalicədən qayıdan Aleksey Navalnı paytaxt Moskvada hava limanında həbs olunub. Yanvarın 23-də müxalifət liderinin həbsinə etiraz əlaməti olaraq Rusiyanın bir çox bölgələrində kütləvi...
Seçilmiş Videolar