Siyasət

Arutyunyan Qarabağ ordusunu buraxmağa hazırlaşır?

21 Oktyabr, 2021
963

Açıq mənbələrdən götürülüb

"Araik Arutyunyan Qarabağ ordusunu buraxmağa hazırlaşır". 

"Novosti-Armeniya" saytının oktyabrın 21-də verdiyi məlumata görə, bu bəyanatı Ermənistan parlamentində Qarabağın erməni sakinləriylə bağlı dinləmələr zamanı "Şuşadan məcburi köçkün olan ermənilər"i təmsil edən Aşot Arutyunyan səsləndirib.

"Araik Arutyunyan ordunu buraxmağa hazırlaşdığını dedi. Ona sual verdim ki, sənə bu hüququ kim verib? O isə cavabında dedi ki, bunu azərbaycanlılar tələb edir", - deyə Aşot Arutyunyan bəyan edib. 

Araik Arutyunyanın köməkçisi Lusine Avanesyan isə bu iddiaları təkzib edib. 

""Artsax" hökumətinin gündəliyində "Artsax ordusu"nun buraxılması kimi bir məsələ yoxdur. "Artsax Silahlı Qüvvələri" ilə əlaqədar bütün müzakirələr onu yenidən təşkil etmək, modernləşdirmək və s. mövzular üzərindədir. Bizim qarşımızda öz gələcəyimizi qurmaq üçün bir çox məsələlər dayanır, ordu quruculuğu da burada açar rolunu oynayır", - deyə Qarabağdakı qondarma quruluşun təmsilçisi bildirib. 


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Putin növbəti dəfə Əliyevə zəng edib

26 Noyabr 2022

Açıq mənbələrdən götürülüb

Noyabrın 26-da Rusiya Federasiyasının Prezidenti Vladimir Putin Azərbaycan Respublikasının Prezidenti İlham Əliyevə zəng edib. Bu barədə Azərbaycan Prezidentinin Mətbuat Xidməti məlumat yayıb. Bildirilir ki, telefon söhbəti zamanı Rusiya, Azərbaycan və Ermənistan liderləri arasında üçtərəfli razılaşmaların kompleks şəkildə həyata keçirilməsi üzrə qarşıdakı addımlar müzakirə edilib, regionda nəqliyyat və iqtisadi əlaqələrin açılmasının praktiki məsələləri vurğulanıb. Bundan əvvəl Putin Əliyevə oktyabrın 31-də və noyabrın 22-də zəng etmişdi.
Siyasət

Müdafiə Nazirliyi: Erməni silahlı dəstələrinə məxsus kvadrokopter ələ keçirilib

26 Noyabr 2022

Rəsmi səhifə

Qeyri-qanuni erməni silahlı dəstələrinə məxsus kvadrokopter ələ keçirilib. Bu barədə noyabrın 26-da Müdafiə Nazirliyindən məlumat verilib. Bildirilib ki, Rusiya sülhməramlılarının müvəqqəti yerləşdirildiyi Azərbaycan ərazisindəki qeyri-qanuni erməni silahlı dəstələrinə məxsus kvadrokopter noyabrın 26-sı saat 11:28-də Xocalı rayonunun Şuşakənd yaşayış məntəqəsi, 11:46-da isə Ağdam rayonunun Yeddi Xırman yüksəkliyi ətrafında bölmələrimizin mövqeləri üzərində kəşfiyyat məqsədli uçuşlar həyata keçirməyə cəhd göstərib. "Bölmələrimizin sayıqlığı nəticəsində aşkar edilən kvadrokopter xüsusi üsulla endirilərək ələ keçirilib",- məlumatda qeyd olunub.

Seçilmiş Videolar

Toplum TV loqo