Siyasət

Adambaşına düşən vəkil sayına görə Azərbaycan Avropa sonuncusudur

6 Oktyabr, 2022
1186

Açıq mənbələrdən götürülüb

Avropa Şurası qurumu olan CEPEJ oktyabrın 5-də “Avropa ədalət sistemləri” adlı hesabatını açıqlayıb. 2 ildən bir açıqlanan sənəd 2020-ci ilin statistikası əsasında hazırlanıb.

Sənədə görə, sözügedən zaman çərçivəsində Azərbaycanın ədalət sisteminə xərclədiyi ümumi büdcə 96,5 milyon təşkil edib. Bu isə adambaşına 9,6 avro məbləğin düşməsi deməkdir. Azərbaycanın ədalət büdcəsinin 63 faizi məhkəmələrə, 34 faizi prokurorluğa, 2 faizi hüquqi yardıma yönəlib.

https://toplum.tv/siyaset/avropa-mehkemesi-azerbaycanla-bagli-qerarlarini-elan-etdi

Gürcüstanın bu sahədəki adambaşına xərcləməsi 8,69 avro, Ermənistan isə 10,47 avro olub.

Avropa ölkələri isə ədalət sisteminə adambaşına 79 avro xərcləyib. Bu büdcənin 66 faizi məhkəmələrə, 24,5 faizi prokurorluqlara, 9,5 faizi isə hüquqi yardıma xərclənir.

Avropada ədalət sisteminə ən çox büdcə ayıran 217,31 avro məbləğlə İsveçrə olub.

Ümumilikdə Avropa ölkələri məhkəmə sisteminə adambaşına ortalama 45,80 avro xərcləyir.

Hər 100 min nəfərə düşən hakim sayına görə də Azərbaycan sonuncu sıralardadır.

100 min nəfərə cəmi 5 hakim düşür.

Prokurorların sayına görə isə Azərbaycanda göstərici Avropa ortalamasından yuxarıdır. Hər 100 min nəfərə 12,9 prokuror düşür.

Azərbaycan ədalət sistemində gender balansı pozulan ölkələrdəndir. Bu kateqoriyada ən aşağı göstərici Ermənistan, Azərbaycan və İrlandiyaya aiddir. Bu ölkələrdə qadın hakimlərin sayı 40 faizdən aşağıdadır.

2010-cu ildə Avropada hakimlərin 48 faizini qadınlar təşkil edirdi, hazırda faiz göstəricisi 56-nı ötüb. Qadın prokurorların təmsilçilik faizi də 46-dan 53 faizə yüksəlib.

Vəkillərin sayına görə Azərbaycan yenə Avropa sonuncusu olub.  Ölkədə hər 100 min nəfərə 20 vəkil düşür. Avropada bu göstərici 172-dir.

Azərbaycan ən çox kişi vəkil sayına görə isə Avropa birincisidir. Vəkillərin 83 faizi kişilərdir. Ən çox qadın vəkillər isə Yunanıstanda qeydə alınıb.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Naxçıvanın iqtisadiyyat naziri vəzifəsindən azad olunub 

8 Dekabr 2023

Açıq mənbələrdən götürülüb

Naxçıvan Muxtar Respublikasının iqtisadiyyat naziri Tapdıq Vaqif oğlu Əliyev vəzifəsindən azad edilib. Toplum TV APA-ya istinadən xəbər verir ki, bu barədə dekabrın 8-də Naxçıvan Muxtar Respublikası Ali Məclisi sədrinin müavini Anar İbrahimov sərəncam imzalayıb. https://toplum.tv/sosial/pprezidentin-serencami-naxccedilivanda-neyi-deyisecek-nbspp Tapdıq Əliyev 2019-cü ilin mayın 14-də NMR Ali Məclisinin keçmiş sədri Vasif Talıbovun Fərmanı ilə bu vəzifəyə təyin edilmişdi.
Siyasət

İlham Əliyev Ermənistanla verilmiş birgə bəyanatdan danışıb

Toplum TV
8 Dekabr 2023

President.az

Dekabrın 8-də Prezident İlham Əliyev Avropa Şurasının Baş katibi Mariya Peyçinoviç Buriçi qəbul edib. Toplum TV xəbər verir ki, görüşdə bir sıra məsələlərə, həmçinin Azərbaycanla Ermənistan arasında sülh quruculuğu prosesinə toxunulub.  Buriç xüsusilə Azərbaycan Prezidentinin Administrasiyası və Ermənistan Respublikası baş nazirinin Aparatı arasında qəbul olunmuş birgə bəyanatı alqışladıqlarını bildirib, Avropa Şurasının iki ölkə arasında etimad quruculuğu proseslərinə töhfə verməyə hazır olduğunu vurğulayıb. https://toplum.tv/siyaset/presmi-moskva-azerbaycanla-ermenistan-arasindaki-razilasmaya-muumlnasibet-bildiribp Öz növbəsində İlham Əliyev qeyd edib ki, sözügedən birgə bəyanat qarşılıqlı sülh gündəliyinin irəli aparılması və iki ölkə arasında münasibətlərin normallaşdırılması üçün qarşılıqlı siyasi iradənin bir daha nümayişidir. Prezident həmçinin vurğulayıb ki, Avropa Şurası da iki ölkə...

Seçilmiş Videolar

Toplum TV loqo