Siyasət

Avropa Məhkəməsi Azərbaycanla bağlı qərarlarını elan etdi

29 Sentyabr, 2022
1429

Açıq mənbələrdən götürülüb

Avropa İnsan Haqları Məhkəməsi (AİHM) bu gün, sentyabrın 29-da Azərbaycandan göndərilmiş 26 şikayət üzrə 5 yeni qərarını elan edib. Məhkəmə 2 şikayəti qəbuledilməz sayıb. Digər işlərdə tərəflər dostca anlaşıblar.

Bu barədə aihmaz.org saytı məlumat yayıb. 

"Əsədov Azərbaycana qarşı" - işində ərizəçiyə məxsus mülkiyyətin (yanacaq doldurma məntəqəsi) dövlət maraqları əsası ilə özgəninkiləşdirilməsi və sökülməsi, ərizəçiyə hər hansı kompensasiya ödənilməməsi ilə bağlı olub. Mübahisə ilə bağlı iki AİHM-ə iki fərqli məzmunda şikayət göndərilmişdi. Ərizəçi AİHM qarşısında iddia edir ki, ona məxsus mülkiyyətin sökülməsi, əlindən alınması, onun Konvensiyanın 6-cı, 8-ci, 13-cü və 1 saylı Protokolunun 1-ci maddəsi ilə təminat altına alınan ədalətli məhkəmə araşdırması, şəxsi həyata hörmət, səmərəli hüquq müdafiə vasitələrinə malik olmaq və mülkiyyət hüququna müdaxilə məzmunda olub. Şikayət 2009-cu ildə göndərilmişdi.

https://toplum.tv/siyaset/avropa-mehkemesi-azerbaycan-hokumetini-cerimeledi-40250

AİHM bu şikayəti qəbuledilməz elan edib.

"Paşayev Azərbaycana qarşı" - məhkəmə işinin hallarına görə, ərizəçi Bakıda “Olimpus AZ” özəl tikinti şirkətindən iki mənzil alıb. Ancaq şirkət nə mənzilləri təhvil verib, nə də ərizəçinin ödədiyi vəsaiti geri verib. Şirkətin direktoru mənimsəmə cinayətinə görə, məhkum edildikdən sonra həbsxanada vəfat edib.

Ərizəçi məhkəmələrə müraciət edib, onun iddiaları təmin edilib və cavabdeh şirkətin üzərinə ərizəçiyə həm əsas borcu, həm də faizlərini ödəmək vəzifəsi qoyulub. Ancaq cavabdeh şirkət müflis olduğu və fəaliyyətini dayandırdığı üçün ərizəçiyə hər hansı ödəniş edilməyib.

Şikayətin komunikasiyası zamanı Hökumət, ərizəçinin xeyrinə olan milli məhkəmə qərarlarının icrası üçün mümkün olan hər şeyi edib. İcra vərəqəsi verilib, icra məmurları icra prosesini başlayıblar, ancaq cavabdeh şirkətin hər hansı əmlakı və gəliri olmadığından qərarın icrası mümkünsüz olub.Bu səbəblərə görə, dövlət mübahisəli qərarın icra olunmamasına görə məsuliyyət daşıya bilməz.

AİHM də öz qərarında belə qənaətə gəlib ki, hökumət yerli məhkəmnin ərizəçinin xeyrinə olan qərarının icrası üçün mümkün olanları edib.

“Məhkəmə qeyd edir ki, … məhkəmənin çıxardığı qərarların icrası 6-cı maddənin məqsədləri üçün “məhkəmə araşdırmasının” tərkib hissəsi kimi qəbul edilməlidir. Ancaq bu, dövlətin özəl şəxsin iflas etməsinə görə bir qərarın icra edilə bilməməsinə görə məsuliyyət daşıması anlamında başa düşülməməlidir…”, deyən AİHM belə durumlarda dövlətlərin vəzifəsinin məhkəmə qərarlarının icrasına səylə kömək göstərmək olduğunu qeyd edib. Məhkəməyə görə, hazırkı işdə dövlət məhkəmə qərarının icrasında ərizəçiyə köməklik göstərmək üçün səylə hərəkət edib. “Bundan başqa, ərizəçi istər daxili məhkəmələr, istərsə də Məhkəmə qarşısında qərarın icrası üçün, əgər varsa, başqa hansı konkret addımların atıla biləcəyini və atılmadığını, icra məmurları tərəfindən hansı konkret hərəkətsizliklərə yol verildiyini dəqiqləşdirməyib”.

Məhkəmə yekunda şikayəti əsassız olması səbəbi ilə rədd etməyə qərar verib.

"Rəşidov Azərbaycana qarşı" - məhkəmə işi də daxili məhkəmə qərarlarının icra edilməməsi ilə bağlı idi.

