Siyasət

Avropa Şurası komissarı: Elçin Sadıqov və Əvəz Zeynallı dərhal azad edilməlidir

13 Sentyabr, 2022
473

Açıq mənbələrdən götürülüb

Avropa Şurasının İnsan Hüquqları üzrə komissarı Dunya Miyatoviç vəkil Elçin Sadiqov və jurnalist Əvəz Zeynallının həbsi ilə bağlı bəyanat verib. 

"Ötən şənbə günü Bakıda hüquq müdafiəçisi Elçin Sadıqov və onun müvəkkili, jurnalist Əvəz Zeynallının həbsi Azərbaycanda vətəndaş cəmiyyəti fəallarının və müstəqil media işçilərinin üzləşdiyi düşmən mühiti bir daha nümayiş etdirir. Cənab Sadıqov tanınmış hüquq müdafiəçisi və uzun illər Azərbaycanda onlarla fəalı, müstəqil jurnalisti və müxalifət xadimini cəsarətlə müdafiə edən Ofisimin tərəfdaşıdır. Təəssüf ki, o, Azərbaycanda bir çox digər fəallar kimi qanuni insan haqları fəaliyyətinə görə davamlı təhdid və təqiblərə məruz qalıb. Öz növbəsində, cənab Zeynallı müstəqil jurnalist kimi tanınır, o da əvvəllər tənqidi mövqelərinə görə hədə-qorxu və məhkəmə təqiblərinə məruz qalıb", - deyə Miyatoviçin açıqlamasında bildirilir. 

https://toplum.tv/siyaset/evez-zeynallinin-apellyasiya-sikayeti-temin-edilmedi

Onun sözlərinə görə, E. Sadıqov və Ə. Zeynallı barədə həbs qətimkan tədbirinin seçilməsi ilə bağlı bir gecəlik məhkəmə prosesi Avropa insan haqları standartlarına uyğunluqla bağlı ciddi suallar yaradır. 

"Məhkəmə bağlı qapılar arxasında və əsas prosessual təminatların olmadığı şəraitdə keçirilib, bu da onların təqibinin və həbsinin etibarlılığına şübhələri gücləndirir. Cənab Sadıqovun həbsi onun iş yerlərində aparılan axtarışlardan və hüquqi peşəkar imtiyazla qorunmalı olan məxfi məlumatların ələ keçirilməsindən sonra baş verib. Bu faktlar Azərbaycanda insan haqları vəkillərinə və müdafiəçilərinə və Azərbaycanda uzun müddətdir narahatlıq doğuran məsələ olan ifadə azadlığına, o cümlədən media azadlığına soyuq təsirini daha da gücləndirir", - Miyatoviç qeyd edib. 

Avropalı komissar Azərbaycan hökumətini E. Sadıqovu və Ə. Zeynallını dərhal azad etməyə və onların hüquq və azadlıqlarına hörməti tam təmin etməyə çağırıb. 

O, bəyan edib ki, Azərbaycanda vətəndaş cəmiyyəti nümayəndələriin və müstəqil jurnalistlərin təhdid və təqiblərinə dərhal son qoyulmalıdır. 

"Hakimiyyət orqanlarının vəzifəsi hüquq müdafiəçilərinin və media mütəxəssislərinin öz işlərini təhlükəsiz və sərbəst şəkildə yerinə yetirmələrini təmin etməkdir, - deyə o sonda vurğulayıb. 

Jurnalist Əvəz Zeynallı və vəkil Elçin Sadıqov sentyabrın 10-dan 11-nə keçən gecə saxlanılıblar. Ə. Zeynallı "Baku Steel Company"-nin sabiq rəhbəri, həbs olunmuş iş adamı Rasim Məmmədovun ailəsindən hədə-qorxu yoluyla rüşvət almaqdan, Elçin Sadıqov isə buna vasitəçi olmaqda təqsirləndirilir.

İttihamlara "Haqqın.az" saytının baş redaktoru Eynulla Fətullayevin iddiaları səbəb olub.

Baş prokurorluq əməkdaşlarının Zeynallı və Sadıqovun evlərində apardığı axtarış əməliyyatları nəticəsində əşyalar və sənədlər müsadirə edilib. 

Binəqədi Rayon Məhkəməsinin hakimi Fərid Əmirəliyevin qərarı ilə hər iki şəxs barədə 4 aylıq həbs qəti imkan tədbiri seçilib.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Paşinyan Bakının sülh müqaviləsi ilə bağlı şərtlərinin qəbul etmədiyini deyir 

23 Mart 2023
Yerevan İlham Əliyevin Ermənistanın sərhədin delimitasiyası ilə bağlı Azərbaycanın şərtlərini qəbul etməli olduğu, əks halda sülh müqaviləsi bağlanmayacağı haqqında 18 mart tarixli bəyanatını qəbuledilməz hesab edir. Bu barədə Ermənistan baş naziri Nikol Paşinyan martın 23-də hökumətin iclasında bildirib.  O, bunu "təcavüz aktı" və "yüksək səviyyədə əldə olunmuş razılaşmaların kobud pozuntusu" adlandırıb. Xüsusən, Paşinyan "BMT Nizamnaməsinə və 1991-ci il tarixli Almatı Bəyannaməsinə uyğun olaraq suverenliyin, ərazi bütövlüyünün və sərhədlərin pozulmazlığının qarşılıqlı tanınması haqqında" əvvəlki razılaşmalara istinad edib.  Paşinyanın sözlərinə görə, bu bəyanatlarda sovet respublikalarının sərhədlərinin onların dövlət sərhədi olduğu qeyd edilib, amma "Azərbaycan daim hansısa tarixi xəritələr əsasında delimitasiyadan danışır ki,...
Siyasət

Avropa İttifaqı Azərbaycanda qəbul edilən siyasi partiyalar haqqında yeni qanunu tənqid edib

23 Mart 2023
Avropa İttifaqı Azərbaycanda siyasi partiyalar haqqında yeni qanunla tətbiq edilmiş məhdudiyyətlərdən narahatlığını bildirib. Azərbaycan hakimiyyəti Venesiya Komissiyasının və ATƏT DTİHB-nin tövsiyələrini yerinə yetirməyə çağırılıb. Bu barədə Aİ-nin Xarici Siyasət Xidmətinin 22 mart tarixli bəyanatında deyilir.  "Avropa İttifaqı siyasi partiyalar haqqında yeni qanunla tətbiq edilmiş məhdudiyyətlərdən narahatdır. Bu, Azərbaycanda siyasi plüralizmə və birləşmək, fikri ifadə etmək və dinc toplaşmaq azadlığı kimi əsas hüquq və azadlıqlara çəkindirici təsir göstərə bilər", deyə Aİ-nin Xarici Siyasət Xidmətinin saytında yer alan bəyanatda bildirilir.  Bu hüquqlar "demokratik cəmiyyətin fəaliyyəti üçün əsasdır". Aİ israrla Azərbaycanı Avropa Şurası Venesiya Komissiyasının əvvəlki siyasi partiyalar haqqında qanunla bağlı köhnə tövsiyələrini,...

Seçilmiş Videolar

Toplum TV loqo