Siyasət

Aqil Məhərrəmov: "Uşaqlarım elə bilirdi işləməyə getmişəm, həbsimi bilmirdilər"

Samirə Əli
25 May, 2022
1188

Azərbaycan xalq cəbhəsi partiyasının (AXCP) rəyasət heyətinin üzvü Aqil Məhərrəmov 4 illik həbsdən sonra mayın 25-i səhər saatlarında azadlığa buraxılıb.

A.Məhərrəmov 2018-ci ildə həbs olunmuşdu. O Gədəbəy rayonunun keçmiş icra başçısı Saleh Rüstəmli ilə birlikdə çirkli pulları leqallaşdırmaqda ittiham olunurdu.

“Eşitdik. Saleh Rüstəmliyə söz veriblər ki, bu yaxınlarda azadlığa buraxılacaq. Ümid edirəm, o da yaxın günlərdə azadlığına qovuşacaq. Yeri gəlmişkən bugün Saleh Rüstəmlinin ad günüdür. Elə onun doğum günündə tutulmuşdum,doğum günündə də azadlığa çıxmışam”,- Məhərrəmov danışır.

Aqil Məhərrəmovun  həbs olunduğu dövrdə əkiz övladları 4 aylıq idilər. Deyir, əsas narahatlığı həbsinin övladlarında psixoloji iz qoyması idi:
“Uşaqlar məni çox yaxşı qarşıladılar. Uşaqlarla demək olar hər gün telefonlarla danışırdım ki, ünsiyyəti bərpa edə bilək. görüşlərə də gəlirdilər, onlar elə bilirdilər ki, mən işləmək üçün getmişəm, həbsimdən xəbərləri yox idi. Amma indi evə həmişəlik gəldiyimə görə, onlar da çox sevinir”.

Aqillə görüşə gələnlər arasında AXCP sədri və üzvləri də var idi. Partiya sədrinin sözlərinə görə, Aqil Məhərrəmovun həbsində məsuliyyəti Azərbaycan hakimiyyəti daşıyır:
“Siyasətdə yarış var, siyasətdə rəqabət var. siyasətin qaydaları var, amma azərbaycan bizə qaydasız döyüş təklif edir. Bu gün Aqil bəy gündəmi dəyişib, bu gün gündəm Aqildir.

Amma Aqil bəy bilirsən ki, sən gələnədək gündəm nəydi? Polis zorakılığı. Azərbaycan hakimiyyəti bugün anlamalıdır ki, bugün Aqil Məhərrəmlinin həyatından, övladlarından 4 ilini oğurlayıb, yüzlərlə gəncin illərini oğurluyub. Hakimiyyət bilməlidir ki, bunun bir məsuliyyəti olmalıdır”,-deyə Kərimli vurğulayır.

“ Dörd il sürətlə keçdi, çünki orada hər şey eynidir. Günlər bir-birini təkrarlayır. Dörd il öncə hər şey harda qalmışdısa, indi oradan başlayacağam. Məsələn, 4 il qabaq Real Madrid-Liverpul finalı idi, indi də həmin finallardır.

Dörd il öncə də əfvə düşən siyasi gənclərimiz var idi, bu il də həmin ərəfələri yaşayırıq”,-deyə Məhərrəmov söyləyir.
Hüquq müdafiəçiləri Aqil Məhərrəmovun həbsini siyasi motivli həbs hesab ediblər. Siyasi fəal dörd il öncə qaldığı yerdən davam edəcəyini, siyasi fəaliyyətini bərpa edəcəyini bildirib.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Rəsmi Bakı İranda saxlanılan azərbayanlı tələbə ilə bağlı açıqlama verib

2 İyun 2023

Rəsmi səhifə

"İranda həbs olunan Fərid Səfərli ilə görüşün keçirilməsi üçün tədbirlər görülür". Toplum Tv xəbər verir ki, bu barədə Azərbaycan Xarici İşlər Nazirliyinin Mətbuat xidməti idarəsinin rəisi Ayxan Hacızadə Azərbaycan vətəndaşı Fərid Səfərlinin İranda həbs olunmasına münasibət bildirərkən deyib. O xatırladıb ki, Fərid Səfərli barədə məlumat Azərbaycan Xarici İşlər Nazirliyinə daxil olan gündən, yəni martın 9-dan etibarən vətəndaşın aqibətinin müəyyən edilməsi və İranın məsələyə aydınlıq gətirməsi məqsədilə müvafiq olaraq İranın Azərbaycandakı Səfirliyinə nota ünvanlanıb: Çoxsaylı müraciətlərdən sonra İran tərəfi notamıza cavab olaraq, Fərid Səfərlinin həbs olunaraq ona qarşı cinayət işi başladıldığını bildirib. Bu barədə Fərid Səfirlinin ailəsinə müvafiq məlumat verilib". https://toplum.tv/siyaset/pazerbaycanli-telebenin-iranda-casusluq-ittihami-ile-hebs-olundugu-bildirilirp...
Siyasət

Rəsmi Bakı Makronun bəyanatından narazı qalıb

2 İyun 2023

Açıq mənbələrdən götürülüb

"Əfsuslar olsun ki, Fransa tərəfindən belə davranışın sərgilənməsi ilk hal deyil və bu, Azərbaycanla Ermənistan arasında sülh prosesinə, bölgədə sülh və sabitliyə heç də müsbət töhfə vermir". Toplum Tv xəbər verir ki, bu barədə iyunun 2-də Xarici İşlər Nazirliyinin mətbuat katibi Ayxan Hacızadə Fransa Prezidenti Emmanuel Makron tərəfindən Kişineu görüşünün nəticələrinə dair yayılmış bəyanata cavab olaraq deyib. Onun sözlərinə görə, Kişineuda Avropa Siyasi İcması sammiti çərçivəsində Azərbaycan Prezidenti və Ermənistanın Baş naziri arasında Aİ Şurasının Prezidenti Şarl Mişelin, Fransa Prezidentinin və Almaniya Kanslerinin iştirakı ilə görüşün yekunları üzrə mətbuata açıqlama ənənəyə uyğun olaraq Brüssel formatının təşkilatçısı kimi Şarl Mişel tərəfindən...

Seçilmiş Videolar

Toplum TV loqo