Kommunikasiya mərhələsində tərəflər dostca anlaşdıqlarına görə, AİHM şikayətin baxılacaq işlər siyahısından çıxarılmasına qərar verib. Anlaşmaya əsasən, hökumət ərizəçiyə 3250 avro ödəyəcək.

"Sarıyev və 14 başqa ərizəçi Azərbaycana qarşı" - məhkəmə işində ərizəçilər toplaşmaq hüquqlarının (Maddə 11) pozuntusundan şikayət etmişdilər. Kommunikasiya zamanı tərəflər dostca anlaşma bağladıqlarına görə, AİHM ərizələri baxılacaq işlərin siyahısından çıxarmağa qərar verib.

Anlaşmaya görə, hökumət 15 ərizəçiyə mənəvi zərər əvəzi ümumilikdə 39 000 avro, xərc və məsrəflərə görə isə ümumilikdə 6000 avro ödəyəcək.

(Ərizəçilər: Nurlan Sarıyev; Kazım İmanov; Məcnun Pirəliyev; Araz Səmədov və Şəfəq Səmədova; İlham Hüseynov; Yalçın Abdullayev; Emil Səlimov; Saqif Qurbanov; Emil Maniyev; Bəhruz Həsənov; Aqil Məhərrəmov; Ruslan Nəsirov; Yalçın Abdullayev; Məhərrəm Rzayev; Füzuli Hüseynov)

Şahhüseynov və 7 başqa ərizəçi Azərbaycana qarşı -  məhkəmə işi də toplaşmaq hüququnun pozuntusu iddiaları ilə bağlı idi. Bu işdə də tərəflər kommunikasiya mərhələsində anlaşıblar.

Anlaşmaya görə, hökumət 8 ərizəçiyə mənəvi zərər əvəzi ümumilikdə 20 800 avro, xərc və məsrəflərə görə isə ümumilikdə 1000 avro ödəyəcək.

(Ərizəçilər: Füzuli Şahhüseynov; İmaməddin Məhərrəmli; Məhəmməd Həbibov; Salman Sultanov; Azər Şamxalov; Ayaz Məhərrəmov; Xalqı Hüseynov və Vəlixan Hüseynov; Babək Həsənov)


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Ermənistan tərəfi Azərbaycana cavab verib: "Konstitusiya daxili işimizdir"

1 Mart 2024

Açıq mənbələrdən götürülüb

“Sülh müqaviləsi layihəsinin razılaşdırılmış bəndlərində göstərilir ki, tərəflər sazişin müddəalarına əməl etməmək üçün daxili qanunvericiliyə istinad edə bilməzlər”. Toplum TV xəbər verir ki, bunu martın 1-də Türkiyənin Antalya şəhərində keçirilən III Diplomatik Forumundakı panel müzakirələrində Ermənistan Parlamentinin vitse-spikeri Ruben Rubinyan deyib.  Panel əsnasında Prezident İlham Əliyevin köməkçisi Hikmət Hacıyev Ermənistan Konstitusiyasında Azərbaycana qarşı ərazi iddialarının olduğunu və Bakının bununla bağlı qarşı tərəfdən açıqlama gözlədiyini bildirib.  Rubinyan isə Hacıyevə cavabında bildirib ki, Konstitusiya və hüquqi bazası Ermənistanın daxili işidir: "Bunun qətiyyən sülhməramlı proseslərlə əlaqəsi yoxdur. Ermənistanın Azərbaycana qarşı ərazi iddiası yoxdur".  Onun sözlərinə görə, saziş layihəsinin razılaşdırılmış bəndlərində Ermənistan və Azərbaycanın...
Siyasət

Aİ nümayəndəsi: Azərbaycanla Ermənistan yaxın zamanda sülh sazişi imzalaya bilər

1 Mart 2024

Açıq mənbələrdən götürülüb

"Azərbaycanla Ermənistan arasında sülh müqaviləsinin yaxın zamanda imzalanması realdır".  Toplum TV APA-ya istinadən xəbər verir ki, bunu martın 1-də Avropa İttifaqının Cənubi Qafqaz və Gürcüstan böhranı üzrə Xüsusi Nümayəndəsi Toivo Klaar bildirib. Onun sözlərinə görə, müqavilənin bütün elementlər masadadır: "Bu, vacib kompromislərə getməklə bağlı siyasi iradə məsələsidir, kompromislərə nail olaraq sülh müqaviləsini imzalamağın zamanı gəlib çatıb". Klaar həmçinin qeyd edib ki, Azərbaycanla Ermənistan arasındakı sülh müqaviləsi təbii ki, iki ölkə arasında imzalanacaq. "Kənardakı hər hansı vasitəçi (tərəfdaş) sadəcə bu məsələni dəstəkləyə bilər. Bu bizim etməyə çalışdığımız işdir. Razıyam ki, bu məsələ iki tərəf arasındadır, lakin ona da inanıram ki, kənardakı...

Seçilmiş Videolar

Toplum TV loqo