Siyasət

ABŞ Rusiyanın Bakı və Yerevanla bağlı ittihamlarına cavab verdi

26 Oktyabr, 2022
1210

Rəsmi səhifə

ABŞ Dövlət Departamenti Moskvanın Qərbin Azərbaycan və Ermənistan arasında problemlərin nizamlanması üzrə səyləri ilə bağlı tənqidini kəskin şəkildə təkzib edib.

"Biz, şübhəsiz ki, səylərimizin özünüreklam kimi tövsif edilməsini təkzib edirik", - deyə Dövlət Departamentinin nümayəndəsi Ned Prays gündəlik brifinqdə "Turan"-ın xahişi ilə Rusiya XİN nümayəndəsinin son bəyanatını şərh edərkən bildirib.

Bir müddət əvvəl Rusiya XİN başçısı Mariya Zaxarova ABŞ-ı və Avropa Birliyini "özünüreklamda" ittiham edib, Qərbin Bakı, Yerevan və Moskva arasında üçtərəfli əlaqələr sayəsində əldə edilmiş razılaşmaları öz adına yazmağa çalışdığını bildirib.

https://toplum.tv/multimedia/rusiya-ve-iran-niye-birden-bire-sert-tenqid-olunmaga-basladi

Vaşinqton və Brüssel "Zaqafqaziya ilə bağlı kompromislərdə maraqlı deyillər və Rusiyanı regiondan sıxışdırıb çıxarmağa çalışırlar", Zaxarova bildirmişdi.

Zaxarovanın sözlərini şərh edən Prays deyib ki, "şiddətə və həm ermənilər, həm də azərbaycanlılar arasında ölümlərə gətirib çıxaran çoxillik münaqişələrə son qoymaq cəhdində heç bir özünüreklam yoxdur".

"Bizim yeganə məqsədimiz hərtərəfli və möhkəm sülhə nail olmaq və həyatları xilas etmək üçün bu ölkələrin birlikdə hərəkət etməsinə kömək etməkdir. Bilmirəm, bunun nəyi özünüreklam kimi şərh edilə bilər", - deyə o əlavə edib.

"Dövlət katibi Entoni Blinkenin də qeyd etdiyi kimi, biz Ermənistan və Azərbaycan arasında sülh danışıqlarına sadiqik. Hər iki lideri onlar üçün faydalı olan istənilən formatda görüşməyə çağırırıq". Vaşinqton hesab edir ki, birbaşa dialoq problemlərin həllinin və möhkəm sülhün əldə olunmasının yeganə açarıdır. "Məhz buna görə dövlət katibi Blinken sentyabrda, son gərginlik dalğasından sonra ilk dəfə öz həmkarlarını - Ermənistan və Azərbaycan xarici işlər nazirlərini Nyu-Yorkda bir araya gətirib", deyə Prays xatırladıb.

Rusiya, Azərbaycan və Ermənistan liderlərinin qarşıda duran görüşünün Brüssel-Praqa görüşündə əldə olunmuş nailiyyətləri sarsıdacağı təhlükəsi varmı? "Turan"-ın müxbirinin bu sualına cavabında Prays deyib ki, "Ermənistan və Azərbaycan prezident Putinin dəvət edilməsinin onların möhkəm sülh əldə etmək cəhdləri üçün faydalı olub-olmayacağına özləri qərar verməlidirlər".

Rusiyanın 2008-ci ildə Gürcüstana hücumu və Ukrayanaya davam edən amansız hücumu göstərir ki, "Moskva qonşusunun suverenliyinə az hörmət edir və çətin ki, uzunmüddətli etibarlı tərəfdaş ola bilər" .

"Son nəticədə Cənubi Qafqaz ölkələrinin müstəqilliyi üçün ABŞ-dan daha böyük dəstək yoxdur. 1991-ci ildə Ermənistanın, Azərbaycanın və Gürcüstanın Sovet İttifaqından müstəqilliyinin bərpası bu ölkələrin hər birinə Moskvadan və ya istənilən digər ölkədə asılı olmadan, öz xarici siyasi maraqlarına xidmət etmək hüququna zəmanət verən əlamətdar hadisə idi", - deyə Prays qeyd edib. 


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Azərbaycan və Ermənistan XİN başçılarının görüş tarixi açıqlandı

26 Fevral 2024

Açıq mənbələrdən götürülüb

Azərbaycan və Ermənistan xarici işlər nazirlərinin görüşü fevralın 28-29-da Berlində baş tutacaq. Toplum TV xəbər verir ki, bu barədə fevralın 26-da Ermənistan Xarici İşlər Nazirliyinin mətbuat katibi Ani Badalyan bildirib. Onun sözlərinə görə, görüş bir müddət əvvəl Münhen Təhlükəsizlik Konfransında keçirilən üçtərəfli görüşdə əldə olunan razılaşmaya əsasən təşkil olunacaq.  Qeyd edək ki, bundan əvvəl xarici işlər naziri Ceyhun Bayramov Ermənistan nümayəndə heyəti ilə sülh müqaviləsi ilə bağlı təkbətək danışıqların aparılacağını bildirmişdi. 
Siyasət

Həbs olunmuş fəalın səhhətində problemlər yaranıb

26 Fevral 2024

Sosial Media

Azərbaycanın alternativ həmkarlar ittifaqı konfederasiyası olan "İşçi Masası"nın həbsdə olan üzvü Möhyəddin Orucovun səhhətində problemlər yaranıb.  Toplum TV xəbər verir ki, bu barədə fevralın 26-da "Turan" agentliyinə onun anası Təranə Orucova bildirib. O qeyd edib ki, 2023-cü ilin oktyabrında inzibati qaydada həbs edildikdən sonra Möhyəddini uzun müddət açıq havada saxlayıblar və onun böyrəklərinə soyuq dəyib. Həbs dövründə onu müayinə etməyiblər, sadəcə olaraq ağrıkəsicilər veriblər. Azad edildikdən sonra fəal müalicə olunub, lakin 2023-cü ildə yenidən həbs edildiyinə görə müalicəsi yarımçıq qalıb. https://toplum.tv/siyaset/pbahar-muradova-quotabzas-isiquot-ile-bagli-hebs-olunan-jurnalistlerden-danisibp Orucovun anasının sözlərinə görə, hazırda onun böyrəklərində ağrılar artıb. Onu xəstəxanaya yerləşdirməkdən imtina edirlər. Vəkil sabah yenidən onun xəstəxanaya...

Seçilmiş Videolar

Toplum TV loqo