Siyasət

Aksiyada xəsarət alan jurnalistin işi polisə göndərilib

14 Yanvar, 2022
112

Mikroskop

Nərgiz Absalamova: “Bir dəfə prokurorluqdan zəng edib, maraqlanıblar”

Jurnalistlərin aksiyasında xəsarət alan Nərgiz Absalamovanın şikayəti araşdırılmaq üçün Səbail Rayon Polis İdarəsinə göndərilib.

Bu barədə Meydan TV-yə jurnalist Nərgiz Absalamovanın vəkili Zibeydə Sadıqova məlumat verib.

O bildirib ki, Daxili İşlər Nazirliyinə (DİN) və həmçinin qurumun “102” Xidmət Mərkəzinə ötən il dekabrın 28-də etdiyi müraciətə 2 gün öncə cavab alıb.

DİN-dən bildiriblər ki, şikayət araşdırılmaq üçün polis idarəsində göndərilib.

Nərgiz Absalamova dekabrın 28-də Milli Məclisin önündə baş tutan “Media haqqında” yeni qanun layihəsinə etiraz aksiyası zamanı xəsarət alıb.

Həkim rəyinə əsasən, aldığı xəsarətdən onun büzdüm sümüyü sınıb və içəri batıb.

Jurnalist hadisə baş verən gün Meydan TV-yə bildirmişdi ki, hasidə şuar səsləndirdiyi zaman baş verib.

Qadın polis səsi bərk çıxdığı üçün boğazından yapışıb. Sonra da onu itələyib. İtələmədən sonra səkiyə yıxılan Nərgiz Absalamovanın sümüyü sınıb.

Vəkil Zibeydə Sadıqova deyir ki, araşdırma üçün Çevik Polis Alayına da gedib. Burada məlum olub ki, jurnalisti itələyən qadın polis Səbail Çevik Polis Alayının əməkdaşıdır. Ona görə də iş araşdırılması üçün Səbail Polis İdarəsinə yönləndirilib.

Səbail Rayon Polis İdarəsi bildirir ki, araşdırmanın nəticəsi barədə məlumat veriləcək.

Nərgiz Absalamova isə deyir ki, artıq yavaş-yavaş ayağa qalxıb, ağrıları azalıb: “Şikayətlərimizi etmişik, araşdırmanın aparıldığını bildirirlər, nəticəni gözləyirik. Bir dəfə də prokurorluqdan zəng edib, halımı soruşublar. Hələlik, nəticə bundan ibarətdir”.

Dekabrın 28-də baş tutan aksiya iştirakçıları düşünürlər ki, “Media haqqında” yeni qanun layihəsi təklifi Azərbaycanda olan qapalı mühitin daha da sərtləşməsinə təkan verəcək. Bu, ifadə azadlığı hüququnun pozulmasıdır və qəbulu yolverilməzdir.

Milli Məclisin dekabrın 30-da keçirilən iclasında “Media haqqında” qanun layihəsi üçüncü oxunuşda qəbul olunub.

Bu qanun layihəsində jurnalist fəaliyyəti ilə bağlı sərt tələblər nəzərdə tutulub.

Bura media qurumun və jurnalistlərin qeydiyyatdan keçməsindən tutmuş, vahid jurnalist vəsiqəsi əldə etməyə, gizli yolla əldə edilmiş məlumatın yayılmasının əngəllənməsinə qədər xeyli məsələlər daxildir.

Layihə dekabrın 14-də Milli Məclisin plenar iclasında müzakirəyə çıxarılıb. Həmin gün birinci, dekabrın 20-də isə ikinci oxunuşdan keçib.

Ardınca Azərbaycanın onlarla jurnalisti, hüquqşünası, media eksperti və təşkilatı layihənin Milli Məclisdə müzakirəsini dayandırmağı əks etdirən müraciət yayıb.

Hətta vətəndaş cəmiyyəti nümayəndələri layihənin Milli Məclisdə müzakirəsinin dayandırması haqqında çağırış da ediblər. Buna baxmayaraq, layihə ikinci oxunuşda da qəbul olunub.

Siyasət

İlham Əliyev Tokayevə məktub göndərdi

28 Yanvar 2022

Rəsmi səhifə

Azərbaycan Prezidenti İlham Əliyev Qazaxıstanın dövlət başçısı Kasım-Jomart Tokayevə təbrik məktubu göndərib. Bu barədə "president.az" saytı məlumat yayıb.  Məktubda deyilir: “Hörmətli Kasım-Jomart Kemeleviç. “Nur Otan” Partiyasının sədri seçilməyiniz münasibətilə səmimi təbriklərimi qəbul edin. Bizim dost ölkələrimiz arasında münasibətlər bu gün uğurla inkişaf edir, birgə layihələr fəal surətdə həyata keçirilir. Biz Azərbaycan ilə Qazaxıstan arasında qarşılıqlı maraq doğuran bütün istiqamətlər üzrə əməkdaşlığı bundan sonra da dərinləşdirmək əzmindəyik. Azərbaycanın və Qazaxıstanın hakim partiyaları – Yeni Azərbaycan Partiyası və “Nur Otan” partiyası arasında əməkdaşlığın müsbət dinamikasını və fəal dialoqu məmnuniyyətlə qeyd etmək istərdim. Partiyalararası əlaqələr ölkələrimiz arasında ikitərəfli münasibətlərin mühüm tərkib hissəsidir. Əminəm...
Siyasət

Müdafiə Nazirliyi: "Ermənistan mövqelərimizi atəşə tutub"

28 Yanvar 2022

Rəsmi səhifə

Ermənistan silahlı qüvvələrinin bölmələri yanvarın 27-si saat 20:58-dən 23:00-dək dövlət sərhədinin Tovuzqala rayonunun Çinarlı yaşayış məntəqəsində yerləşən mövqelərindən Azərbaycan Ordusunun Tovuz rayonunun Koxanəbi yaşayış məntəqəsi istiqamətində yerləşən mövqelərini atıcı silahlardan fasilələrlə atəşə tutub. Bu barədə yanvarın 28-də Azərbaycan Müdafiə Nazirliyindən məlumat verilib. "Ordumuzun qeyd olunan istiqamətdə yerləşən bölmələri tərəfindən müvafiq tədbirlər görülüb. Azərbaycan Ordusunun sıralarında şəxsi heyət və hərbi texnika baxımdan itki yoxdur. Əməliyyat şəraiti Azərbaycan Ordusunun tam nəzarəti altındadır" - deyə məlumatda bildirilib.
Seçilmiş Videolar