Siyasət

Arif Hacılı: “Siyasi rəqiblərin bu şəkildə təqib edilməsi ləyaqətsizlikdir”

Roza Məmmədova
29 Mart, 2021
1376

Rferl

“Azərbaycan hakimiyyətinin bu davranışları əvvəllər bəyan etdiyi “kişi kimi, ləyaqətli mübarizə aparmaq” iddiaları ilə üstə-üstə düşmür”.

Müsavat Partiyasının başqanı Arif Hacılı “Toplum TV”-yə belə deyib.

Sosial şəbəkədə Milli Şuranın sədri Cəmil Həsənlinin qızı Günel Həsənliyə aid olduğu iddia edilən  intim görüntülər  yayılıb. Bu barədə martın 28-də C.Həsənli şəxsi “Feysbuk” hesabında paylaşım edib.
O bu görüntülərin yayılmasında Azərbaycan hakimiyyətini ittiham edib.

A.Hacılı siyasi rəqiblərin bu şəkildə təqib olunmasını, şəxsi həyatına müdaxilə edilməsini biabırçılıq, ləyaqətsizlik adlandırıb:

“Azərbaycan hakimiyyəti bu məsələlərlə əlaqədar davranışlarına son qoymalıdır. Əgər bu addımları birbaşa özləri tərəfindən atılmadığını iddia edirlərsə , dərhal istintaq aparıb hadisələrin kimlər tərəfindən törədilməsinə aydınlıq gətirməlidirlər”.

A.Hacılının fikrincə, bu, hakimiyyətin ölkə daxilində və dünyada onsuz da aşağı düşmüş nüfuzuna çox ağır zərbə vurur, cəmiyyətdə gərginliyi artırır:

“Bu üsul hakimiyyətin xislətindən irəli gəlir. Məqsəd nüfuz qazanmaq, siyasi opponetlərini məhv etmək olsa da, proses əksinə gedir. Bu gün sosial mediada gedən müzakirələrdən aydın görünür ki, Cəmil Həsənliyə qarşı törədilmiş təxribat, hakimiyyətin əvvəlki dövrlərdə də bu tip davranışlar sərgiləməsi hədəfə alınan insanların nüfuzuna xələl gətirmir. Azərbaycanda sivil demokratik cəmiyyət uğrunda mübarizə aparan və sivil idarəçilik sistemini müsbət dəyərləndirən hər bir vətəndaş bu davranışları qəzəb və nifrətlə qəbul edir”.
A.Hacılı Azərbaycan zaman-zaman təkrarlanan bu situasiyanı hakimiyyətin dözümsüzlüyü ilə izah edib:

“Belə görüntüləri yaymaqla, onlar, əslində, özlərini biabır edirlər. Hakimiyyət sivil yolla mübarizə aparmaq imkanında olmadığını bildiyi üçün guya rəqiblərini nüfuzdan salmağa çalışır. Bu da əks effekt verir”.

Siyasət

İlham Əliyev, Şarl Mişel və Nikol Paşinyan arasında görüş olub

22 May 2022

Rəsmi səhifə

Bu gün Brüsseldə Azərbaycan Respublikasının Prezidenti İlham Əliyev, Avropa İttifaqı Şurasının Prezidenti Şarl Mişel və Ermənistan Respublikasının baş naziri Nikol Paşinyan arasında görüş baş tutub. Bu barədə Prezident İlham Əliyevin mətbuat xidmətindən məlumat verilib. Görüşün detalları barədə hələlik mətbuata geniş informasiya verilməyib. Bundan əvvəlsə İlham Əliyevin Şarl Mişel ilə təkbətək görüşü olub. APA xəbər verir ki, görüş zamanı Əliyev Ermənistan ilə Azərbaycan arasında münasibətlərin normallaşdırılması və sülh müqaviləsinin imzalanması üçün Azərbaycan tərəfindən beynəlxalq hüquqa əsaslanan 5 prinsipin təqdim olunduğunu qeyd edib.   O, bu prinsiplərin sülh müqaviləsinin hazırlanmasında əsas rol oynadığını vurğulayıb. Avropa İttifaqı Şurasının Prezidenti Şarl Mişel isə Avropa...
Siyasət

İlham Əliyev və Şarl Mişel arasında görüş olub

22 May 2022

Rəsmi səhifə

Azərbaycan Prezident İlham Əliyevin Brüsselə səfəri çərçivəsində Avropa İttifaqı (Aİ) Şurasının Prezidenti Şarl Mişellə təkbətək görüşü başlayıb. Bu barədə Prezident İlham Əliyevin mətbuat xidməti məlumat yayıb. Bildirilir ki, Şarl Mişel dövlət başçısını qarşılayıb, sonra birgə foto çəkdirilib. Bu gün Brüsseldə Ermənistanın Baş naziri Nikol Paşinyanla görüş planlaşdırılır.

Seçilmiş Videolar

Toplum TV loqo